كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-16729217039 %61 %

قابىر كۇزەتۋشى جاڭ چيۋلياڭ قۇربانداردىڭ تۋىستارىن قارسى الۋعا تولىق دايىندىق كوردى - ەلٴىشى حابارلارى - باش بە


ءتۇرى: تارباعاتاي ايماعى اقپاراتتارى

ۋاقىتى: 15:40 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.
قابىر كۇزەتۋشى جاڭ چيۋلياڭ قۇربانداردىڭ تۋىستارىن قارسى الۋعا تولىق دايىندىق كوردى

جولدانعان ۋاقىتى : 2019/9/11 16:56:19

  تىلشىلەرىمىز چيۋ گۋاڭشين، يان ۋىنحۋا، شۇي حۇييان

  بىرنەشە كۇننەن بەرى جاڭ چيۋلياڭنىڭ كوڭىلى استاڭ-كەستەڭ بولدى. گۋ كىراڭ قۇرباننىڭ تۋىستارى ساۋان اۋدانىنا ازا بىلدىرۋگە كەلەتىندىگىن ەستىگەندە ءارى قۋاندى، ءارى جابىرقادى.

   جاڭ چيۋلياڭ الدا گۋ كىراڭ قۇرباننىڭ 89 جاستاعى شەشەسىمەن كەزدەسەتىن كەزدى سان مارتە ويلادى. ول ءوزىن توزە الماسپىن با دەپ ويلادى، قارت انانىڭ ۇلىنىڭ قابىرىن كورىپ جانى ەگىلۋىنەن ءتىپتى دە الاڭدادى.

  «قارتتىڭ ۇلى قۇربان بولدى،مۇنان بىلاي مەن ونىڭ ۇلىمىن، ول مەنىڭ قارت انام  بولادى» دەدى جاڭ چيۋلياڭ.

  قۇرباننىڭ تۋىستارىن قارسى الۋ ءۇشىن، جاڭ چيۋلياڭ جان-جاقتىلى دايىندىق كوردى.

  ساۋان اۋدانى دۇڭۋان قالاشىعىنىڭ كازۋان قىستاعىنداعى جاڭ چيۋلياڭنىڭ ۇيىندە ونىڭ جۇبايى حى فۋرۇڭ ەكى جاتىن بولمەنى تاپ-تۇيناقتاي ەتىپ تازالاپتى، ءبىر جاتىن بولمەدەگى توسەككە شىت جاڭا القىزىل ءتۇستى كورپە-جاستىق قويىپتى، مۇنى ول بىلتىر كوكتەم  مەرەكەسىندە ساتىپ السا دا، ىستەتۋگە قيماعان ەكەن، وسى جولى قۇرباننىڭ اناسىنا ادەيى  ارناپتى.

  ەندى ءبىر جاتىن بولمەدەگى توسەك  جاپقىش پەن كورپە-جاستىقتار دا تاپ-تازا جۋىلعان. كۇز كىرىپ، ساۋاننىڭ اۋارايى سالقىن تارتۋدا، حى فۋرۇڭ قالىڭ ماقتالى كورپە،  قاراقۇمىقتى جاستىق ازىرلەدى. ول ۇلكەندەر جاستىقتىڭ قاتتىراق بولعانىن ۇناتادى دەيدى. توسەكتىڭ باس جاعىنا ءبىر ەلەكترمەن قىزدىرۋ اسپابى قويىلعان، مۇنى جاڭ چيۋلياڭ قارت انا شينجياڭعا كەلگەن سوڭ، ۇيىرلەسە الماي، جايسىزدانسا ىستەتەر دەگەن ويمەن ادەيى ساتىپ اكەلگەن ەكەن.

  جاڭ چيۋلياڭ ءوزى باققان قويدى دايىنداپ، قۇرباننىڭ تۋىستارى كەلگەن كەزدە ءوزى باققان قوي، جەرلىك تاۋىق ەتىمەن جانە ءوزى ەككەن كوكونىسپەن ءدامدى تاعام جاساپ بەرمەكشى ەكەن.

  « قۇرباننىڭ تۋىستارى بولىپ بارلىعىمىز سانشيلىقپىز، ولار ۇيىمىزدە  بولعاندا سانشيدىڭ ءدامدى تاعامدارىن ازىرلەپ بەرىپ، وگەيسىتپەي ءوز ۇيىندەگىدەي كۇتپەكشىمىن». حى فۋرۇڭ ىشتەي كوپتەگەن قۋىرماشتاردى ويلاستىرىپ قويعان سياقتى.

  جاڭ چيۋلياڭ گۋ كىراڭ قۇربان اسكەر بولعاننان قايتىس بولعانعا دەيىن ۇيىنە قايتىپ كورمەدى، شەشەسى دە ۇلىنىڭ اسكەري كيىم كيگەن ءتۇرىن كورمەگەن شىعار دەپ ويلاپ، ۇلىنان 65-جىل ۇلگىسىندەگى قۇرلىق ارمياسىنىڭ اسكەري كيىمى مەن سول جىلعى سارى رازىڭكە شاقايدان ءبىر پارىن سۇراتىپ اكەلدى. كەزى كەلگەندە ۇستىنە وسى اسكەري كيىمدى كيىپ قۇرباننىڭ شەشەسىنىڭ الدىنان شىعىپ، شەشەسىنە ۇلىنىڭ كەزىندە اسكەري كيىم كيگەن بەينەسىن كورسەتپەكشى بولادى.

  اسكەري كيىمدى كيگەن جاڭ چيۋلياڭ  ايناداعى وزىنە قاراپ،اسكەر بولعان كەزدەگى شۇعىلالى شاققا قايتا ورالعانداي بولادى.

  جاڭ چيۋلياڭ: «وسى كيىمدى كيىپ قارت انانىڭ الدىنان شىعاتىنىمدى ويلاسام بولدى جىلاعىم كەلەدى، گۋ كىراڭ قۇرباننىڭ قىرشىنىنان قيىلعانىنا جىلاعىم كەلەدى، قارت انانىڭ قايتىس بولعان ۇلىنا ازا بىلدىرۋگە كەلگەن قايعىلى كوڭىل كۇيىنە جىلاعىم كەلەدى،ءبىزدىڭ اقىرى قاۋىشاتىندىعىمىزعا جىلاعىم كەلەدى» دەدى.

  بۇل ءبىر رەتكى وزگەشە كەزدەسۋ  بولماق. جاڭ چيۋلياڭ مەن وتباسىنداعىلارى اقىلداسىپ، سول كۇنى ۇلى، كەلىنى، نەمەرەسى بولىپ ءبىر ءۇيلى جان تۇگەلدەي الدىلارىنان شىعىپ، سودان باستاپ، قارت انانى وزدەرىنىڭ تۋىسىنا بالايتىن بولدى.

  جاڭ چيۋلياڭ جەرلىك ورىنداعى اسكەري قوسىنعا دوكلات بەرىپ، كەزى كەلگەندە  قۇرباننىڭ تۋىستارىن باستاپ كونە اسكەري قوسىنعا بارىپ، ۇلىنىڭ سول كەزدەگى تۇرمىسى مەن كۇرەس جاساعان اسكەري قوسىنىن  كورسەتىپ، اسكەري قوسىنداعى كوماندير- جاۋىنگەرلەردىڭ جاتتىعۋ جاساعان بەينەسىن تاماشالاتىپ، اسقاقتاعان اسكەري ءاندى    ەستىرتپەكشى بولعانىن ايتادى.

  دۇڭۋان قالاشىعىنىڭ باسشىلارى مەن كازۋان قىستاعىنىڭ قىستاق كادرلارى وسى رەتكى قۇرباننىڭ تۋىستارىنىڭ كەلىپ ازا ءبىلدىرۋ  ىسىنە ەرەكشە ءمان بەرىپ، تالاي رەت جيىن اشىپ قارسى الۋ ءىسىن اقىلداستى. قۇرباننىڭ قارت اناسىنىڭ 89 جاسقا كەلگەنىن ويلاستىرا وتىرىپ، كەزى كەلگەندە ەمدەۋ قىزمەتكەرلەرىنىڭ بىرگە بولۋىن، تاۋعا شىعىپ قابىر  سىپىرعانداعى قاتىناس قۇرالدارى جانە تاماقتانۋ مەن جاتىن ورىن سياقتى قاتىستى ماسەلەلەردىڭ بارلىعىنا ورنالاستىرۋ جاسالدى.

  جاڭ چيۋلياڭ گۋ كىراڭ قۇرباننىڭ تۋىستارىنىڭ كەلۋىن ءتورت كوزبەن كۇتتى، ول:  «مەن ەجەلدەن گۋ كىراڭ قۇرباندى كورگەن ەمەسپىن، قارت انا كەلگەندە، مەن وعان ۇلىنىڭ قايتىس بولعانداعى ىزگى ىستەرىن تۇسىندىرەمىن ءارى گۋ كىراڭ قۇرباننىڭ ءتىرى كەزىندەگى اڭگىمەسىن ەستىگىم كەلەدى» دەدى.



رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى

كەلۋ قاينارى: http://www.elarna.net/koru.php?tur=63&id=1046627

پىكىرلەر:

juz dep sifirmen jazingiz.