كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-161515454335 %65 %
2019-09-171646515737 %63 %
2019-09-1816255755 %45 %

«يت كويلەكتىڭ» توركىنى قايدان شىققان؟ | قازاق گازەتتەرى


ءتۇرى: قازاق گازەتتەرى

ۋاقىتى: 15:27 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.


دۇنيە ەسىگىن اشقان سابيگە ەڭ العاش تىگىسىن سىرتىنا قاراتىپ، كيىم تىگىپ كيگىزەدى. بۇل كيىمنىڭ اتىن «يت كويلەك» نەمەسە «يت جەيدە» دەپ اتاعان. كيىمنىڭ بۇلاي اتالۋى جايىندا مىناداي قىزىق اڭىز بار.

«اللا تاعالا ادامنىڭ ءمۇسىنىن جاساعاندا، ونىڭ كىندىگىنەن الىنعان ءبىر شوكىم بالشىقتان ءيتتى جاراتادى. ءيتتىڭ ۇنەمى ادامنان ايىرىلماي، قايدا بارسا دا، يەسىنىڭ مال-مۇلكىن قورىپ، ادامعا سەرىك بولىپ جۇرەتىن سەبەبى سول ەكەن. كىندىك بالشىعىنان جارالعان سوڭ، العاشىندا ونىڭ تەرىسى تۇكسىز، جالاڭاش بولىپتى.

ادام اتا جارالعان سوڭ، ونى قىرىق كۇن، قىرىق ءتۇن يت كۇزەتىپتى. ءىبىلىس ادامعا جاقىن كەلىپ:

– اللا سەنى نەسىنە جاراتقان؟! ءتۇرىڭ قۇرىسىن! – دەپ، ادامنىڭ بەتىنە تۇكىرىپ جىبەرگەن ەكەن. سول ساتتە يت ادامدى قورعاپ، ىبىلىسكە تاپ بەرگەن. ءىبىلىس يتكە اشۋلانىپ، قاھارىن توگىپتى. ءىبىلىستىڭ قاھارى اسىپ ءتۇسىپ، يت توڭىپ ولگەن كورىنەدى.

اللا تاعالا ءيتتىڭ ەرلىگىنە ريزا بولىپ، ونى قايتا ءتىرىلتىپ، دەنەسىن ءجۇنى قالىڭ تەرىمەن قاپتايدى. ادامنىڭ شاڭىراعىنان مەكەن بەرەدى. ال ءىبىلىس ادام بەتىنە تۇكىرگەندىكتەن، ادام ءار ءتۇرلى كەسەلگە شالدىعاتىن بولىپتى» دەپ كەلتىرەدى.

تاعى ءبىر اڭىزدا ادام دەنەسىنىڭ توپىراقتان جارالعانى تۋرالى وقۋعا بولادى. اڭىزدىڭ جەلىسى بويىنشا اللا تاعالا ادام كەسكىنىن بالشىقتان جاساپ، ونى يتكە كۇزەتتىرگەن ەكەن. وسى ءساتتى پايدالانعان ءىبىلىس ادامنىڭ كەسكىنىن ساۋساقتارىمەن نۇقىپ كەتىپ، ونى بىلعاپ قويعان، سودان كەيىن ادام ءومىرىنىڭ سوڭىنا دەيىنگى كۇندەرى بەينەتكە تولى بولعان دەسەدى.

قانداي اڭىزعا سۇيەنسەك تە، ءيتتىڭ ادامعا دوس ەكەنىن بۇگىنگى كۇندە كورىپ ءجۇرمىز.

«يت ادام اتا مەن حاۋا انا جەر بەتىنە تۇسكەن كەزدە دە العاش رەت سولارعا سەنىمدى سەرىك بولعان ەكەن دەسەدى. ولاردى بالە-جالادان، قاۋىپ-قاتەردەن قۇتقارىپ، قورعان بولعان ەكەن».

جاڭا تۋعان بالانى دا پالە-جالەدەن قورعاسىن دەپ يت كويلەك كيگىزىپ ىرىمداۋ سودان قالىپتى. يت كويلەكتى بالا قىرقىنان شىققانشا كيگىزەدى. ونى شىت، سيسا، باتەس، ءبوز سياقتى جۇمساق ماتالاردان جاسايدى. تىسىن سىرتىنا قاراتىپ، شەتىن بۇكپەي پىشەدى. جاعاسىن ويىپ، وڭىرىنە بالانىڭ باسىن سىياتىنداي ەتىپ تىك تىلىك جاسايدى.

بالانى قىرقىنان شىعارعاسىن يت كويلەكتى دالاعا تاستامايدى. داۋعا بارعان ادامدار، جاۋعا شاپقان باتىرلار بالاسىنىڭ يت جەيدەسىن قوينىنا تىعىپ، وزىمەن بىرگە الا جۇرگەن. سەبەبى، «كويلەك قاۋىپ-قاتەردەن، پالە-جالادان ساقتايدى» دەپ ىرىمداعان. ءتىپتى، بالاسى جوق ايەلدەرگە يت كويلەكتى ىرىم ەتىپ بەرەتىن بولعان.

مالىمەت ء«سالت-داستۇر سويلەيدى» كىتابىنان الىنعان.



كەلۋ قاينارى: http://www.elarna.net/koru.php?tur=6&id=1046617

پىكىرلەر:

juz dep sifirmen jazingiz.