كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-205411182776 %24 %

كوكشەتاۋدا 1300 مەترلىك ەسكى جىلۋ قۇبىرى اۋىستىرىلادى - قازاقستان جانە الەمدەگى سوڭعى جاڭالىقتار


ءتۇرى: 24.kz اقپاراتتارى

ۋاقىتى: 15:20 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.



كوكشەتاۋدا بيىل جىلۋ جەلىلەرىن جوندەۋگە كوممۋنالدىق مەكەمە 150 ملن تەڭگەدەن استام قاراجات قاراستىرىپ وتىر.

بۇل قارجىعا جالپى ۇزىندىعى 1300 مەتر بولاتىن ەسكى قۇبىرلاردى جاڭارتۋ جوسپارلانعان. ءقازىردىڭ وزىندە شامامەن 800 مەتر جەلى اۋىستىرىلدى.

كوكشەتاۋدا جىلۋ جەلىلەرىنىڭ جارتىسىنان استامى ەسكىرگەن. ال قۇبىرلاردىڭ جالپى ۇزىندىعى 180 شاقىرىمعا جۋىقتايدى. ماماندار ولاردى جىل سايىن بىرتىندەپ اۋىستىرىپ جاتىرمىز دەيدى. ءبىراق ءار جىلى شامامەن 1 شاقىرىم عانا جەلى جاڭارادى. 

تالاپ ەگىنباەۆ، كوممۋنالدىق مەكەمەنىڭ ءبولىم جەتەكشىسى:

- وتە ەسكىرگەن، اپاتتى جاعدايداعى كۆارتال ىشىلىك جانە ماگيسترالدى جەلىلەر ۋاقىتىندا اۋىستىرىلادى. جىل سايىن وسىنداي ەڭ ماڭىزدى دەگەن بولىكتەردى جاڭارتامىز. ءقازىر قۇبىرلاردىڭ دايىندىعى شامامەن 85 پروتسەنت. بارلىق جوندەۋ جۇمىستارى 15 قىركۇيەككە دەيىن اياقتالۋى ءتيىس.  

قازىر قالادا قۇبىر اۋىستىرۋ جۇمىستارى نازارباەۆ داڭعىلى مەن ءجۇنىسوۆ كوشەسىنىڭ قيىلىسىندا، سونداي-اق، مالىك عابدۋللين كوشەسىندە قىزۋ ءجۇرىپ جاتىر. ەڭ ءىرىسى، سوڭعى اۋماق. مۇندا بۇرىنعى اپاتتى جاعدايداعى جىلۋ جەلىلەرى تولىقتاي جاڭارتىلادى. 

ۆيتالي ليۋلەۆيچ، مەردىگەر مەكەمەنىڭ باس ينجەنەرى:

- بۇل جەردە جىلۋ جەلىلەرىمەن قاتار، كوشە كەڭەيتىلىپ، اباتتاندىرۋ جۇمىستارى جاڭادان جۇرگىزىلەدى. بۇرىن الدىمەن جول سالىنىپ، كەيىننەن ول جەردى قايتا قازىپ جاتاتىن بولسا، ءقازىر جول جوندەۋ مەن قۇبىر اۋىستىرۋ قاتار كەلگەن جاعدايدا بۇل جۇمىستار ءبىر مەكەمەگە جۇكتەلەدى. ال، ءبىز الىپ وتىرعان اۋماق، 1 شاقىرىمعا جۋىقتايدى. جوبا ەكى جىلدىڭ ىشىندە جۇزەگە اسىرىلادى. 

«جىعىلعانعا جۇدىرىق» دەمەكشى، قۇبىرلاردىڭ توزعانىمەن قوسا، قالادا جىل سايىن جاڭا كوپقاباتتى ۇيلەر دە تۇرعىزىلادى. بۇل دا، جىلۋدىڭ جاقسى تارالۋىنا كەرى اسەر ەتەرى ءسوزسىز. سول ءۇشىن بيىل جىلۋ قازاندىعىنان باستاپ قالاعا دەيىنگى ماگيسترال قۇبىرى كەڭەيتىلگەن.

دانيار اقىباەۆ، كوممۋنالدىق مەكەمەنىڭ باس ينجەنەرى:

- قالا ۇلكەيىپ، تۇرعىن ۇيلەردىڭ كوبەيۋىنە وراي بىزدە ءقازىر ءتورتىنشى جانە بەسىنشى جىلۋ قازاندىقتارىنىڭ قۇجاتتارى ازىرلەنىپ جاتىر. ولاردىڭ بىرەۋى كومىرمەن، ال، ەكىنشىسى، گازدى مازۋتپەن جانادى. ولار الداعى ەكى جىلدا ىسكە قوسىلادى. سوندىقتان، جىلۋ تاراتۋدا پروبلەما بولمايدى. 

بۇگىندە وبلىس ورتالىعىندا 900-گە جۋىق تۇرعىن ءۇي بار. باسپانالاردىڭ 90 پروتسەنتى ءقازىر جىلۋ ماۋسىمىنا دايىن دەيدى ماماندار. ال جىلۋ ارنايى بەكىتىلگەن ەرەجەگە ساي 28 قىركۇيەكتەن باستاپ الدىمەن الەۋمەتتىك نىساندارعا، كەيىننەن تۇرعىن ءۇي الابىنا بەرىلە باستايدى. 

اۆتورلارى: دامير بەرىكۇلى، اناتولي پولياننىي


كەلۋ قاينارى: http://www.elarna.net/koru.php?tur=38&id=1046613

پىكىرلەر:

juz dep sifirmen jazingiz.