كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-161515454335 %65 %
2019-09-171646515737 %63 %
2019-09-1814547353 %47 %

اەس سالۋدى جوسپارلاپ وتىرعان وزبەكستاندا اتوم يگەرۋ تۋرالى زاڭ قابىلداندى


ءتۇرى: Ult.kz ۇلىت تورابى

ۋاقىتى: 15:00 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.

وزبەكستان پرەزيدەنتى شاۆكات ميرزياەۆ پارلامەنت ماقۇلداعان اتوم ەنەرگياسىن بەيبىت ماقساتتا پايدالانۋ تۋرالى زاڭعا قول قويدى. بۇل اقپاراتتىUzReport.newsسايتى حابارلادى.

رەسمي حابارلاماعا سايكەس، بۇل زاڭ اتوم ەنەرگەتيكاسىن پايدالانۋدىڭ نەگىزگى قاعيدالارىن انىقتاپ، يادرولىق جابدىقتار، ساقتاۋ پۋنكتەرى سياقتى اتومدى پايدالانۋ نىساندارىن بەكىتەدى.

قۇجات سونىمەن بىرگە ۇلتتىق يادرولىق ينفراقۇرىلىمدى دامىتۋ، ساقتاۋ قويمالارى مەن يادرولىق قوندىرعىلارىن جابدىقتاۋ سياقتى اتوم ەنەرگياسىن پايدالانۋ سالاسىندا مەملەكەتتىك ساياساتتىڭ باعىت-باعدارىن انىقتايدى. زاڭ يادرولىق قارۋ جانە وزگە دە يادرولىق جارىلعىش زاتتاردى شىعارۋعا تىيىم سالادى.

2018 جىلى كۇزدە رەسەي مەن وزبەكستان ۇكىمەتى اتوم ەنەرگەتيكاسى سالاسىندا ارىپتەستىك ورناتۋ تۋرالى كەلىسىمگە قول قويعان. وعان سايكەس، رەسەي وزبەكستانعا "3+" بۋىنىنا تيەسىلى ەكى ەنەرگوبلوكتان قۇرالعان 2،4 گيگاۆاتتىق اتوم ەلەكتر ستانتسياسىن نەسيەگە سالىپ بەرمەك. وزبەكستاندىق اقپارات قۇرالدارىنىڭ حابارلاۋىنشا، ەكى ەل جىل سوڭىنا دەيىن اەس سالۋ تۋرالى كەلىسىم-شارتقا قول قويادى. قۇرىلىس جۇمىستارى 2022 جىلى باستالماق.

اۋەل باستا اەس تۋداكۋل سۋ قويماسى ماڭىنا سالىنادى دەپ حابارلاندى. كەيىننەن اەس-تىڭ ەلدىڭ سولتۇستىك-شىعىس بولىگىندە جيزاق وبلىسىندا سالىناتىنى بەلگىلى بولدى. وزبەكستاندىق اقپارات قۇرالدارى قىركۇيەك ايىنىڭ باسىندا رەسەيلىك مامانداردىڭ جيزاق وبلىسىندا گەوفيزيكالىق-سەيسمولوگيالىق جۇمىستار جۇرگىزە باستاعانىن حابارلادى.

اتوم ەلەكتر ستانتسياسى سالىناتىن ماڭ قازاقستانعا وتە جاقىن ورنالاسقان. ەلدىڭ وڭتۇستىگىندەگى شاردارا مەن جيزاق وبلىسى ورتالىعىنىڭ ارا قاشىقتىعى 230 شاقىرىمنان اسادى.

اتوم ەلەكتر ستانتسياسى سياقتى قورشاعان ورتاعا اسەرى بار ءىرى جوبالاردى جۇزەگە اسىرعان كەزدە الەم ەلدەرى كوبىنە بۇۇ-نىڭ ەۋروپالىق ەكونوميكالىق كوميسسياسى باستاماسىمەن قابىلدانعان شەكارالاس تۇرعىدا قورشاعان ورتاعا اسەردى باعالاۋ تۋرالى كونۆەنتسياسىن باسشىلىققا الادى. كونۆەنتسياعا سايكەس، اەس سالۋدى جوسپارلاپ وتىرعان ەل كورشى مەملەكەتتەرگە جوبا جايلى مۇمكىندىگىنشە ەرتەرەك ەسكەرتىپ، حابار بەرۋى ءتيىس.

بۇعان دەيىن قازاقستاننىڭ ەنەرگەتيكا مينيسترلىگى ازاتتىققا وزبەكستان بۇل كونۆەنتسيانى قابىلداماعاندىقتان وزبەك تاراپىنان قازاق جاعىنا اەس سالۋ جايلى حابارلاما تۇسپەگەنىن ايتقان.


كەلۋ قاينارى: http://www.elarna.net/koru.php?tur=53&id=1046600

پىكىرلەر:

juz dep sifirmen jazingiz.