كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-207372465279 %21 %

ەلىمىزدە ۇشاق بيلەتتەرىنىڭ باعاسى تومەندەيدى


ءتۇرى: Islam.kz رۋحاني اقپاراتتارى

ۋاقىتى: 14:15 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.
ەلىمىزدە ۇشاق بيلەتتەرىنىڭ باعاسى تومەندەيدى

بۇل تۋرالى baq.kz اقپارات كوزى قر يدم ازاماتتىق اۆياتسيا كوميتەتى ءتوراعاسىنىڭ ورىنباسارى ايبەك ءالجانوۆقا سىلتەمە جاساي وتىرىپ حابار تاراتتى. 

قازىرگى ۋاقىتتا مەملەكەت باسشىسىنىڭ 2019 جىلعى 2 قىركۇيەكتەگى قازاقستان حالقىنا جولداۋىن ىسكە اسىرۋ جونىندەگى جالپى ۇلتتىق ءىس-شارالار جوسپارى ازىرلەنۋدە. ونىڭ اياسىندا اۆيابيلەتتەردىڭ باعاسىن تومەندەتۋ بويىنشا شارالار كەشەنى قابىلدانادى. وسى ءىس-شارالار مۇددەلى مەملەكەتتىك ورگاندارمەن جانە ازاماتتىق اۆياتسيا سالاسىنىڭ سۋبەكتىلەرىمەن بىرلەسىپ جۇرگىزىلەتىن بولادى.

"مەملەكەت باسشىسى ءوز جولداۋىندا اۆيابيلەتتەردىڭ قىمبات باعاسىن سىنعا الدى. جوعارى قۇننىڭ نەگىزگى پروبلەماسى تاسىمالداۋ سىيىمدىلىعىنىڭ تاپشىلىعى، ياعني قولدا بار سۇرانىستى قاناعاتتاندىرۋ ءۇشىن ۇشاقتاردىڭ قاجەتتى سانىنىڭ جەتىسپەۋشىلىگى جانە اۆيا وتىنىنىڭ جوعارى قۇنى بولىپ تابىلادى. تاريفتەردىڭ قۇنىن تومەندەتۋ ءۇشىن بيىلعى جىلدىڭ 1 مامىرىندا"FlyArystan" وتاندىق لوۋكوستەرى ىسكە قوسىلدى. بۇگىنگى كۇنى بيلەت ساتۋ قول جەتىمدىلىگى 2 ايعا جۋىق مەرزىمدى قۇرايدى، 340 مىڭنان استام بيلەت ساتىلدى، ونىڭ جارتىسىنىڭ ەڭ تومەنگى قۇنى 10 مىڭ تەڭگەگە دەيىن بولىپ كەلەدى"، - دەدى  قر يدم ازاماتتىق اۆياتسيا كوميتەتى ءتوراعاسىنىڭ ورىنباسارى ايبەك ءالجانوۆ.

ونىڭ ايتۋىنشا، جىل سوڭىنا دەيىن قوسىمشا 2 اۋە كەمەسى كەلىپ تۇسەدى، كەلەسى جىلى پارك تاعى 4 اۋە كەمەسىمەن تولىعىپ، 2023 جىلعا قاراي 15 ۇشاقتى قۇرايتىن بولادى.

بيىلعى جىلدىڭ سوڭىندا "FlyArystan" ورىندالاتىن رەيستەردىڭ سانىن ەكى ەسە كوبەيتىپ، كۇنىنە 14-تەن 28 جيىلىككە دەيىن ارتتىرۋدى جوسپارلاپ وتىر. وسىلايشا، 10 مىڭ تەڭگەگە دەيىنگى ەڭ تومەنگى باعا بويىنشا قوسىمشا 100 000 بيلەت ساتىلاتىن بولادى. مىسالى، "FlyArystan" قازان ايىنان باستاپ نۇر-سۇلتان – پاۆلودار باعىتى بويىنشا ۇشۋدى باستايدى، بيلەت قۇنى 6 مىڭ تەڭگەدەن باستالادى. 

بۇدان باسقا، جاعدايدى تۇبەگەيلى وزگەرتۋ ءۇشىن ۇكىمەت ء"سامۇرىق-قازىنا"ۇاق" اق-مەن بىرلەسىپ اۋە كەمەلەرى پاركىن ۇلعايتۋ ماقساتىندا "Air Astana" جانە "QazaqAir" اۆياكومپانيالارىن قوسىمشا كاپيتالداندىرۋ جوسپارلانۋدا.

سونداي-اق اۆياوتىن باعاسىن تومەندەتۋ بويىنشا جۇمىس جالعاستىرىلاتىن بولادى، ويتكەنى وتىنعا جۇمسالاتىن شىعىندار ءتاريفتىڭ وزىندىك قۇنىنىڭ 30%-دان استامىن قۇراپ وتىر. اعىمداعى جىلى قازاقستاندىق ءموز-دى جاڭعىرتۋ ناتيجەسىندە اۆياتسيالىق وتىن ءوندىرۋ كولەمى 694 مىڭ تونناعا دەيىن نەمەسە 2018 جىلعى وندىرىسپەن سالىستىرعاندا 1،8 ەسەگە (383 مىڭ تونناعا) ارتتى. اۆياوتىندى ءوندىرۋ كولەمى وتاندىق ءموز ەسەبىنەن ىشكى نارىقتىڭ قاجەتتىلىگىن تولىعىمەن جابۋعا مۇمكىندىك بەرەدى. اۆياوتىن باعاسى سۇرانىس پەن ۇسىنىس نەگىزىندە نارىقپەن رەتتەلەدى. بۇل رەتتە، قازاقستاننىڭ ىشكى نارىعىنداعى اۆياوتىن باعاسى رەسەيلىك ءوندىرىستىڭ كەروسين باعاسىنا سايكەس كەلەدى جانە نارىقتىق شىنايىلىقتى كورسەتەدى.


كەلۋ قاينارى: http://www.elarna.net/koru.php?tur=52&id=1046578

پىكىرلەر:

juz dep sifirmen jazingiz.