كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-205411182776 %24 %

ماجىلىستە بالالاردىڭ قاۋىپسىزدىگىنە قاتىستى ماسەلە كوتەرىلدى


ءتۇرى: قازاقپارات جاڭالىقتارى

ۋاقىتى: 13:51 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.

نۇر-سۇلتان. قازاقپارات – ەلىمىزدە بالالاردى كولىكپەن تاسىمالداعان كەزدە قاۋىپسىزدىك ەرەجەلەرى ساقتالمايدى.

بۇل تۋرالى پالامەنت ءماجىلىسىنىڭ جالپى وتىرىسىندا ۇكىمەت باسشىسىنىڭ ورىنباسارى بەردىبەك ساپارباەۆتىڭ اتىنا جولداعان ساۋالىندا دەپۋتات ارتۋر پلاتونوۆ ءمالىم ەتتى، دەپ حابارلايدى قازاقپارات ءتىلشىسى.

بالالاردىڭ كوپقاباتتى ۇيلەردىڭ تەرەزەسىنەن قۇلاۋى وقيعالارى جيىلەپ بارا جاتقانىنا توقتالعان ا. پلاتونوۆ، 2017 جىلى - 82 بالا، 2018 جىلى – 59، ال 2019 جىلى 75 بالا قۇلاعانىن جەتكىزدى.

«نەگىزگى سەبەپ - اتا-انالار تاراپىنان ءتيىستى باقىلاۋدىڭ بولماۋى»، - دەدى دەپۋتات.

سونىمەن قاتار ول جەتكىنشەكتەردىڭ سۋعا كەتۋى مەن ءيىس ءتيىپ ۋلانۋى فاكتىلەرى ەرەكشە الاڭداتانىن اتاپ ءوتتى.

بۇدان بولەك ارتۋر پلاتونوۆ 12 جاسقا دەيىنگى بالالاردىڭ اۆتوكولىكتىڭ الدىڭعى ورىندىعىندا وتىرۋى قاۋىپتىلىگىنە بايلانىستى پىكىر ءبىلدىردى.

«جول-كولىك وقيعاسى جاعدايىندا ءارى ءاۆتوموبيلدىڭ قاۋىپسىزدىك جاستىقشاسىنىڭ ىسكە قوسىلۋى كەزىندە ونىڭ سوققىسى كىشكەنتاي بالا ءۇشىن اۋىر بولاتىنى ايتپاسا دا تۇسىنىكتى. جالپى، جوعارىدا ايتقانداردى ەسكەرە وتىرىپ، بالالاردىڭ مەرت بولۋى مەن ولاردىڭ دەنساۋلىعىنا زيان كەلتىرۋ فاكتىلەرى ازايماي تۇر. بۇل ءوز كەزەگىندە اتا-انالار مەن وكىلەتتى مەمورگانداردىڭ جاۋاپسىزدىعىن بايقاتادى»، - دەدى ول.

وسى ورايدا دەپۋتات قالىپتاسقان جاعدايدىڭ سەبەپتەرىن قاراستىرۋ مەن تالداۋ بويىنشا ارنايى كوميسسيا قۇرۋدى ۇسىندى.


كەلۋ قاينارى: http://www.elarna.net/koru.php?tur=3&id=1046566

پىكىرلەر:

juz dep sifirmen jazingiz.