كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-16729217039 %61 %

«ماسناۋيدەن» ءبىر حيكايا. قۇستىڭ ايتقان ءۇش وسيەتى


ءتۇرى: Islam.kz رۋحاني اقپاراتتارى

ۋاقىتى: 13:30 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.
«ماسناۋيدەن» ءبىر حيكايا. قۇستىڭ ايتقان ءۇش وسيەتى

ء

بىر بەيشارا قۇس اۋشىنىڭ ايلاسىنا الدانىپ، قۇرعان تۇزاعىنا ءتۇسىپ قالادى. سودان قۇس ءوزىن ۇستاعان اۋشىعا: «ۋا، تاقسىر! سەن ومىرىڭدە قانشاما قوي ەتىن جەدىڭ، قانشاما سيىر ەتىن جەدىڭ. بىرنەشە رەت قۇرباندىققا تۇيە شالعان دا شىعارسىڭ. ولاردىڭ ەتتەرىنە وزىنە تويماعان سەن، مەنىڭ ەتىمە مۇلدەم تويمايسىڭ عوي. ودان دا مەنى بوسات، ەگەر، مەنى بوستاندىققا جىبەرسەڭ، ساعان ءۇش وسيەت ايتامىن. ءۇش وسيەتتىڭ ءبىرىن سەنىڭ قولىڭدا تۇرىپ ايتامىن. ەكىنشىسىن اناۋ شاتىردىڭ ۇستىندە ايتامىن. ال، ءۇشىنشىسىن مىنا اعاشتىڭ توبەسىنە قونعاندا ايتامىن. ول ءۇش اقىل-كەڭەستى ەستىگەننەن كەيىن وتە باقىتتى بولاسىڭ. ماعان سەن» - دەپ سايراي جونەلىپتى. "قۇس نە ايتار ەكەن" دەپ، اۋشى ۇسىنىستى قابىل ەتىپتى. ول ونى قاپاستان شىعارىپ، قولىندا ۇستاپ تۇرعاندا: 

«بولۋى مۇمكىن ەمەس نارسەنى كىم ايتسا دا سەنۋشى بولما» - دەپ قۇس ءبىرىنشى وسيەتىن ايتىپتى. قۇستىڭ ايتقان كەڭەسىن ۇناتقان اۋشى قالعاندارىن دا ەستيىن دەگەن نيەتپەن قۇستى جىبەرىپتى. قۇس ۇشىپ ءۇيدىڭ شاتىرىنا قونىپتى دا: 

«جىبەرىپ العان مۇمكىندىك ءۇشىن قايعىلانبا» - دەپ ەكىنشى وسيەتىن ايتىپتى.

ەكىنشى وسيەتىن ايتقاننان سوڭ ۇشىپ اعاشتىڭ بۇتاعىنا بارىپ قونىپتى. ءبىراق ءۇشىنشى وسيەتىن ايتپاستان بۇرىن قۇس تومەندە تۇرعان اۋشىعا: «ىشىمدە 10 ديرحام اۋىرلىعىندا (320 گراممداي) وتە قىمبات ءىنجۋ تاسى بار. ول ءىنجۋ تاسى سەنى دە، بالا-شاعاڭدى دا بايىتاتىن ەدى. اتتەڭ، ساعان بۇيىرماعان ەكەن» - دەيدى. قۇستىڭ ول ءسوزىن ەستىگەننەن كەيىن اۋشى ويبالاپ، تولعاعى قىسقان ايەلدەي باقىرا باستاپتى. سوندا قۇس وعان:

«مەن ساعان جىبەرىپ العان مۇمكىندىك ءۇشىن قايعىلان با، دەپ جاڭا ايتتىم ەمەس پە؟» - دەپتى. –«ۋىسىڭنان ءىنجۋ تاسى كەتكەن ەكەن، ەندى نەگە قايعىرىپ تۇرسىڭ؟ ساعان ايتقان وسيەتتەرىمدى تۇسىنبەدىڭ بە؟ ساعان جاڭا ايتتىم عوي: «بولۋى مۇمكىن ەمەس نارسەنى كىم ايتسا دا سەنۋشى بولما» دەپ. مەنىڭ سالماعىم ءۇش ديرحامعا جەتپەيدى. قالايشى اسقازانىمدا 10 ديرحام اۋىرلىعىندا ءىنجۋ بولۋى مۇمكىن؟» - دەپ ەسكەرتۋ جاساپتى. 

قۇستىڭ بۇل سوزىنەن كەيىن ءبىراز وز-وزىنە كەلگەن اۋشى ادام:

- جارايدى، ەندى ءۇشىنشى وسيەتىڭدى ايتقىن» - دەپتى. سوندا قۇس وعان:

- الدىنعى ەكى وسيەتكە قۇلاق اسقانداي ءۇشىنشىسىن سۇراپ تۇرسىڭ عوي. ۇيقىعا كەتكەن ادامعا وسيەت ايتىپ، ۇگىت-ناسيحات جاساۋ – قۇنارسىز جەرگە ءدان سەبۋمەن تەڭ. «اقىماقتىق پەن ناداندىق جىرتىعى - جاماۋ ۇستامايدى» دەپتى دە ۇشا جونەلىپتى.  

ماۋلانا ج. رۋمي، ء«ماسناۋي ءشاريف».
حيكايانى اۋدارعان: ا. قاسىم

«ماسناۋي كىتابى – شولدەگەن ادامنىڭ ءشولىن قاندىرار ءتاڭىردىڭ كول-كوسىر بۇلاعى ىسپەتتى». مۇحاممەد يقبال.  


كەلۋ قاينارى: http://www.elarna.net/koru.php?tur=52&id=1046557

پىكىرلەر:

juz dep sifirmen jazingiz.