كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-16729217039 %61 %

مەملەكەت 18 ءفيلمنىڭ ءتۇسىرىلىمىن قارجىلاندىراتىن بولدى ءبىز ءسىزدى جارقىن الەمگە جەتەلەيمىز! بىزگە قوسىل! ءبى


ءتۇرى: ماسساگەت ماقالالارى

ۋاقىتى: 13:25 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version. مەملەكەت 18 ءفيلمنىڭ ءتۇسىرىلىمىن قارجىلاندىراتىن بولدى ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


مەملەكەت 18 ءفيلمنىڭ ءتۇسىرىلىمىن قارجىلاندىراتىن بولدى

قر مادەنيەت جانە سپورت مينيسترلىگى تۇسىرىلىمىنە مەملەكەت تاراپىنانقارجىلىق قولداۋعا يە بولعان كينوجوبالاردىڭ ءتىزىمىن بەكىتتى. بۇل تۋرالى ۇلتتىق كينونى قولداۋ مەملەكەتتىك ورتالىعى حابارلادى.

ەسكە سالايىق، 2019 جىلدىڭ 28 تامىزىندا نۇر-سۇلتان قالاسىندا ۇلتتىق فيلمدەردى مەملەكەتتىك قارجىلىق قولداۋ ماسەلەلەرى جونىندەگى ۆەدومستۆوارالىق كوميسسيانىڭ وتىرىسى ءوتتى. وتىرىستا ۇلتتىق كينونى قولداۋ مەملەكەتتىك ورتالىعى ۇيىمداستىرعان ءبىرىنشى ىرىكتەۋ بايقاۋىنىڭ قورىتىندىسى جاسالدى.

وتىرىس بارىسىندا وندىرىسىنە قارجىلىق قولداۋ ءبىلدىرۋ ءۇشىن ۇلتتىق كينونى قولداۋ مەملەكەتتىك ورتالىعىنىڭ ساراپتاما كەڭەسى ماقۇلداعان 60 كينوجوبا تۋرالى اقپارات تىڭدالدى. اتالعان تىزىمدەگى كينوجوبالار – ۇلتتىق فيلم ستاتۋسى تالابىنا ساي كەلەتىن، ونىڭ ىشىندە، ۇلتتىڭ رۋحاني قاجەتتىكتەرىن قاناعاتتاندىراتىن كوركەمدىك دەڭگەيى جوعارى، مەملەكەتتىڭ ۇستانىمىنا ساي كەلەتىن جانە ونىڭ كينو ونەرى ارقىلى تانىمالدىعىنا ىقپال ەتەتىن تۋىندىلار.

سونىمەن قاتار، ماڭىزدى اسپەكتىلەردىڭ ءبىرى – كينو قازاقستاندا ءتۇسىرىلۋى قاجەت، سونىمەن قاتار وتاندىق كينوكومپانيالار شەتەلدىك كومپانيالارمەن بىرلەسىپ تە تۇسىرە الادى.

وتىرىس ناتيجەسىندە 12 الەۋمەتتىك ماڭىزى بار فيلم ىرىكتەلدى. ولار "اللايا نيت سۋدبى"، "ۆوزۆراششەنيە ۋچيتەليا" جانە "تۋركەستان – ۆچەرا، سەگودنيا، زاۆترا" دەرەكتى ءفيلمى مەن "بوكسەر"، "ۆرەميا پاتريوتوۆ"، "ۆىبور"، "جيزن"، "قاجىمۇقان"، "وبۋچەنيە ادەموكي"، "نا ستارتە"، "تىرنالار"، "حاردكور" كوركەم فيلمدەرى.

سونىمەن قاتار، كوميسسيا مۇشەلەرى "وگون" دەبيۋتتىك ءفيلمىن، "اقىن" جانە "سلەپايا ليۋبوۆ" بىرلەسكەن كينوجوبالارى مەن "كانيكۋلى وففلاين-2"، "نارتاي"، "سپاسەنيە ۆ ستەپي" كوپشىلىك كورەرمەن اۋديتورياسىنا ارنالعان فيلمدەرىن تاڭدادى.

#MassFilm: قىركۇيەك ايىندا شىعاتىن فيلمدەر

ماقۇلدانعان كينوجوبالار مادەنيەت جانە سپورت مينيسترلىگىنىڭ ۇلتتىق فيلمدەر ءوندىرىسىنىڭ تاقىرىپتىق جوسپارىنا ەنىپ، ءبىرىڭعاي وپەراتور – ۇلتتىق كينونى قولداۋ مەملەكەتتىك ورتالىعى ارقىلى بيىل مەملەكەت تاراپىنان قارجىلاندىرىلاتىن بولادى.



كەلۋ قاينارى: http://www.elarna.net/koru.php?tur=41&id=1046554

پىكىرلەر:

juz dep sifirmen jazingiz.