كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-207812476778 %22 %

جەتىسۋدا قونىس تويى جالعاسۋدا | DalaNews


ءتۇرى: قالا مەن دالا گازەتى جانە استانا اقشامى گازەتى

ۋاقىتى: 12:15 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.جەتىسۋدا قونىس تويى جالعاسۋدا | DalaNews

جەتىسۋدا قونىس تويى جالعاسۋدا

پانفيلوۆ اۋدانى، باسقۇنشى اۋىلىنىڭ تۇرعىنى ايدىن بورانبايدىڭ وتباسىنا كاسىپكەرلەر 6 بولمەلى ءۇي الىپ بەردى.

بۇعان دەيىن 5 بالاسىمەن پاتەر جالداپ تۇرعان وتباسىعا  جاڭا ءۇيدىڭ كىلتىڭ اۋدان اكىمى تەمىرلان بەكتاسوۆ  تاپسىردى.

– بۇگىنگە دەيىن اۋدانىمىزدا 13 كوپ بالالى وتباسى باسپانالى بولدى. بۇيىرسا، جىلدىڭ سوڭىنا دەيىن وسىنداي 20 وتباسىنى قۋانتپاقپىز. بارلىعى كاسىپكەرلەردىڭ قولداۋىمەن جۇزەگە اسىپ جاتىر. ءۇي يەلەرىنە ۇيلەرىڭىز قۋانىشقا، شاتتىققا تولى بولسىن دەگىم كەلەدى، – دەپ ءسوزىن قورىتىندىلادى اۋدان باسشىسى.

ال، ءۇيدىڭ كەنجەسى ەربوسىننىڭ قۋانىشىندا شەك جوق. وزىمەن تەتەلەس وسكەن ءىنىسى نۇربوسىن دا جاڭا ۇيگە كىرگەنىنە ەرەكشە قۋانۋدا. بالالارىنىڭ قۋانىشىنا قاراپ كوزىنە جاس العان جاناردىڭ قايىرىمدى جاندارعا العىستان باسقا ايتارى جوق.

قايىرىمدىلىق شاراعا ءوز ۇلەسىن قوسقان دەمەۋشى ريزۆان ساكيوۆا ۇيگە قوسىمشا جوندەۋ جۇمىستارىن جۇرگىزىپ، ىشىنە جيhازداردى دا ساتىپ الىپ بەرگەن.

– مەن كوپ بالالى وتباسىندا ءوستىم. اكەمىز ءاردايىم وسىنداي وتباسىلارعا قولداۋ كورسەتۋ كەرەكتىگىن ايتىپ وتىراتىن. بۇل – كوپبالالى وتباسىعا جاسالعان قامقورلىقتىڭ ءبىر پاراسى عانا. انالار مەن كوپبالالى، كومەككە مۇقتاج وتباسىلارعا قامقورلىق ءالى دە ءوز جالعاسىن تابادى، – دەپ  ۋادە ەتتى كاسىپكەر.

ەسكە سالايىق، بيىل پانفيلوۆ اۋدانىنىڭ 40 وتباسىنا مەملەكەت تاراپىنان ءۇيدىڭ كىلتىن تاپسىرىلدى، ونىڭ 26-سى كوپ بالالى جانە از قامتىلعان وتباسىلار.

ايتا كەتۋ كەرەك، كوكسۋ اۋدانى، جارلىوزەك اۋىلىندا ءورت سالدارىنان باسپاناسى مەن اسىراۋشىسىنان ءبىر مەزەتتە ايىرىلعان وتباسىنا دا پاتەر كىلتى تابىستالدى.

ەستەرىڭىزدە بولسا، وسىدان 6 اي بۇرىن اقبەرگەنوۆتار اۋليەتىنىڭ باسپاناسى تولىعىمەن وتقا ورانىپ، جانىپ كەتكەن. سول وقىس جاعدايدا زاۋرە وتاعاسى ەرلاننان ايىرىلىپ، 3 بالامەن جالعىز قالعان بولاتىن.

الايدا كوپ ۇزاماي قازاقستان مۇسىلماندارى ءدىني باسقارماسى «ەل ۇلەسى-پاتەرگە» جوباسى اياسىندا «زەكەت» قورى زاۋرە تولەتايقىزىنا باسپانا كىلتىن تابىستادى.

– بالالارمەن دالادا قالعان ساتىمدە پاتەر جالداپ ساندالاتىن شىعارمىن دەپ ويلاعان ەدىم. الايدا مەيىرىمدى جاندار بار ەكەنىنە كوزىم جەتتى. ولارعا دەگەن ريزاشىلىعىمدى قالاي جەتكىزەرىمدى بىلمەيمىن. اۋىل حالقى ازىق-تۇلىك، كيىم-كەشەكپەن، اقشالاي ۇنەمى كومەك كورسەتىپ تۇردى. ەندى مىنە،  قامكوڭىل وتباسىنى قامقورلىق تانىتىپ باسپانا سىيلاعان جاناشىرلارعا العىسىم شەكسىز، – دەدى وتاناسى.

تالدىقورعان وڭىرىندەگى «زەكەت» قورىنىڭ باسشىسى سەرىك سارىمولداەۆتىڭ ايتۋىنشا، بۇل رەسپۋبليكا بويىنشا بەرىلگەن ء123-شى، الماتى وبلىسىندا 39-شى باسپانا ەكەن.

بالجان قايراتقىزى، الماتى وبلىسى


كەلۋ قاينارى: http://www.elarna.net/koru.php?tur=25&id=1046522

پىكىرلەر:

juz dep sifirmen jazingiz.