كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-22949323631 %69 %

ەڭ پايدالى كۇزگى جيدەكتەر ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەي


ءتۇرى: ماسساگەت ماقالالارى

ۋاقىتى: 11:50 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version. ەڭ پايدالى كۇزگى جيدەكتەر ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


ەڭ پايدالى كۇزگى جيدەكتەر

جازدىڭ اياقتالۋىمەن جەمىس-جيدەكتەر مەن كوكونىستەردىڭ مەرزىمى اياقتالدى دەپ كوڭىلىڭىزدى تۇسىرمەڭىز، سەبەبى جاز بويى كۇننىڭ كوزىن ءسىڭىرىپ، دارۋمەندەرىن بەرۋگە دايىن كۇزگى جيدەكتەردىڭ ۋاقىتى ەندى كەلدى. كۇزگى جيدەكتەر مۇزداتقىشتا ۇزاق ساقتالادى جانە ءدامدى ءارى ەمدىك كومپوتتارعا وڭاياينالادى.

يتمۇرىن (شيپوۆنيك)
ءقازىر بىزگە تانىس راۋشان گۇلىنىڭ بارلىق سۇرىپتارىن حوش ءيىستى گۇلى مەن ءتاتتى جەمىسى بار جابايى تىكەنەكتى يتمۇرىننان العان. ءبىراق يتمۇرىن گۇلدەپ بىتكەننەن كەيىن عانا ونىڭ جيدەكتەرى نازارعا الىنادى. يتمۇرىن دارۋمەندەرگە باي: ونداعى س دارۋمەنىنىڭ ءوزى ليمون نەمەسە اپەلسين قابىعىنان 10 ەسە كوپ. ءقازىر يتمۇرىندى جيناپ نەمەسە ساتىپ الىپ، كەپتىرىپ قويعان ءجون. ال قىستا كەپكەن يتمۇرىننان ەمدىك شاي دايىنداۋعا بولادى.

قىزىلجيدەك (برۋسنيكا)
قىزىلجيدەك – دارۋمەندەرگە، بيولوگيالىق بەلسەندى زاتتارعا، ورگانيكالىق قىشقىلدارعا تولى تاعى ءبىر كۇزگى جيدەك. قىزىلجيدەك – جوعارى قان قىسىمىنا كومەكتەسەتىن ەڭ ءبىرىنشى قۇرال. سونداي-اق، ونىڭ تاعى ءبىر پايدالى قاسيەتى – ول كەز كەلگەن سۋسىنعا قاراعاندا جاقسىراق ءشولدى قاندىرادى. ماڭگى جاسىل بۇتانىڭ تەك جيدەكتەرى ەمەس، سونىمەن قاتار جاپىراقتارى دا وتە پايدالى. بۇل جيدەكتى قىركۇيەك-قاراشا ايلارىندا جيناعان ءجون. كۇزدىڭ باسىندا جيدەكتىڭ ءدامى قىشقىل بولعانىمەن، قىسقا تامان ول ءوزىنىڭ پايدالى قاسيەتتەرىن ساقتاي وتىرىپ، ءدامىن جاقسى جاققا وزگەرتەدى.

شەڭگەل جيدەك (كالينا)
ادەمى شەڭگەل كۇزگى جيدەگىنىڭ مىنەزى "اۋىر". بىرىنشىدەن، ول ءدامسىز. ەكىنشىدەن، جىلۋلىق وڭدەۋ كەزىندە ودان جاعىمسىز ءيىس شىعادى. سوعان قاراماستان ودان كوپتەگەن دارىلىك قۇرالدار مەن پايدالى سۋسىندار جاسايدى. سەبەبى ونىڭ قۇرامى پايدالى زاتتارعا باي. شەڭگەل جيدەكتى تىنىس الۋ جولدارى اۋرۋلارى، جوتەل جانە داۋىس جوعالتۋ كەزىندە قولدانادى. شەڭگەل جيدەك شىرىنى قان تامىرلاردى تازارتۋعا كومەكتەسەدى.

شىرعاناق (وبلەپيحا)
شىرعاناقتىڭ دا ايرىقشا ءدامى بار، ءبىراق بۇرىن اجەلەرىمىز وعان قانت سەۋىپ، پايداسى تۋرالى قايتالاپ ايتاتىن بولعان. شىرعاناق پوليدارۋمەندى جيناقتان تۇرادى. شىرعاناقتان جاسالاتىن ەڭ تانىمال ءونىم – ول ونىڭ مايى. شىرعاناق مايى باكتەريتسيدتى جانە جارا جازاتىن قاسيەتكە يە، ول اۋرۋدى باسىپ، تەرىدەگى زاقىمدى جازادى. شىرعاناقتىڭ ادام اعزاسىنا پايداسى كوپ. تەك ونى ءدامدى ەتىپ دايىنداي ءبىلۋ كەرەك. كومپوت دايىنداساڭىز، شىرعاناق المامەن جاقسى ۇيلەسەدى. ال ەگەر توساپ جاساعىڭىز كەلسە، وعان گرەك جاڭعاعىن سالىڭىز. شىرعاناق مايىن از-ازدان سالاتتارعا قوسۋعا بولادى.

مۇكجيدەك (كليۋكۆا)
بۇل جيدەك جازدىڭ باسىندا گۇلدەيدى، ال ونى تەرۋگە قىركۇيەكتىڭ باسىندا بارۋعا بولادى. دارىگەرلەر مۇكجيدەكتى ەڭ پايدالى تاماقتانۋ ونىمىنە جاتقىزادى. سەبەبى، مۇكجيدەك – كەرەمەت انتيوكسيدانت، ونىڭ قۇرامىندا س دارۋمەنىنىڭ كوپ مولشەرى جانە كالي تۇزى بار. ول تۇماۋ كەزىندە ءبىرىنشى كومەكشى بولا الادى. تامىرلاردىڭ تۇينەلىپ كەڭەيۋى كەزىندە دە مۇكجيدەكتى ۇسىنادى. كوپشىلىك مۇكجيدەكتىڭ مۇزداتقىشتا ۇزاق ساقتالعان ءتۇرىن قولدانادى، ءبىراق نەگىزى ونىڭ جاڭا پىسكەن تۇرىندە 100% پايدالى قاسيەتتەرى ساقتالادى.

دولانا (بويارىشنيك)
دولانا جيدەكتەرى كىشكەنتاي قىزىل الماعا ۇقسايدى. ادامدار ونى دەكوراتيۆتى زات رەتىندە قابىلدايدى. ءبىراق ونىڭ ءدامى جاعىمدى، تەك دانەگى ۇلكەن بولىپ كەلەدى. دولانادان كومپوت پەن شاراپ دايىندايدى. مەديتسينادا دولانادان جۇرەك سوعۋىنىڭ ىرعاقسىزدىعى جانە باسقا دا ءقاۋىپتى اۋرۋلارعا ارنالعان دارىلەر جاسايدى. ال حالىق مەديتسيناسى بولسا، دولانانى جوتەلگە، دەمىكپەگە جانە ۇيقىسىزدىققا قولدانۋدى دا ۇسىنادى.



كەلۋ قاينارى: http://www.elarna.net/koru.php?tur=41&id=1046510

پىكىرلەر:

juz dep sifirmen jazingiz.