كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-207812476778 %22 %

قالاۋ سالەمەتبايۇلى: سىيمايتىن كورگەن تۇسكە دە... | ادەبيەت پورتالى


ءتۇرى: جۇلدىز جۋرنالى

ۋاقىتى: 11:31 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.

تۇنگى جولاۋشى

قاراسام، قاشىپ كوك اسپان،

ەڭكەيسەم سىيپاپ باسىمدى –

التايدا ءوستىم جىلاسام

جۇلدىزبەن ءسۇرتىپ جاسىمدى.

ورتەسە جالىن ءىشىمدى،

تۇرادى قاقساپ بىلەگىم...

سوزبەنەن كورگەن ءتۇسىمدى،

كۇيمەنەن جورىپ جۇرەمىن.

ورالىپ ەسكە تۇرادى،

جولاۋشى كەلگەن بەل اسىپ.

اقبوز اتتىڭ قۇلاعى

قايشىلاپ ءتۇندى،

جول اشىپ...

ەلەسپەن سول ەسكە ۇرىپ،

اسپاندا تۇرعان جىرتىق اي.

جۇرەگىم جاتىر وسقىرىپ،

جىلىمدى كورگەن جىلقىداي.

مىڭ سان قىل – قۇيىرىق كونەرگەن،

سۇيرەتىپ مۇڭىن دالانىڭ –

اتىنىڭ باسى تىرەلگەن

ماما اعاش – مەنىڭ قالامىم.

ەسىكتەن كىردى ەندى ەلەس،

(كوزدەرى تولعان جوسا ما؟)

سالەمىن بەردى، تورگە ەمەس:

«ارمىسىڭ، اعاش بوساعا!»

ماڭدايى ۇشقىن-وت قۇشىپ،

اسپانعا تۇرعان اعىلىپ.

وتىرا قالدى شوك ءتۇسىپ،

شاڭىراققا ەندى شاعىنىپ.

قاقتاعان جانداي جاناسىپ،

توستىك قىپ وتقا جۇرەگىن…

جالىنعا تۇردى جالاتىپ،

بۋناعان كىسەن بىلەگىن...

ورنىنان تۇردى سەرپىلە،

كىرپىككە ءار تال وت قاداپ.

ەسىكتەن ەندى ەنتىگە،

ورالعان اكەم جوق قاراپ.

مارقالاتىپ مەرەيىن،

تىلگە ەندى كەلدى ەگىلە:

«دۇرىستاپ سالەم بەرەيىن،

تورىڭە شىقشى، تورىڭە...»

الپىس جارالى ارلى كۇي،

كەلەرسىڭ سەن دە بىلەمىن.

جار باسىنداعى جالعىز ءۇي،

سەكىلدى مەنىڭ جۇرەگىم....

قاناس كولى

جازىلار جىر ءتۇس كورگەندە ءبىر شىرىن

قالام قىلساڭ پەرىشتەنىڭ كىرپىگىن.

كوكشىل شىڭنىڭ كولەڭكەسى سوزىلىپ،

باتىرادى كولگە ءبورى تۇمسىعىن.

اق تۇماننىڭ نۇردان جۇقا ەتەگى،

اۋانى دا وراپ الىپ كەتەدى.

جاسىل شىقتى جاپىراقتان قۇلاتپاي،

ساۋساعىمەن سامال ءسۇرتىپ وتەدى.

وزەن، اناۋ، تاستار قىسىپ سايدا العان،

كىندىك سىندى كەسۋ ءۇشىن بايلانعان.

كول ورتاسى شويىن قازىق – شوقپار تاس،

ۋاقىت ءجۇر مىڭ تولقىندى اينالعان...

جاڭعىرىقتىڭ سانى جارتاس قايتارعان،

كوك قىنانىڭ كوبەسىنەن بايقالعان...

اق ساعىمنىڭ اياۋلى الاقانىندا،

اقبوز ۇيلەر جۇمىرتقاداي شايقالعان.

جانعان جالعىز نۇكتەسىندەي جانىمنىڭ،

قاسيەتتى كولىم،

سەنى ساعىندىم!

بوساماسىن جىر ارقاۋى( توقتايىن)

بۇرىمىنداي سۋدا جۇزگەن ارۋدىڭ...

***

تاڭ شىعىن عانا ىشۋگە

جارالعان ساۋلە، ىرىس-قۇت...

سىيمايتىن كورگەن تۇسىمە

العاشقى تۇمسا تۇنىقتىق.

جانىمدى ءجۇردى جەبەپ كىم،

قىل بولىپ تارتىپ قيادان؟!

ورتەنىپ جاتقان تەرەكتىڭ

باسىنداعى ۇشتىق ۇيادان...

پەرىنىڭ كوشكەن كوشىنە،

ەرۋلىك ەرنى اپارعان.

ەشتەڭە تۇسپەس ەسىنە،

ول ءوزى ارمان،

جاس ارمان.

جاڭادان تۋعان جۇلدىزدىڭ،

ء

بۇيرى شىققان دەمىنەن –

وزگەرتكەن ءوڭىن مىڭ كۇزدىڭ،

كوكشىل نۇر تاراپ كوزىنەن.

دۋمانعا بولەپ دالاسىن،

جارىسا جاۋىپ سەلىمەن –

ەكى دۇنيە اراسىن،

ەكى اعاشتاي تەلىگەن.

تولعاماس ەدى ول مۇنداي،

بارلىعىن، بىلەم، ۇمىتتىم.

ەندىگى ولەڭ ورىنىنداي

قاناتتا قالعان كۇيىكتىڭ....



ماتەريالدى كوشىرىپ جاريالاۋ ءۇشىن رەداكتسيانىڭ نەمەسە اۆتوردىڭ جازباشا، اۋىزشا رۇقساتى قاجەت جانە Adebiportal.kz پورتالىنا گيپەرسىلتەمە بەرىلۋى ءتيىس. اۆتورلىق قۇقىق ساقتالماعان جاعدايدا قر اۆتورلىق قۇقىق جانە ساباقتاس قۇقىقتار تۋرالى زاڭىمەن قورعالادى. Adebiportal@gmail.com 8(7172) 79 82 12 (ىشكى – 112)

ماقالا اۆتورىنىڭ كوزقاراسى رەداكتسيانىڭ كوزقاراسىن بىلدىرمەيدى.




كەلۋ قاينارى: http://www.elarna.net/koru.php?tur=30&id=1046503

پىكىرلەر:

juz dep sifirmen jazingiz.