كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-1610728029 %71 %

قمدب: ءۇشىنشى قايىرىمدىلىق مەكەمەسى ءوز جۇمىسىن باستادى (فوتو)


ءتۇرى: قازاقستان مۇفتيات جاڭالىقتارى

ۋاقىتى: 11:30 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version. قمدب: ءۇشىنشى قايىرىمدىلىق مەكەمەسى ءوز جۇمىسىن باستادى (فوتو)

ەلوردادا قازاقستان مۇسىلماندارى ءدىني باسقارماسىنىڭ قايىرىمدىلىق مەكەمەسى اشىلدى. سالتاناتتى شاراعا قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي سەرىكباي قاجى وراز، قمدب ءتوراعاسىنىڭ ءبىرىنشى ورىنباسارى، نايب ءمۇفتي، نۇر-سۇلتان قالاسىنىڭ باس يمامى ناۋرىزباي قاجى وتپەنوۆ، نايب ءمۇفتي باۋىرجان قاجى ءابدىراشۇلى، قمدب اپپارات باسشىسى عىلىمبەك ماجيەۆ، ت.ب. ءمۇفتيات قىزمەتكەرلەرى مەن يمامدار قاتىستى.

شارادا ءسوز العان سەرىكباي قاجى ساتىبالدىۇلى:

«قايىرىمدىلىق مەكەمەنى اشۋداعى ماقساتىمىز – جەكە تۇلعانى يماندىلىققا، ادامگەرشىلىككە، ۇلتتىق سالت-داستۇرگە ساي تاربيەلەۋ، بالانىڭ عىلىمعا، ونەرگە، ادەبيەتكە دەگەن قىزىعۋشىلىعىن ارتتىرىپ، شىعارماشىلىق قابىلەتىن دامىتۋ، ولاردى پاتريوتيزمگە باۋلۋ، تاربيەلەنۋشىنىڭ دەنساۋلىعىن نىعايتىپ، سالاۋاتتى ءومىر سالتىن قالىپتاستىرۋ، ولاردى زياندى ادەتتەردەن (ماسكۇنەمدىك، ناشاقورلىق، زيناقورلىق، تەمەكىگە اۋەستىك، ۇرلىق، ت.ب.)، قايىرىمدىلىق شارالارىن ۇيىمداستىرۋ، ءدىني-اعارتۋ جۇمىستارىن جۇرگىزۋ، يسلام نەگىزدەرىن ۇيرەتۋ، ءدىني وقۋ ورىندارىنا تالاپكەر دايىنداۋ،بالانىڭ ومىرگە جانە وزىنە دەگەن سەنىمىن ارتتىرۋ،ەلىمىزدە وتباسىلىق قۇندىلىقتاردى ناسيحاتتاۋ، تۇرمىس جاعدايى تومەنوتباسىلارعاالەۋمەتتىك-رۋحاني كومەك كورسەتۋ،جەتىم بالالاردى الەۋمەتتىك قولداۋ. مىنە، مەكەمە وسى باعىتتا جۇمىس ىستەيتىن بولادى»، – دەپ اتاپ ءوتتى.

سونداي-اق، باس ءمۇفتي ساۋاپتى ءىستى قولعان جاندارعا ايرىقشا العىسىن جەتكىزدى.

اشىلۋ سالتاناتىندا قمدب ءتوراعاسىنىڭ ءبىرىنشى ورىنباسارى، نايب ءمۇفتي، نۇر-سۇلتان قالاسىنىڭ باس يمامى ناۋرىزباي قاجى وتپەنوۆ ءسوز سويلەپ، ءمۇفتيات ءوزىنىڭ سان-سالالى قىزمەتى اياسىندا نەگىزگى ءتورت باعىت بويىنشا جۇمىستارعا باسىمدىق بەرەتىنىن، سونىڭ ءبىرى – قايىرىمدىلىق ەكەنىن اتاپ ءوتتى.

«بۇل مەكەمە قازاق بالالارىن وقىتىپ، ولاردى وتانشىلدىق، پاتريوتتىق، يماندىلىق باعىتتا تاربيەلەۋگە سۇبەلى ۇلەس قوسادى دەگەن سەنىمدەمىن»، – دەدى ناۋرىزباي قاجى تاعانۇلى.

وسىمەن ءۇشىنشى رەت اشىلعان قايىرىمدىلىق مەكەمەسى الەۋمەتتىك، قايىرىمدىلىق، مادەنيەت، ءبىلىم، قوعام يگىلىگى ءۇشىن وزگە دە ىزگى ماقساتتاردى جۇزەگە اسىرادى. ايتا كەتەتىن جايت، بۇل – قايىرىمدى ادامداردىڭ ەرىكتى مۇلىكتىك جارنالارى نەگىزىندەقۇرىلعان كوممەرتسيالىق ەمەس ۇيىم.

مەكەمە ءوز قىزمەتىندە قر كونستيتۋتسياسىن، ازاماتتىق كودەكسىن، «كوممەرتسيالىق ەمەس ۇيىمدار تۋرالى»، «قازاقستان رەسپۋبليكاسىنداعى مەملەكەتتىك جاستار ساياساتى تۋرالى»، «بالانىڭ قۇقىعى تۋرالى»، ء«بىلىم تۋرالى»، ء«دىني قىزمەت جانە ءدىني بىرلەستىكتەر تۋرالى» زاڭدارىن، سونىمەن قاتار اتالعان مەكەمە تۋرالى ءدىني باسقارمانىڭ شەشىمىمەن قابىلدانعان جارعىنى باسشىلىققا الادى. ايتا كەتسەك، بۇعان دەيىن ءدال وسىنداي مەكەمە ماڭعىستاۋ، الماتى وبلىسىندا اشىلعان بولاتىن.

«بىز ەڭ ءبىرىنشى بالانى ادامگەرشىلىك پەن تولەرانتتىلىققا تاربيەلەپ، ۇلكەنگە قۇرمەت، كىشىگە ىزەت كورسەتۋگە باۋليمىز. مۇقتاج ادامدارعا كومەك كورسەتۋگە ۇيرەتەمىز. ويتكەنى، جاستايىنان تاربيەلەنگەن بالا وسكەندە وزگەگە ونەگە كورسەتە الادى. ادام بالاسى جاستىق شاقتا اقپاراتتى، ءبىلىمدى ءوزىنىڭ بويىنا تەز ءسىڭىرىپ الادى. بۇل ءساتتى اتا-انالار جىبەرىپ الماۋى كەرەك. دارىستەر ءدىني باسقارما بەكىتكەن ساباق كەستەسى بويىنشا جۇرگىزىلەدى. بەكىتىلگەن پاندەردەن بولەك بالالار ءۇشىن مادەني، رۋحاني، سپورتتىق ءىس-شارالار دا ۇيىمداستىرىلادى. قابىلدانعان بالا اراسىندا الەۋمەتتىك تۇرمىسى تومەن، كوپبالالى وتباسىنان شىققان بالالار مەن جەتىمدەر دە بولدى»، – دەيدى قمدب ۋاقىپ جانە قايىرىمدىلىق ءبولىمىنىڭ مەڭگەرۋشىسى كامالجان تۇردىباەۆ.

مەكەمەدە جاتىن بولمەسى، كىتاپحانا، ءدارىسحانا، ۇستازدار كابينەتى بار.


كەلۋ قاينارى: http://www.elarna.net/koru.php?tur=16&id=1046499

پىكىرلەر:

juz dep sifirmen jazingiz.