كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-16729217039 %61 %

ءلاززات تانىسباي وتاندىق سەريال وندىرۋدەگى باستى پروبلەمالاردى اتادى


ءتۇرى: قازاقپارات جاڭالىقتارى

ۋاقىتى: 11:18 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.

نۇر-سۇلتان. قازاقپارات – وتاندىق سەريال وندىرۋشىلەردە قانداي ماسەلە بار؟ ولار مەملەكەتتەن قانداي جەڭىلدىك سۇرايدى؟ بۇل سۇراققا «قازاقستان» رترك» اق باسقارما ءتوراعاسى ءلاززات تانىسباي جاۋاپ بەردى، دەپ حابارلايدى قازاقپارات ءتىلشىسى.

ۇقساس جاڭالىقتار
داۋرەن اباەۆ: Astana Media Week ماقساتى - ەل تۇرعىندارىنىڭ مەدياساۋاتىن ارتتىرۋ تۇركىستاندا جاڭا اربات اشىلدى ساكەن سەيفۋلليننىڭ 125 جىلدىعىنا 10 مىڭ ليتر قىمىز دايىندالادى

«وسىدان ون جىل بۇرىن تۇڭعىش «اعايىندىلار» اتتى سەريال ءتۇسىرىلدى. ول كەزدە سەريال ءتۇسىرۋ ەشكىمنىڭ ويىنا كەلمەيتىن ەدى. اقان ساتاەۆتى بارلىعىمىز دا كۇشتەپ ۇگىتتەگەنىمىز ەسىمدە. ءبىراق، ارادا 10 جىل وتسە دە، سول «اعايىندىلار» ءنومىرى ءبىرىنشى سەريال بولىپ قالىپ وتىر. بۇل، ارينە، ءبىر جاعىنان الاڭداتادى. نەلىكتەن؟ ءبىز قارجىلاندىرۋ تۋرالى كوپ ايتىپ جاتىرمىز. بۇل رەتتە باعانى ەسكەرۋ كەرەك. ون جىل بۇرىن ەشكىم بۇل سالاعا جاقىنداعىسى كەلمەگەن ەدى. ال ءبىر اي بۇرىن سەريال نارىعىنداعى كومپانيالاردى جيناپ كورسەك، 15 ءىرى كومپانيا جينالدى. 10 جىلدىڭ ىشىندە نارىقتىڭ قالاي دامىپ كەتكەنىن وسىدان-اق ەسەپتەي بەرىڭىز»، - دەدى ءلاززات تانىسباي ەلوردادا ءوتىپ جاتقان Astana Media Week شاراسىندا.

ونىڭ ايتۋىنشا، وسى جىلى ءبىرىنشى رەت قازاقستان سەريال نارىعىندا دەتەكتيۆ جانرىنداعى سەريال تۇسىرىلۋدە.

«سەريال وندىرۋشىلەرمەن ماسەلەلەرىن تالقىلاعان كەزدە ەڭ الدىمەن ءبارى باعا جايىن ايتادى. ءبارى دە سالىقتىق جەڭىلدىكتى سۇرايدى. ءوز كەزەگىمىزدە تەلەارنا تاراپىنان سەريال تۇسىرۋشىلەرگە دەگەن تالاپتارىمىز، ايتار سىنىمىز بار. مەن ولارعا «سوڭعى جىلدارى بارلىق ارنادا ءبىر ۇزىن-سونار مەلودراما ءجۇرىپ جاتقان سەكىلدى» دەيمىن. سول باياعى اكتەرلار – شامامەن 10-15 ادام بارلىق سەريالدا تۇسە بەرەدى. سول باياعى رەجيسسەرلەر. رەجيسسەردىڭ ءستيلىن تانىپ قويعاننان كەيىن كورەرمەننىڭ كورگىسى دە كەلمەۋى مۇمكىن. جۋىقتا «اباي» سەريالىنا كونكۋرس جاريالادىق. البەتتە، بۇل وتە زور جاۋاپكەرشىلىك بولعاننان كەيىن بۇل سەريالدى تۇسىرۋدەن جاسقانشاقتاپ وتىرعان جايىمىز بار»، - دەدى ءلاززات تانىسباي.

«قازاقستان» رترك» اق باسقارما ءتوراعاسى «اباي» سەريالى بويىنشا كونكۋرسقا التى كومپانيا عانا ءوتىنىش بىلدىرگەنىن ايتادى.

«ول التى كومپانيانىڭ تەك بىرەۋىندە عانا تاريحي سەريال ءتۇسىرۋ تاجىريبەسى بار ەكەن. بۇل ءبارىمىز ءۇشىن ۇلكەن پروبلەما. بارىنە ياعني، تاجىريبە كەرەك»، - دەدى ءلاززات تانىسباي.

ەسكە سالا كەتسەك، ەلورداداعى «قازمەديا» ورتالىعىندا ءۇش كۇنگە سوزىلاتىن ورتالىق ازياداعى ەڭ ءىرى مەديا-وقيعا — Astana Media Weekوتىپ جاتىر.

Astana Media ءWeek-تىڭ ءبىرىنشى كۇنى سەريالدىق ونىمدەردى ازىرلەۋ جانە شىعارۋ تاقىرىبىمەن جانە سالىق پرەفەرەنتسيالارى، كينو پروكاتىنىڭ شارتتارى، مازمۇنى، فيلم ءونىمىنىڭ شىعارماشىلىق دەڭگەيى جانە ونىڭ دەمەۋشىلەر ءۇشىن تارتىمدىلىعى تاقىرىبىمەن ەرەكشەلەنەدى.


كەلۋ قاينارى: http://www.elarna.net/koru.php?tur=3&id=1046494

پىكىرلەر:

juz dep sifirmen jazingiz.