كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-207812476778 %22 %

كوميتەت وتىرىسىندا عىلىمي-تەحنيكالىق ىنتىماقتاستىق تۋرالى كەلىسىمدى راتيفيكاتسيالاۋعا قاتىستى زاڭ جوباسى قارا


ءتۇرى: قازاق گازەتتەرى

ۋاقىتى: 11:09 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.


پارلامەنت سەناتى الەۋمەتتىك-مادەني دامۋ جانە عىلىم كوميتەتىنىڭ كەڭەيتىلگەن وتىرىسىندا «قازاقستان رەسپۋبليكاسىنىڭ ۇكىمەتى مەن ەۋروپالىق يادرولىق زەرتتەۋلەر جونىندەگى ۇيىم (CERN) اراسىنداعى عىلىمي-تەحنيكالىق ىنتىماقتاستىققا قاتىستى حالىقارالىق ىنتىماقتاستىق تۋرالى كەلىسىمدى راتيفيكاتسيالاۋ تۋرالى» زاڭ جوباسى قارالدى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.

عىلىمي-تەحنيكالىق ىنتىماقتاستىققا قاتىستى حالىقارالىق ىنتىماقتاستىق تۋرالى كەلىسىمگە 2018 جىلعى 29 ماۋسىمدا قازاقستاندىق دەلەگاتسيانىڭ جەنەۆا قالاسىنداعى (شۆەيتساريا كونفەدەراتسياسى) ەۋروپالىق يادرولىق زەرتتەۋلەر جونىندەگى ۇيىمعا ساپارى بارىسىندا قول قويىلعان بولاتىن.

وسى زاڭ جوباسىن قابىلداۋ قولدا بار عىلىمي بايلانىستاردى نىعايتۋعا مۇمكىندىك بەرەدى جانە قازاقستان رەسپۋبليكاسىنان عالىمداردىڭ، ينجەنەرلەردىڭ، ستۋدەنتتەر مەن تەحنيكالىق مامانداردىڭ ەۋروپالىق يادرولىق زەرتتەۋلەر جونىندەگى ۇيىمنىڭ عىلىمي-زەرتتەۋ جوبالارىنا ۇزاق مەرزىمدى نەگىزدە قاتىسۋ مۇمكىندىگىن قامتاماسىز ەتۋ ءۇشىن بازا جاسايدى.

كەلىسىمدى ورىنداۋ ماقساتتاردى، باعدارلامالاردى، رەسۋرستاردى، پەرسونال مارتەبەسىن، زياتكەرلىك مەنشىكتى، جاۋاپكەرشىلىكتى جانە باسقا دا ماسەلەلەردى كورسەتە وتىرىپ، حاتتاما تاراپتارى اراسىنداعى ىنتىماقتاستىقتىڭ ءاربىر زەرتتەۋ جوباسى ءۇشىن ەگجەي-تەگجەيلى سيپاتتاماسىمەن، قازاقستان رەسپۋبليكاسىنىڭ ۇكىمەتى مەن CERN جانە قازاقستان رەسپۋبليكاسىنىڭ عىلىمي-زەرتتەۋ ينستيتۋتتارى مەن ۋنيۆەرسيتەتتەرى اراسىندا حاتتامالار جاساسۋ ارقىلى جۇزەگە اسىرىلادى.

زاڭ جوباسى پالاتانىڭ قاراۋىنا جىبەرىلدى.



كەلۋ قاينارى: http://www.elarna.net/koru.php?tur=6&id=1046488

پىكىرلەر:

juz dep sifirmen jazingiz.