كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-161515454335 %65 %
2019-09-171646515737 %63 %
2019-09-1816255755 %45 %

بيىل وتاندىق 43 تەلەحيكايا ەفيرگە شىعادى


ءتۇرى: قازاقپارات جاڭالىقتارى

ۋاقىتى: 10:48 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.
بيىل وتاندىق 43 تەلەحيكايا ەفيرگە شىعادى

نۇر-سۇلتان. قازاقپارات - وتاندىق سەريالدار اقپاراتتىق قاۋىپسىزدىگىمىزدى نىعايتا تۇسەدى. بۇل تۋرالى Astana Media ءWeek-تىڭ سەريالدىق ونىمدەردى ازىرلەۋ جانە شىعارۋ تاقىرىبىنا ارنالعان جالپى وتىرىسىندا قر اقپارات جانە قوعامدىق دامۋ ءمينيسترى داۋرەن اباەۆ ايتتى، دەپ حابارلايدى قازاقپارات ءتىلشىسى.

ۇقساس جاڭالىقتار
تۇركىستاندا جاڭا اربات اشىلدى ساكەن سەيفۋلليننىڭ 125 جىلدىعىنا 10 مىڭ ليتر قىمىز دايىندالادى 10 مىڭنان استام ادام «Almaty Urban Fest» فەستيۆالىنە جينالدى

«مەديا سالاسىنداعى ازاماتتار مۇنى جاقسى بىلەدى. سوندا دا ايتىپ وتەيىن، تەلەسەريالدار بيۋدجەت ەسەبىنەن قارجىلاندىرىلادى. جالپى، 2016 جىلى مەملەكەتتىك تاپسىرىسپەن 16 سەريال ءتۇسىرىلدى. وسى جىلى بۇل كورسەتكىش ايتارلىقتاي ارتتى. مىسالى، بيىل 43 تەلەحيكايا ەفيرگە شىعادى دەپ جوسپارلانىپ وتىر. ءۇش ەسە وسكەن. الايدا ءبىز مەملەكەتتىك تەلەارنالارعا عانا ەمەس، جەكەمەنشىك ارنالارعا دا كوپ كوڭىل بولەمىز»، - دەدى ول.

ماسەلەن، ءمينيستردىڭ دەرەگىنشە، كوممەرتسيالىق تەلەارنالار 2017 جىلدان باستاپ قازىرگى ۋاقىتقا دەيىن مەملەكەتتىك اقپاراتتىق تاپسىرىس اياسىندا 47 سەريال تۇسىرگەن.

«الايدا، ءبىز سەريالداردىڭ سانىنا عانا ەمەس ساپاسىنا دا ءمان بەرەمىز. سان ارتقان جەردە شىعارماشىلىق باسەكەگە دە جول اشىلادى. ونى بىلەسىزدەر. وسىلايشا، سەريالدار يندۋسترياسىن قالىپتاستىرۋداعى مۇمكىندىك پايدا بولادى. بۇرىن ءبىز وتاندىق سەريالداردى از دەدىك. ەندى تۇسىرىلگەن سەريالداردى سىرتقا ساتۋدى باستادىق. مىسالى كورشىلەس مەملەكەتتەرگە، 15 وتاندىق سەريالعا 9 ەلگە ليتسەنزيالىق قۇقىقتار بەرىلدى. بۇل جۇمىستى ودان ارى جالعاستىرامىز»، - دەدى داۋرەن اباەۆ.

ونىڭ اتاپ وتۋىنشە، اقپارات جانە قوعامدىق دامۋ مينيسترلىگى كوممەرتسيالىق تەلەارنالارمەن جۇمىس ىستەۋ تەتىكتەرىن جەتىلدىرۋدى قولعا الماق. سمەتالىق-جوبالىق فورماتى قاراستىرىلىپ جاتىر. حالىقارالىق تاجىريبە دە نازارعا الىناتىن بولادى.

«مۇنىڭ بارلىعىن مەديا نارىقپەن اقىلداسا وتىرىپ شەشەتىن بولامىز. قورىتا ايتقاندا، وتاندىق سەريال نارىعى دامىپ جاتىر. شىعارماشىلىق توپتار قالىپتاستى. شەبەرلىكتەرى شىڭدالىپ كەلەدى. تۇبىندە بۇل قالاي دەسەك تە ءبىزدىڭ اقپاراتتىق قاۋىپسىزدىگىمىزگە وڭ اسەرىن تيگىزەتىندىگى انىق»، - دەدى مينيستر.



كەلۋ قاينارى: http://www.elarna.net/koru.php?tur=3&id=1046478

پىكىرلەر:

juz dep sifirmen jazingiz.