كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-205891871676 %24 %

ەلوردا تۇڭعىش رەت قايىرىمدىلىق مەكەمەسى اشىلدى (فوتو) | muslim.kz


ءتۇرى: Muslim.kz ماقالالارى

ۋاقىتى: 10:45 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.


قۋانىشتى وقيعالار قاتارىنان ورىن العان كەشەگى كۇن ەلوردا تاريحىندا ەرەكشە ساقتالىپ قالماق. ويتكەنى، ءدال وسى كۇنى نۇر-سۇلتان قالاسىندا ءۇش بىردەي رۋحاني نىسان پايدالانۋعا بەرىلىپ، باس شاھاردىڭ رۋحاني دامۋىنا ولشەۋسىز ۇلەس قوسىلدى. ەستەرىڭىزگە سالا كەتەيىك، اشىلعانىنا 13 جىلدىڭ ءجۇزى بولعان «استانا» مەدرەسە-كوللەدجى كەشە جاڭا عيماراتقا كوشىپ، قۋانىشتى قونىس تويىن جاماعاتپەن بىرگە اتاپ وتكەن بولاتىن. سونداي-اق، نۇر-سۇلتان وكىلدىگىنىڭ باستاماسىمەن بيىلعى جىلى مەدرەسەنىڭ قىزدار ءبولىمى اشىلىپ، ء«الجان انا» مەشىتى جانىنداعى جەكە عيماراتتا جاڭا وقۋ جىلىن باستاپ كەتتى.

يگى وقيعالار لەگىن قالامىزدىڭ وڭتۇستىك-شىعىس اۋدانىندا ورنالاسقان «سۇلەيمەن» قايىرىمدىلىق مەكەمەسىنىڭ اشىلۋ سالتاناتى جالعاستىرىپ، قۋانىش ۇستىنە قۋانىش قوسا ءتۇستى. دەمەۋشى ازاماتتاردىڭ قولداۋى ارقاسىندا ىسكە قوسىلعان قايىرىمدىلىق مەكەمەسى ەلوردا قالاسىنداعى ستۋدەنتتەردى جاتىن ورىنمەن قامتاماسىز ەتىپ، يماندىلىققا ۇيىتقان رۋحاني ورداعا اينالاتىن بولماق. قازىرگى ۋاقىتتا قايىرىمدىلىق مەكەمەسىندە ارنايى ءتىزىم بويىنشا ىرىكتەلگەن 20 ستۋدەنت جايعاستىرىلعان. ستۋدەنتتەردىڭ بارلىعى دەرلىك جوو-نىڭ جاتاقحاناسىنان ورىن تيمەگەن كوپ بالالى، الەۋمەتتىك از قامتىلعان وتباسىدان شىققان.

قايىرىمدىلىق مەكەمەسىنىڭ اشىلۋ سالتاناتىنا قمدب ءتوراعاسى، باس ءمۇفتي سەرىكباي قاجى وراز باستاعان ءدىن قىزمەتكەرلەرى مەن ەلوردا قالاسىنىڭ جاماعاتى قاتىسىپ، يگى شارانىڭ كۋاسى بولدى. جاتاقحانا بولمەلەرىن ارالاپ، شاكىرتتەرمەن جۇزدەسكەن باس ءمۇفتي اق باتاسىن ارناپ، ستۋدەنت جاستارعا ءبىلىم جولىنداعى ىزدەنىستەرى جەمىستى بولۋىن تىلەدى.

شارا سوڭىندا قۋانىشتى وقيعاعا وراي مەرەكەلىك داستارحان جايىلدى. اق تىلەكتەر اعىتىلىپ، باتا-دۇعامەن اسەرلەنە تۇسكەن وتىرىس بارىسىندا باس ءمۇفتي سەرىكباي قاجى وراز وسى شاراعا اتسالىسقان بارشا دەمەۋشى جاندارعا، قايىرىمدىلىق مەكەمەسىنىڭ اشىلۋىنا ۇيىتقى بولعان نۇر-سۇلتان وكىلدىگى قىزمەتكەرلەرىنە ءوز العىسىن ءبىلدىردى.

سۋرەتتەردى «فوتوگالەرەيا» ايدارىنان كورە الاسىزدار!

دەرەككوز: Muslim.kz



كەلۋ قاينارى: http://www.elarna.net/koru.php?tur=43&id=1046476

پىكىرلەر:

juz dep sifirmen jazingiz.