كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-1610728029 %71 %

الماتىداعى اباي: اقىن اتى بەرىلگەن مادەني ورىندار ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىز


ءتۇرى: ماسساگەت ماقالالارى

ۋاقىتى: 10:10 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version. الماتىداعى اباي: اقىن اتى بەرىلگەن مادەني ورىندار ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


الماتىداعى اباي: اقىن اتى بەرىلگەن مادەني ورىندار

قازاقتىڭ باس اقىنى، ءبىرتۋار ويشىل اباي قۇنانباەۆتىڭ تۋعانىنا 2020 جىلى 175 جىل تولادى. وسىعان وراي، Massaget.kz ءتىلشىسى الماتى قالاسىنداعى اباي اتى بەرىلگەن ورىنداردى ارالاپ شىقتى. مادەني استانادا باس اقىننىڭ اتىمەن اتالاتىن قانداي مادەني ورىندار بار؟ سۋرەتتەرگە نازار سالايىق.

اباي اتىنداعى قازاق مەملەكەتتىك اكادەميالىق وپەرا جانە بالەت تەاترى

قازاقستانداتۇڭعىش اشىلعان كاسىبي مۋزىكالىق تەاتر. عيماراتتىڭ قۇرىلىسى 1939 جىلى باستالىپ، 1941 جىلى پايدالانۋعا بەرىلدى. 1945 جىلى ۇلى اعارتۋشى اباي قۇنانباەۆتىڭ 100 جىلدىعىنا وراي تەاترعا اقىن ەسىمى بەرىلدى. ساۋلەتشىلەرى – ن.كرۋگلوۆ، ن.پروستاكوۆ، ت.باسەنوۆ. تەاترعا 2000 جىلى قايتا جوندەۋ جۇمىستارى جۇرگىزىلدى.

اباي اتىنداعى قازاق ۇلتتىق پەداگوگيكالىق ۋنيۆەرسيتەتى

بۇل وقۋ ورنىن ء"بىلىمنىڭ قاراشاڭىراعى" دەپ تەككە اتامايدى. قازاقستانداعى ەڭ العاش اشىلعان ۋنيۆەرسيتەت – وسى. مەكەمە 1928 جىلدىڭ 1 قىركۇيەگىنەن باستاپ جۇمىس ىستەيدى. العاش اشىلعاندا "قازاق مەملەكەتتىك ۋنيۆەرسيتەتى"، 1930-1935 جىلدار ارالىعىندا قازاق پەداگوگيكالىق ينستيتۋتى دەپ اتالدى.

1935 جىلى جوعارعى وقۋ ورنىنا اباي قۇنانباەۆتىڭ ەسىمى بەرىلدى. ۋنيۆەرسيتەت العاش اشىلعاندا تەك 1 عانا فاكۋلتەت بار ەدى. قازىرگى ۋاقىتتاعى فاكۋلتەت سانى – 10.

اباي اتىنداعى رەسپۋبليكالىق مامانداندىرىلعان دارىندى بالالارعا ارنالعان قازاق ءتىلى مەن ادەبيەتىن تەرەڭدەتە وقىتاتىن ورتا مەكتەپ-ينتەرنات

ۇلى ويشىلدىڭ اتىنا بەرىلگەن بۇل مەكتەپتىڭ تاريحى 1957 جىلدان باستاۋ الادى. رەسپۋبليكا كولەمىندەگى مالشى قاۋىم بالالارىنا ارنالعان مەكتەپ-ينتەرنات بولىپ قۇرىلعان ءبىلىم مەكەمەگە 2006 جىلى اباي قۇنانباەۆتىڭ ەسىمى بەرىلگەن.

مەكتەپتىڭ الدىنا اباي قۇنانباەۆتىڭ ءبيۋستى ورناتىلعان.

اباي ەسكەرتكىشى

قولادان قۇيىلعان ەسكەرتكىش اباي جانە دوستىق كوشەلەرىنىڭ قيىلىسىندا ورنالاسقان. 1960 جىلى تۇرعىزىلعان اباي ەسكەرتكىشىنىڭ بيىكتىگى – 13،7 م. ءمۇسىن قولادان قۇيىلىپ، تۇعىرى قىزىل گرانيتتەن قالانعان. ءمۇسىندى جاساعان – حاكىمجان ناۋرىزباي، ساۋلەتشى – يۆان بەلوتسەركوۆسكي.

ەسكەرتكىشتە باسىندا تاقيا، يىعىنا ءوڭىرى اشىق جەلبەگەي شاپان جامىلعان اباي سول قولىنا كىتابىن قىسىپ ۇستاعان كۇيى تەرەڭ وي ۇستىندە ىلگەرى باسىپ كەلەدى.

اباي داڭعىلى

الماتى قالاسىنداعى نەگىزگى ماگيسترالدىڭ ءبىرى – اباي داڭعىلى. دوستىق پەن مومىشۇلى كوشەلەرىن پەرپەنديكۋليار بايلانىستىرىپ جاتقان داڭعىلدىڭ ۇزىندىعى – 9400 م. اباي داڭعىلى ارقىلى كولىكتەر ەكى باعىتتا قاتىنايدى. ەكى باعىتتىڭ ورتاسىن اعاش، گۇل، كىشىگىرىم الاڭقايلار ءبولىپ تۇر. كوشە بۇرىن ارىچنايا، ميچۋرين دەپ اتالعان.


كوشەنىڭ بويىنا باس اقىننىڭ قارا سوزدەرى جازىلعان الىپ تاستار قويىلعان.

اباي اۋەزوۆ كوشەسىنىڭ قيىلىسىنداعى عيماراتقا 1993 جىلى جاسالعان ابايدىڭ سۋرەتى بەينەلەنگەن جيىرما تەڭگەلىك بانكنوتا سالىنىپتى.

اباي مەترو ستانتسياسى

الماتى مەتروپوليتەنىنىڭ 1-جولاعىنداعى بەكەت "المالى" جانە "بايقوڭىر" بەكەتتەرىنىڭ ارالىعىندا، اباي مەن نازارباەۆ كوشەسىنىڭ قيىلىسىندا ورنالاسقان. اباي ستانتسياسى – الماتى مەتروپوليتەنىندەگى ەڭ تەرەڭ بەكەت. تەرەڭدىگى – 78 مەتر. 2011 جىلدىڭ 1 جەلتوقسانىندا قولدانىسقا بەرىلدى. العاشىندا بەكەتكە "جەتىسۋ" دەگەن اتاۋ ۇسىنىلعان، الايدا، ستانتسياعا ۇلى ويشىلدىڭ قۇرمەتىنە "اباي" اتاۋى بەرىلدى.

جۇرگىنشىلەر زالىنداعى قابىرعاعا اباي قۇنانباەۆتىڭ قولادان جاسالعان بەينەسى سالىنعان. ودان بولەك، اقىننىڭ شىعارماشىلىعىنان سىر شەرتەتىن قاناتتى سوزدەرى دە قابىرعاعا جازىلعان.

اباي شىڭى

اباي شىڭى ىلە الاتاۋىنىڭ كىشى الماتى سىلەمىندە ورنالاسقان. ول تەڭىز دەڭگەيىنەن 4010 مەتر بيىكتىكتە ورنالاسقان. بۇل شىڭعا العاش رەت، 1932 جىلدىڭ شىلدەسىندە گ.ي.بەلوگلازوۆ باستاعان الماتىلىق الپينيستەر كوتەرىلدى. ءدال وسى جىلى بۇل جەرگە اباي ەسىمى بەرىلدى.

ىلمەك سوزدەر: الماتى، اباي، دارىن، قازۇپۋ، قازپي، اگۋ، اباي داڭعىلى، حاكىمجان ناۋرىزباەۆ، مادەني ورىندار، ابايدىڭ قارا سوزدەرى، اباي تەاترى،



كەلۋ قاينارى: http://www.elarna.net/koru.php?tur=41&id=1046461

پىكىرلەر:

juz dep sifirmen jazingiz.