كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-16729217039 %61 %

تۇركىستان وبلىسى: «Nur Otan» پارتياسى ازاماتتاردى «Open space» فورماتىندا قابىلدايدى


ءتۇرى: قازاقپارات جاڭالىقتارى

ۋاقىتى: 09:30 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.
تۇركىستان وبلىسى: «Nur Otan» پارتياسى ازاماتتاردى «Open space» فورماتىندا قابىلدايدى

كەنتاۋ. قازاقپارات – تۇركىستان وبلىستىق «Nur Otan» پارتياسى وبلىستىق فيلالى الداعى 10 كۇندە «Open space» فورماتىندا «ازاماتتاردى قابىلداۋ ورتالىعى» ءوز جۇمىسىن باستايتىن بولادى. بۇل تۋرالى كەنتاۋ قالاسى قارناق اۋىلى تۇرعىندارىمەن كەزدەسۋىندە پارتيانىڭ وبلىستىق فيليالى ءتوراعاسىنىڭ ءبىرىنشى ورىنباسارى بەيسەن تاجىباەۆ باستاۋىش پارتيا ۇيىم وكىلدەرىمەن كەزدەسۋىندە ءمالىم ەتتى، دەپ حابارلايدى قازاقپارات ءتىلشىسى.

ۇقساس جاڭالىقتار
باۋىرجان بايبەك ناعىز نۇروتاندىق قانداي بولۋى كەرەكتىگىن ايتتى جولداۋ: قىزىلوردا وبلىسىندا العاشقى كەزەكتە ورىندالاتىن باستى مىندەتتەر تالقىلاندى اقمولادا پرەزيدەنت جولداۋىن ىسكە اسىرۋ مىندەتتەرى ايقىندالدى

قر پرەزيدەنتى قاسىم-جومارت توقاەۆتىڭ «سىندارلى قوعامدىق ديالوگ-قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋىن ناسيحاتتاۋ كەنتاۋدا وزگەشە فورماتتا ءوتتى. بۇل جولعى كەزدەسۋ 5 گا جەردى يگەرە وتىرىپ، الما مەن ءجۇزىم، ورىكتىڭ ءتۇر-تۇرىن حالىققا ۇسىنىپ كەلە جاتقان «مىرزا» شارۋا قوجالىعىندا ۇيىمداستىرىلدى. كەزدەسۋگە كەنتاۋ قالاسى پارتيا فيليالىنىڭ باسشىلارى، باستاۋىش پارتيا ۇيىمدارىنىڭ مۇشەلەرى مەن اۋىل تۇرعىندارى جانە باق وكىلدەرى قاتىستى. كەزدەسۋدە ءسوز العان بەيسەن تاجىباەۆ جولداۋداعى نەگىزگى باسىم باعىتتارعا ارنايى توقتالدى.

«پرەزيدەنت جولداۋدا ۇكىمەتتىك ەمەس ۇيىمداردىڭ بەلسەندىلىگىن ارتتىرىپ، قوعامدىق اشىق ديالوگتىق الاڭىن قۇرىپ، ءوزارا پىكىر-سايىستار وتكىزۋ جونىندە باسا ايتتى. بۇگىنگى كەزدەسۋىمىز وسى فورماتتا ەركىن ءارى وزگەشە جاعدايدا ياعني شارۋا قوجالىعىندا ءوتىپ وتىر. الداعى ۋاقىتتا ءبىز مۇنداي كەزدەسۋلەردىڭ كوپتەپ وتكىزۋ ارقىلى «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋعا ىقپال ەتەتىن بولامىز. سونداي-اق، ءوڭىر حالقىنىڭ وتىنىشتەرىن كۇندەلىكتى تىڭداپ، ءتيىستى ورگاندار ارقىلى ماسەلەلەردى تۇراقتى تۇردە شەشۋگە مۇمكىندىك الامىز. الدا وبلىس اكىمى، فيليال ءتوراعاسىنىڭ تاپسىرماسىمەن اكىمدىك جانىنان «ازاماتتار وتىنىشتەرىن باقىلاۋ» ءبولىمى ىسكە قوسىلعالى وتىر. اتالعان ءبولىم ارىز-شاعىمداردى مەرزىمىندە قاراپ، جاۋاپ بەرىلۋىنە باقىلاۋ جاسايتىن بولادى. ال، وبلىس اكىمدىگى اپپاراتىنىڭ بولىمدەرى جاۋاپتىڭ ساپاسىن تەكسەرەدى. ياعني، ءبىزدىڭ ماقساتىمىز-تۇسكەن ارىز-شاعىمدار كولەمىن ازايتۋ»، - دەدى بەيسەن تاجىباەۆ.

كەزدەسۋ بارىسىندا ناسيxاتتىق توپ وكىلدەرى اۋىل شارۋاشىلىعىن دامىتۋ، اتاۋلى الەۋمەتتىك كومەك، شاعىن جانە ورتا كاسىپكەرلىككە قولداۋ ءبىلدىرۋ ماقساتىنداعى وبلىستا قولعا الىنعالى وتىرعان جۇمىستاردى دا تىلگە تيەك ەتتى. ءوز كەزەگىندە ءسوز العان اۋىل تۇرعىندارى دا جولداۋدا كوڭىلگە قونىمدى بولعان نەگىزگى باسىمدىقتاردى اتاپ ءوتتى.

ايتا كەتەيىك، ەلىمىزدە پارتيا فيليالدارى جولداۋدى حالىق اراسىندا كەڭىنەن ناسيحاتتاپ، حالىقتىڭ مۇڭ-مۇقتاجىنا نازار اۋدارۋدى قولعا العان. جۇرتتىڭ ماسەلەسىن انىقتاۋ ماقساتىندا ءوڭىردىڭ بارلىق اۋىل-ايماقتارىندا كۇندەلىكتى تۇرعىندارمەن كەزدەسۋلەر ۇيىمداستىرۋدا.



كەلۋ قاينارى: http://www.elarna.net/koru.php?tur=3&id=1046445

پىكىرلەر:

juz dep sifirmen jazingiz.