كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-205411182776 %24 %

ءومىرزاق شوكەەۆ ارىستا قۇرىلىستى تۇرعىن ءۇي يەلەرىنىڭ وتىنىشتەرىنە ساي جۇرگىزۋدى تاپسىردى


ءتۇرى: قازاقپارات جاڭالىقتارى

ۋاقىتى: 09:24 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.

تۇركىستان. قازاقپارات - تۇركىستان وبلىسىنىڭ اكىمى ءومىرزاق شوكەەۆتىڭ توراعالىعىمەن ارىس قالاسىندا قالانى قالپىنا كەلتىرۋ جۇمىستارىن جۇرگىزۋ بويىنشا اپپاراتتىق جيىن ءوتتى، دەپ حابارلايدى قازاقپارات تۇركىستان وبلىسى اكىمىنىڭباسپاسوزقىزمەتىنە سىلتەمە جاساپ.

ۇقساس جاڭالىقتار
لوندوندا 360 گرادۋس بەينەلى باسسەين اشىلماق مايقايىڭدا كىرپىش وندىرەتىن كاسىپورىن اشىلادى مەترو باسشىلىعى اباي-مومىشۇلى قيىلىسى نەگە اشىلماعانىن ءتۇسىندىردى

باسقوسۋعا ەلىمىزدىڭ بارلىق وبلىستارىنان كەلگەن ارىس قالاسىنداعى قۇرىلىس جۇمىستارىنا جاۋاپتى وكىلدەرى، تۇركىستان وبلىستىق باسقارما باسشىلارى مەن اۋداندىق اكىمدىك ماماندارى قاتىستى.

جيىندا ارىس قالاسىنداعى تۇرعىن ۇيلەر، الەۋمەتتىك نىساندار مەن جولداردا جۇرگىزىلىپ جاتقان قۇرىلىس جۇمىستارى مەن تۇرعىندارعا كورسەتىلىپ جاتقان كومەكتىڭ جاي-كۇيى تالقىلاندى. وبلىس باسشىسى بارلىق قۇرىلىس نىساندارىنىڭ دەر كەزىندە اياقتالۋىن تاپسىرىپ، قۇرىلىس ساپاسىنا باسا نازار اۋدارۋ كەرەكتىگىن قاداپ ايتتى.

باسقوسۋدا ءسوز العان قۇرىلىسشىلار جۇمىسقا كەدەرگى كەلتىرىپ جاتقان ءبىرقاتار ماسەلەلەردى ءسوز ەتتى.

ولاردىڭ ايتۋلارىنشا، ارىستاعى بىرنەشە ءۇي يەلەرى ساراپتاۋ قورىتىندىسىمەن كەلىسپەي وتىر. تۇرعىندار ۇيلەرىن كۇردەلى جوندەۋدىڭ ورنىنا تۇگەل ءسۇرىپ تاستاۋدى تالاپ ەتۋدە. مۇنداي ازاماتتارعا الدىن الا ەسكەرتۋلەر جاسالعان. سونداي- اق، قۇجاتتاردى زاڭداستىرۋعا قاتىستى كەي قيىنشىلىقتار دا بەلگىلەگەن مەرزىمنەن كەشىگۋگە سەپ بولۋدا دەدى سەكتور جاۋاپتىلارى.

ماسەلەگە قانىققان ءومىرزاق ەستايۇلى بارلىق سەكتور جاۋاپتىلارىنا قۇرىلىس جۇمىستارىن اياقتاۋ مەرزىمىن بەلگىلەنگەن كەستەدەن كەشىكتىرمەۋدى جانە ورىن العان كەمشىلىكتەردى جەكە - جەكە قاراپ، تۇرعىن ءۇي يەلەرىنىڭ وتىنىشتەرىن ەسكەرە وتىرىپ شەشۋدى تاپسىردى. جيىندا تۇركىستان وبلىسى قۇرىلىس باسقارماسى باسشىسىنىڭ ورىنباسارى ەربول احمەتوۆ ارىس قالاسىنداعى قۇرىلىس-جوندەۋ جۇمىستارى جايىندا بايانداما جاسادى.

«جالپى ارىس قالاسىندا 8637 تۇرعىن ءۇي نىسانى ورنالاسقان. ونىڭ ىشىندە: جەكە تۇرعىن ءۇي - 8534; كوپ قاباتتى تۇرعىن ۇيلەر - 103. جوندەۋدى قاجەت ەتەتىنى – 7 164 نىسان. قالپىنا كەلتىرۋگە جاتپايتىن - 470 نىساندى قۇرايدى. اعىمداعى جىلدىڭ 6 قىركۇيەكتەگى جاعدايعا 7149 – تۇرعىن جانە كوپقاباتتى ۇيلەردە قۇرىلىس جۇمىستارى اياقتالىپ، ونىڭ ىشىندە 189 قۇرىلىستارى ىشكى ارلەۋسىز اياقتالعان. ال، قالعان 15 نىساندا قۇرىلىس جۇمىستارى جۇرگىزىلۋدە، ونىڭ ىشىندە 10 نىسان بويىنشا مەنشىك يەلەرىنىڭ كەلىسپەۋىنەن قۇرىلىس جۇمىستارى توقتاپ تۇر. قالپىنا كەلتىرۋ جۇمىستارىنا: 144 – قۇرىلىس كومپانيالارى، 4 248 – جۇمىسشىلار، 215 – ارنايى تەحنيكالار تارتىلدى»، - دەدى ول.

ارىس قالاسى بويىنشا اۆتوموبيل جولدارىن جوندەۋ جۇمىستارىن جۇرگىزۋ 13 ايماقتا جوسپارلانعان. بۇگىندە جالپى 62 كوشەنىڭ 37 كوشەسى اياقتالدى. قالعان 25 كوشەسىندە جۇمىستار جۇرگىزىلۋدە. 16 كوشەسىندە جاياۋ جۇرگىنشىلەرگە ارنالعان جول سالۋ جۇمىستارى اياقتالىپ، جارىقتاندىرۋ بويىنشا جۇمىستار جۇرگىزىلۋدە. ال 6 كوشەدە جارىقتاندىرۋ جۇمىستارى جالعاسۋدا. جوعارىدا اتالعان كوشەلەر قىركۇيەك ايىندا تولىق اياقتالاتىن بولادى.

جالپى بۇگىنگى كۇنگە ارىس قالاسىندا 543 كوممەرتسيالىق نىسان بار. ونىڭ ىشىندە 509 نىسانعا زالال كەلتىرىلگەن، ال 12 نىسان تولىعىمەن جويىلعان. ارىس قالاسىندا جالپى 68 الەۋمەتتىك نىسان جوندەۋدى قاجەت ەتەدى. ونىڭ ىشىندە 4 جاڭا قۇرىلىس، 64 قالپىنا كەلتىرۋ جۇمىستارى جۇرۋدە. ءبىلىم بەرۋ نىساندارى – 53، دەنساۋلىق ساقتاۋ – 8، سپورت نىساندارى – 4، قوعامدىق ورىندار – 3، اعىمداعى جىلدىڭ 6 قىركۇيەكتەگى جاعدايعا 62 نىساننىڭ قۇرىلىس جۇمىستارى اياقتالدى. قالعان 6 نىساندا قۇرىلىس جۇمىستارى جۇرگىزىلۋدە.

جيىننان سوڭ ءومىرزاق شوكەەۆ ارىس قالاسىنداعى ءبىرقاتار قۇرىلىس نىساندارىن ارالاپ شىعىپ، جەرگىلىكتى تۇرعىندارمەن كەزدەستى.



كەلۋ قاينارى: http://www.elarna.net/koru.php?tur=3&id=1046441

پىكىرلەر:

juz dep sifirmen jazingiz.