كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-205411182776 %24 %

تۇركىستان وبلىسىندا 138 مىڭنان استام شاعىن جانە ورتا بيزنەس جۇمىس ىستەيدى | DalaNews


ءتۇرى: قالا مەن دالا گازەتى جانە استانا اقشامى گازەتى

ۋاقىتى: 08:30 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.تۇركىستان وبلىسىندا 138 مىڭنان استام شاعىن جانە ورتا بيزنەس جۇمىس ىستەيدى | DalaNews

تۇركىستان وبلىسىندا 138 مىڭنان استام شاعىن جانە ورتا بيزنەس جۇمىس ىستەيدى

تۇركىستان وبلىسىنىڭ اكىمى و.ە.شوكەەۆتىڭ تاپسىرماسىنا سايكەس قازاقستان رەسپۋبليكاسىنىڭ پرەزيدەنتى ق.ك.توقاەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن گۇلدەنۋىنىڭ نەگىزى» اتتى قازاقستان حالقىنا جولداۋىن ءتۇسىندىرۋ ماقساتىندا وبلىستىڭ اۋدان جانە قالالارىندا بەلسەندى تۇردە تۇرعىندارمەن كەزدەسۋلەر وتكىزىلدى.

تۇركىستان وبلىسى اكىمىنىڭ ورىنباسارى مەيىرجان مىرزاليەۆ باستاعان جۇمىس توبى ماقتاارال، جەتىساي جانە شاردارا اۋداندارىنىڭ تۇرعىندارىمەن كەزدەستى.

ء

وز كەزەگىندە مەيىرجان مىرزاليەۆ كاسىپكەرلىك سالاسى، ينۆەستيتسيا تارتۋ، ەكسپورتتى قولداۋ جانە ت.ب. سالالار اياسىندا اتقارىلىپ جاتقان جۇمىستارمەن ءبولىستى. مەيىرجان مىرزاليەۆتىڭ ايتۋىنشا، تۇركىستان وبلىسى بويىنشا جالپى 138 مىڭنان استام شاعىن جانە ورتا كاسىپورىندار جۇمىس ىستەيدى.

– پرەزيدەنتتىڭ جولداۋىندا كورسەتىلگەن مىندەتتەرگە سايكەس، شاعىن بيزنەستى 3 جىلدىق مەرزىمگە سالىقتان بوساتۋ تەتىكتەرى ازىرلەنەدى. سونىمەن قاتار، وبلىستا «قاراپايىم زاتتار ەكونوميكاسى» باعدارلاماسى بەلسەندى تۇردە جۇزەگە اسىرىلۋدا جانە تۇركىستان وبلىسى ناتيجەلەر بويىنشا كوش باستاپ تۇر، – دەدى وبلىس اكىمىنىڭ ورىنباسارى.

سونداي-اق، جيىنعا قاتىسۋشىلار اۋدانداردا اتقارىلعان جۇمىستارعا توقتالىپ، ەلباسى جولداۋىنداعى مىندەتتەردىڭ ورىندالۋ بارىسىن تالقىلادى.

ايتا كەتۋ كەرەك، وبلىستا كاسىپكەرلىكتى دامىتۋدىڭ جاڭا ارحيتەكتۋراسى ازىرلەنگەن بولاتىن. ناتيجەسىندە ماماندار توبى قۇرىلىپ، ونىڭ قۇرامىنا ينۆەستيتسيالار جانە ەكسپورت باسقارماسى، «Turkistan Invest» فرونت ءوفيسى، كاسىپكەرلەرگە قىزمەت كورسەتۋ ورتالىعى جانە «اگرارلىق نەسيە كورپوراتسياسى» اق وبلىستىق فيليالى، «وڭتۇستىك» ايو جانە «ىرىس» مقۇ كىردى. اتالعان ۇيىمدار جۇمىسىن وبلىس اكىمىنىڭ ورىنباسارى مەيىرجان مىرزاليەۆ قاداعالاۋدا.

وسى ورايدا، تۇرعىندارمەن اشىق ديالوگ ورناتۋ ماقساتىندا بۇكىل كوماندا جوعارىدا اتالعان اۋداندار كاسىپكەرلەرىمەن كەزدەسۋ وتكىزدى، وندا بيزنەستىڭ ەڭ وزەكتى ماسەلەلەرى كوتەرىلدى.

سونىمەن قاتار، جۇمىس توبى ءبىرقاتار كاسىپكەرلىك نىساندارىندا بولدى، ولار وسى كاسىپورىنداردىڭ ءارى قاراي دامۋىنا كەدەرگى كەلتىرەتىن ماسەلەلەردى انىقتاپ، ولاردى شەشۋ جولدارىن تالقىلادى.

ساپاردىڭ سوڭعى نىسانى شاردارا اۋدانى، الاتاۋ باتىر اۋىلىندا ورنالاسقان «International Company of Cotton» جشس ماقتا وڭدەۋ زاۋىتىنىڭ ينۆەستيتسيالىق جوباسى بولدى. ينۆەستيتسيالىق جوبانىڭ سوماسى 5،5 ملرد. تەڭگەنى قۇرايدى. ماقتا وڭدەۋ زاۋىتى وسى جىلدىڭ قازان ايىندا ىسكە قوسىلادى، دەپ كۇتىلۋدە. ءبىر جىل ىشىندە زاۋىت ماقتا تالشىعىنا 144 000 توننا ماقتا وڭدەيدى. 47 000 توننا ماقتا تالشىعى ونىمدەرى قىتايعا، سينگاپۋر رەسپۋبليكاسىنا جانە وزبەكستانعا ەكسپورتتالادى. 200 جۇمىس ورنىن قۇرۋ جوسپارلانۋدا.

تۇركىستان وبلىسى اكىمىنىڭ ءباسپاسوز قىزمەتى

تاعى وقىڭىز:

تۇركىستاننىڭ ازىق-تۇلىك بەلدەۋى قۇرىلۋدا


كەلۋ قاينارى: http://www.elarna.net/koru.php?tur=25&id=1046430

پىكىرلەر:

juz dep sifirmen jazingiz.