كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-1610728029 %71 %

سقو-دا جىل باسىنان 647 ءىرى قارا مالدان برۋتسەللەز اۋرۋى تابىلىپ، كوزى جويىلدى


ءتۇرى: قازاقپارات جاڭالىقتارى

ۋاقىتى: 07:48 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.

پەتروپاۆل. قازاقپارات – سولتۇستىك قازاقستان وبلىسىندا ءتورت تۇلىككە كۇزگى ۆاكتسينا ەگۋ جۇمىستارى قىزۋ جۇرگىزىلىپ جاتىر، دەپ حابارلايدى قازاقپارات ءتىلشىسى.

مال دارىگەرلەرى ۆاكتسيناتسيانى جىلىنا ەكى رەت جۇرگىزەدى. ءبىرىنشىسى كوكتەمدە تۇلىك جايىلىمعا شىعاردا، ال ەكىنشىسى كۇن سۋىتىپ، قوراعا كىرگىزەر الدىندا اتقارىلادى. وڭىردە بۇگىنگى كۇنى بۇل جۇمىستار 65%-عا ىستەلدى.

ەلىمىزدە «پروفيلاكتيكاسى، دياگنوستيكاسى جانە جويىلۋى بيۋدجەت قاراجاتى ەسەبiنەن جۇزەگە اسىرىلاتىن جانۋارلاردىڭ اسا قاۋiپتi اۋرۋلارىنىڭ تىزبەسى» بەكىتىلگەن. وعان ءتورت تۇلىكتىڭ اسا ءقاۋىپتى 69 اۋرۋى كىرگەن. سقو-دا ونىڭ 9 تۇرىنە بيۋدجەت قاراجاتى ەسەبىنەن ەكپە جاسالسا، تۋبەركۋلەز، برۋتسەللەز سياقتى تاعى بىرنەشە تۇرىنە دياگنوستيكالىق زەرتتەۋلەر جۇرگىزىلەدى.

«مال ەگۋ مانيپۋلياتسياسى دۇرىس جولعا قويىلعان، مال يەسى ءوزىنىڭ مالىن ەكتىرۋگە اكەلۋى ءتيىس. تۇلىكتىڭ سىرعاسى بار، قۇجاتى بار. مۇنىڭ ءبارى تەگىن جاسالادى. تورت-تۇلىكتى زەرتتەۋ كەزىندە قان الامىز. ەگەر دە قانداي دا ءبىر مالدان اۋرۋ بەلگىلەرى بايقالسا سىرعاسى ارقىلى تاۋىپ، بىردەن سويۋعا جىبەرەمىز»، - دەيدى سقو ۆەتەريناريا باسقارماسىنىڭ ۆەتەرينارلىق ءىس-شارالاردى ۇيىمداستىرۋ ءبولىمىنىڭ جەتەكشىسى قايىرلى قازانوۆ.

وسى كۇنگە دەيىن 284 مىڭنان استام ءىرى قارا مال، 640 باس جىلقى، 32 مىڭنان استام شوشقا جانە 319 مىڭنان استام قوي-ەشكى برۋتسەللەزگە زەرتتەلدى. 647 ءىرى قارا مالدان، 19 قويدان اۋرۋ بەلگىلەرى تابىلىپ، سانيتارلى سويىلىمعا جىبەرىلىپتى. ال تۋبەركۋلەز 52 سيىردان انىقتالعان.

ەگۋ جۇمىستارى قىركۇيەك ايىنان قاراشاعا دەيىن جۇرگىزىلەدى. ويتكەنى ۆاكتسينا قويۋدىڭ ءوز ەرەجەلەرى بار. ۆەتەرينارلاردىڭ ايتۋىنشا، ءبىر ەكپەدەن كەيىن ەكىنشىسىن سالماس بۇرىن 21 كۇن ءوتۋى قاجەت. ءسىبىر جاراسىنا قارسى ۆاكتسينا مالعا 3 ايدان اسقاننان كەيىن عانا ەگىلەدى، جاس ءتول ءدارىنى كوتەرمەۋى مۇمكىن.

ء

«بىز ءقازىر پەنكوۆو ەلدى-مەكەنىندە تۋبەركۋلەز اۋرۋىنا زەرتتەۋ جۇرگىزۋ ءۇشىن قان الىپ جاتىرمىز. ودان كەيىن جۇقپالى اۋرۋدىڭ الدىن الۋ ءۇشىن ارنايى پرەپارات – تۋبەركۋليندى ەگەمىز. 72 ساعاتتان كەيىن كەلىپ جانۋاردى قايتا تەكسەرىپ كەتەمىز. دەنەسىندە ءتۇيىن پايدا بولسا، ول مالدا اۋرۋدىڭ بەلگىلەرى بار دەگەن ءسوز. ال قاننىڭ ناتيجەسى 3 كۇندە دايىن بولادى»، - دەيدى مال دارىگەرى ليۋدميلا ستەپانوۆا.

سونداي-اق وبلىس ۆەتەرينارلارى الداعى 2-3 ايدا بيىلعى جىلدىڭ ءتولى - 102،5 مىڭنان استام ءىرى قارا مالدى جانە 129 مىڭنان استام قوي-ەشكىنى تىركەۋگە الىپ، قۇلاقتارىنا سىرعا تاعۋلارى ءتيىس.


كەلۋ قاينارى: http://www.elarna.net/koru.php?tur=3&id=1046423

پىكىرلەر:

juz dep sifirmen jazingiz.