كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-1610728029 %71 %

11 قىركۇيەك. قازاقپارات كۇنتىزبەسى


ءتۇرى: قازاقپارات جاڭالىقتارى

ۋاقىتى: 07:12 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.
11 قىركۇيەك. قازاقپارات كۇنتىزبەسى

نۇر-سۇلتان. قازاقپارات - قازاقپارات وقىرماندارىنا 2019 جىلعى 11 قىركۇيەككە ارنالعان كۇنتىزبەسىن ۇسىنادى.

ەستە قالار وقيعالار

1883 جىلى سەمەي ايماقتىق مۇراجايى اشىلدى. مۇراجايدى ساياسي قۋعىنعا ۇشىراعان ادامدار وزدەرى جيعان ارحەولوگيالىق جانە زوولوگيالىق قازبالار نەگىزىندە ۇيىمداستىردى. اتالمىش شارانى ۇيىمداستىرۋعا اباي قۇنانباەۆ تا قاتىسقان. ول مۇراجايعا بارلىق جاساۋىمەن كيىز ءۇي سىيعا تارتقان.
1931 جىلى قاراعاندى وبلىستىق «يندۋستريالنايا كاراگاندا» گازەتىنىڭ العاشقى سانى جارىق كوردى. گازەت 1935 جىلعا دەيىن «بولشەۆيستسكايا كوچەگاركا»، ال 1935-1963 جىلدارى «سوتسياليستيچەسكايا كاراگاندا» دەگەن اتاۋمەن شىعىپ تۇردى. 1965 جىلدان باستاپ قازىرگى اتىمەن شىعادى. گازەت اپتاسىنا ەكى رەت شىعادى، تارالىمى - 15000 دانا.
1991 جىلى قازاقستان رەسپۋبليكاسى پرەزيدەنتىنىڭ جارلىعىمەن عارىشتىق زەرتتەۋلەر اگەنتتىگى مەن جەر ماسەلەلەرى جانە جەرگە ورنالاستىرۋ جونىندەگى مەملەكەتتىك كوميتەت قۇرىلدى.
1997 جىلى قازاقستان رەسپۋبليكاسى قارۋلى كۇشتەرىنىڭ اسكەري اكادەمياسى قۇرىلدى.
2007 جىلى ەلباسى نۇرسۇلتان نازارباەۆ «شوقان ءۋاليحانوۆ» جەلكەندى كەمەسىنە قازاقستاندىق تۇڭعىش ەكسپەديتسيانىڭ دۇنيەجۇزىلىك تەڭىز ساياحاتىنا جولداما بەردى.
مەملەكەت باسشىسى ەكيپاج مۇشەلەرىنە قازاقستان تۋىن تابىس ەتتى. بۇدان كەيىن قازاقستاننىڭ گيمنى ورىندالىپ، كەمەدە مەملەكەتىمىزدىڭ تۋى كوتەرىلدى. پرەزيدەنت دۇنيەجۇزىلىك ساياحاتقا شىققان ەكيپاج مۇشەلەرىنە ءسات ساپار تىلەدى.
2007 جىلى استانادا دۇنيەجۇزى قازاقتارى قاۋىمداستىعىنىڭ وكىلدەرىمەن بىرلەسىپ شىعارىلعان «تۋعان ءتىل» جۋرنالىنىڭ تۇساۋى كەسىلدى.
بۇل باسىلىم العاش رەت اراب، لاتىن گرافيكاسىندا جانە قازاق تىلىندە شىعارىلىپ وتىر. جۋرنالدى شىعارۋ - شەتەلدىك قانداستارىمىزعا دەگەن قامقورلىقتىڭ كورىنىسى.

2007 جىلىشالداي ورمانىندا كۇشتى ءورت بولدى. ءورت ءسوندىرۋ كەزىندە ورمان شارۋاشىلىعىنىڭ ءتورت قىزمەتكەرى قازا بولدى. ءتورت اي وتكەن سوڭ ورمانداعى ءورتتى ءسوندىرۋ كەزىندە تاعى دا ەكەۋى ومىرلەرىمەن قوشتاستى.
شالداي اۋىلىنىڭ ورتالىعىندا ءورت ءسوندىرۋ كەزىندە قازا بولعان «ەرتىس ورمانى» تابيعي رەزەرۆات قىزمەتكەرلەرىنىڭ قۇرمەتىنە ەسكەرتكىش ورناتىلدى. ەسكەرتكىشتىڭ ءمارمار تاسىندا ورمان شارۋاشىلىعى ينسپەكتورلارىنىڭ سۋرەتتەرى مەن ەسىمدەرى قاشالىپ جازىلعان.

2013 جىلى قازاق عالىمدارى قىتايدان 283 تومدى قۇرايتىن بىرەگەي مۇراعاتتىق قۇجاتتاردى اكەلدى. وندا قازاق حاندارى مەن قىتاي بيلەۋشىلەرىنىڭ اراسىنداعى ديپلوماتيالىق قارىم-قاتىناس ورناتىلعانى جونىندە كورسەتىلگەن. ونىڭ اراسىندا ابىلاي حان مەن قىتاي يمپەراتورى تسيانلۋننىڭ جازىسقان حاتتارىنىڭ كوشىرمەلەرى دە بار بولىپ شىقتى.

2014 جىلى جەزقازعان قالاسىنان وڭتۇستىك-شىعىسقا قاراي 148 شاقىرىم قاشىقتىقتا «سويۋز تما-12م» كەمەسىنىڭ قۇرىلعىسى قوندى. ول جەرگە حالىقارالىق عارىش ستانساسىنان قىرقىنشى ەكسپەديتسيانى جەتكىزدى.



كەلۋ قاينارى: http://www.elarna.net/koru.php?tur=3&id=1046421

پىكىرلەر:

juz dep sifirmen jazingiz.