كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-16729217039 %61 %

ايگۇل ۇلكەنباەۆا: كۇيشىلىك ءداستۇر ءۇزىلىپ بارا جاتىر


ءتۇرى: Ult.kz ۇلىت تورابى

ۋاقىتى: 06:40 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.

جىل سايىنعى داستۇرگە اينالعان قازاقستان رەسپۋبليكاسى ءبىلىم جانە عىلىم مينيسترلىگى، قازاقستان رەسپۋبليكاسى تۇڭعىش پرەزيدەنتى – ەلباسىنىڭ قورى، قۇرمانعازى اتىنداعى قازاق ۇلتتىق كونسەرۆاتورياسىنىڭ ۇيىمداستىرۋىمەن ءوتىپ جاتقان «ونەر» جانە ء«بىلىم» باعىتىنداعى حI رەسپۋبليكالىق ستۋدەنتتىك پاندىك وليمپيادا اتالعان جوعارعى وقۋ ورنىندا تىڭعىلىقتى دايىندىقپەن اسىعا كۇتىلەتىن ۇلكەن جوبا بولىپ تابىلادى. بيىلعى وليمپيادا قۇرمانعازى اتىنداعى قازاق ۇلتتىق كونسەرۆاتورياسىنىڭ قۇرىلعانىنا 75 جىل تولۋىنا وراي جانە حح عاسىردىڭ ايگىلى كۇيشى-كومپوزيتورى تەمىربەك احمەتوۆتىڭ 100 جىلدىق مەرەيتويىنا ارنالعانىن اتاپ وتكەن ءجون. وليمپيادا قارساڭىندا وسى سايىسقا تورەلىك ەتەتىن قازىلار القاسىنىڭ دا وسىعان قاتىستى پىكىرىن ءبىلىپ، جاس ورىنداۋشىلارعا قويىلعان تالاپتارى مەن كەڭەستەرىن ءبىلۋ ماقساتىندا «دومبىرا» اتالىمىنىڭ ءتورايىمى – قر ەڭبەك سىڭىرگەن ءارتيسى، پروفەسسور ايگۇل ۇلكەنباەۆادان سۇحبات الۋدى ۇيعاردىق.

-ايگۇل ناريمانقىزى، كۇي ونەرىن ساحنادان تۇسىرمەي، ەل-جۇرتتىڭ سۇيىسپەنشىلىگىنە بولەنىپ ۇلگەرگەن قازاقتىڭ بەتكە ۇستار شەبەر كۇيشى-ورىنداۋشىسى جانە قۇرمانعازى اتىنداعى قازاق ۇلتتىق كونسەرۆاتورياسى قابىرعاسىندا ءوتىپ جاتقان رەسپۋبليكالىق وليمپياداسىندا «دومبىرا» اتالىمىنىڭ ءتورايىمى رەتىندە سىزگە قويار بىرنەشە ساۋالىم بار ەدى. ورتا جانە جوعارعى وقۋ ورىندارىندا وقيتىن جاس دومبىراشىلار اراسىندا جىل سايىن ءداستۇرلى تۇردە وتەتىن رەسپۋبليكالىق وليمپيادا بۇگىنگى ورىنداۋشىلارعا نەسىمەن ماڭىزدى دەپ ويلايسىز؟ دومبىراشىلاردىڭ ورىنداۋشىلىعىنا پايدالى اسەرى كوبىرەك پە، الدە تەوريالىق ءبىلىمىن نىعايتا ما؟

- اتالعان وليمپيادا ەڭ الدىمەن جوعارعى نەمەسە ورتا مۋزىكالىق وقۋ ورىندارى اراسىنداعى ستۋدەنتتەردىڭ جانە جالپى سول وقۋ ورىندارى اراسىنداعى قارىم-قاتىناستى ارتتىرىپ، تاجىريبە الماسۋى جاعىنان ماڭىزى زور. تەوريالىق بىلىمىنە دە وڭ اسەرىن بەرە مە دەگەنىڭىز دۇرىس شىعار، ويتكەنى كولوكۆيۋم سۇراقتارى دا ارنايى دايىندالعانىن ايتا كەتۋ كەرەك. ال قاتىسۋشىنىڭ ورىنداۋشىلىعى البەتتە وسەتىنى انىق.

-حح عاسىردىڭ ءدۇلدۇل ورىنداۋشىلارىن، دومبىرا ۇيرەتۋدەگى نەبىر شەبەر ۇستازداردىڭ كوزىن كورىپ، ولاردىڭ دومبىراداعى كۇي تارتىسىن تىڭداپ، ءتىپتى قاسىندا وتىرىپ تالىم-تاربيەسىن دە الدىڭىز. ەندى بۇگىنگى جاس ورىنداۋشىلار سول كەزدىڭ ورىنداۋ ءداستۇرىن ءىلىپ الىپ كەتە الدى ما؟ الدە، جەتىسپەي جاتقان تۇستارى بار ما؟ وسىعان توقتالا كەتسەڭىز؟

- ارينە، اقسايتىن تۇستارىمىز وتە كوپ. ء«داستۇر» دەگەنىمىز ءقازىر ءۇزىلىپ بارا جاتىر. سەبەبى، وقۋ جۇيەسىندەگى دومبىراشىعا ساباق بەرۋ ءتاسىلىن وزگەرتۋ كەرەك دەپ ويلايمىن. ءاربىر كۇيشىلىك مەكتەپتىڭ ءبىر-بىر وكىلىن وتىرعىزىپ، ءداستۇردى ساقتاپ قالماي، ءار اي سايىنعى سىناق-ەمتيحاندارىنىڭ ارتىنان جۇرە بەرەتىن بولساق بارىنەن ايىرىلۋ ءقاۋپى بار.

-كونسەرۆاتوريا شاڭىراعىندا ءبىرتالاي جىل جەمىستى ەڭبەك ەتىپ، شاكىرتتەرىڭىز ەلىمىزدىڭ تۇكپىر-تۇكپىرىندە بەلسەندى قىزمەت جاساۋدا. سونىمەن قاتار، ءوزىڭىز اشقان مەكتەپ-ستۋدياسىندا ءار ءتۇرلى جاستاعى بالالارعا كۇيدى «قۇيما-قۇلاق» ادىسىمەن ۇيرەتىپ كەلە جاتقانىڭىزدى دا بىلەمىز. وسى ورايدا مىناداي سۇراق تۋادى، دومبىراشىعا، اسىرەسە، كۇي ورىنداۋشىسىنا نوتالىق ۇيرەتۋ ءادىسىنىڭ قاجەتتىلىگى مەن قولدان قولعا «قۇيما قۇلاقتىق» ۇيرەتۋ ءادىسى ارقىلى ۇيرەتكەن كۇيدىڭ ارتىقشىلىعى قانشالىقتى دەپ ويلايسىز؟

- نوتامەن ۇيرەنۋ – ول جانسىز زاتپەن تەڭ. وعان جان بىتىرەتىن ادام، ياعني ورىنداۋشى. ەگەر ورىنداۋشىنىڭ قۇلاعىندا ناعىز شەبەر كۇيشىنىڭ دىبىسى بولماسا، ونى كورمەسە، تىڭداماسا، وندا ول ونداي شەبەرلىككە دە ۇمتىلمايدى. قۇيما-قۇلاقتىق دەگەن – ۇستازدىڭ الدىندا تەك نوتامەن عانا ەمەس، سونىمەن قاتار سول شەبەرلىكتى دە قاتار ەستىپ، ۇيرەنۋ. نوتا شەبەرلىكتى ءدال ءتۇسىرىپ بەرە المايدى. قولدان ۇيرەتۋ ارقىلى عانا شاكىرتتى شەبەرلىككە تاربيەلەي الامىز.

-تۇڭعىش پرەزيدەنتىمىز 2018 جىلدان باستاپ شىلدەنىڭ ءبىرىنشى جەكسەنبىسى – دومبىرا كۇنى دەپ مەرەيىمىزدى اسىرىپ، قانشاما دومبىرا ارقالاعان تالانتتى جاستارعا دەمەۋ كورسەتتى. تەلەارنالاردا ازايىپ كەتكەن ۇلتتىق مۋزىكالىق جوبالار قايتا جاندانا باستادى. وسى جولدا مول تاجىريبەڭىزگە سۇيەنە كۇي ناسيحاتىنىڭ جۇيەلى دامۋىنا الىپ-قوسار ۇسىنىستارىڭىز بار ما؟

- ارينە، جاقسى باستاما بولعانى راس. ەل بولىپ، ەل ەڭسەسىن دومبىرامەن كوتەرمەگەندە نەمەن كوتەرەمىز؟! دەگەنمەن، ۇسىنىستارىم دا از ەمەس. ونىڭ ءبىرى – تەلەارنالارداعى كۇيگە قاتىستى تەلەسايىستاردا قايتا اينالىپ كەلە بەرەتىن كاسىبي ءبىلىمى بار، قالىپتاسقان دومبىراشىلاردىڭ تۇرلەرىن ەمەس، ەلىمىزدىڭ ءار قيىرىندا جۇرگەن تالانتتى، ءداستۇرلى ۇلگىدە ورىندايتىن جاس دومبىراشىلاردى جارىققا شىعارۋعا كۇش سالعانىن قالايمىن. ولاي دەيتىنىم، ەل ارالاپ ءجۇرىپ، ونداي بالالاردىڭ كوپ ەكەنىن بايقايمىن. سونىمەن قاتار، رەسپۋبليكامىزدا كۇي سايىستارى ەكى جىلدا نەمەسە ءۇش جىلدا ءبىر رەت وتسە دە قازاقتىڭ ءار ءوڭىرىنىڭ ايتۋلى كۇيشى-كومپوزيتورلارىن ۇلىقتاۋ ماقساتىندا مەملەكەتتىك دارەجەدە قولداۋ الىپ، بارلىق وڭىردە ءداستۇرلى تۇردە ءوتىپ تۇرسا دەپ ويلايمىن. سەبەبى، قازىرگى تاڭدا كۇيشىلەرگە بەلسەندى كوڭىل ءبولىپ، ءتىپتى قوماقتى قارجىلاي سىياقى دايىنداپ، دەمەۋ كورسەتىپ جاتقان اتىراۋ مەن اقتاۋ قالالارى ەكەنى جاسىرىن ەمەس. سوندىقتان، باسقا دا كۇيشىلىك مەكتەپتەرى قامتىلۋى كەرەك دەپ ەسەپتەيمىن. ءبىزدىڭ مىنا وليمپياداعا قولداۋ كورسەتىپ وتىرعان قازاقستان رەسپۋبليكاسى تۇڭعىش پرەزيدەنتى – ەلباسى قورىنىڭ ەلىمىزدەگى شىعارماشىل جاستارعا دەمەۋشىلىك جاساپ جۇرگەنىن بىلەمىز. الداعى ۋاقىتتا وسىنداي جوبالارعا دا قولداۋ بىلدىرەدى دەپ ءۇمىت ەتەمىز.

-ايگۇل ناريمانقىزى، قازاقتىڭ قارا دومبىراسىن ۇيرەتۋگە، ناسيحاتتاۋعا ءومىرىڭىزدى ارناپ، ەلىمىزگە ايانباي ەڭبەك ەتىپ كەلە جاتىرسىز دەسەم قاتەلەسپەيمىن. ءالى دە بەرەرىڭىز كوپ قوي، ءسوزسىز. دەگەنمەن، ورىندالماعان ارمانىڭىز بار ما؟ «شىركىن-اي» دەيتىن تۇستارىمەن بولىسەسىز بە؟

- جاستىعىمىز جالىنداپ تۇرعاندا ەلىمىزدە ءوتىپ جاتقان بارلىق يگى شارالارىندا توبە كورسەتىپ، كونتسەرتتەرىمىزدى بەرىپ جۇردىك. ءتىپتى، ءقازىردىڭ وزىندە دە ەل ارالاپ، ءار ءتۇرلى جاڭالىقتارىمىزبەن كونتسەرتتەرىمىزدى قويىپ جاتىرمىز. حالىق تىك تۇرىپ، قوشەمەتىن اياماي قولداپ جاتىر. ءبىراق، ءبىزدىڭ كەزدە كۇي ونەرىنىڭ ۇلكەن اۋقىمدا الەم جۇرتشىلىعىنىڭ الدىنا شىعۋىنا مۇمكىندىك بەرەتىن مامانداردى جولىقتىرمادىق. الەمدىك دەڭگەيدەگى دۇرىس مەنەدجمەنتتى قولدانعان كونتسەرت ۇيىمداستىرۋشىلارى ەلىمىزدە شىعا قويمادى. مۇمكىن، بولعان شىعار، ءبىراق ءبىزدىڭ ۇيىمداستىرعان كونتسەرتتەرىمىز ەلدەن ءارى اسا الماي، ناسيحاتتالماي قالىپ قوياتىن. ءبىز ءوز تاراپىمىزدان ورىنداۋشى رەتىندە فورماتى قىزىقتى كونتسەرتتەردى دايىنداپ، حالىق الدىنا ۇسىندىق. ال، ەندى ءىلىپ الىپ كەتەتىن ەلىمىزدىڭ «يۆەنت» ورتالىقتارى، مەنەدجەرلەرى تابىلا قويعان جوق. بۇگىنگى جاس ورىنداۋشىلارعا جاقسى مۇمكىندىكتەر كوپ. ەندى سونى ءتيىمدى پايدالانسا، الىسقا بارۋعا بولاتىنىن بايقايمىن.

-ايگۇل ناريمانقىزى، بۇگىنگى جاس دومبىراشىلارعا كەڭەس بەرىپ، سۇبەلى ويىڭىزبەن بولىسكەنىڭىز ءۇشىن العىس بىلدىرەمىز. دەنىڭىزگە ساۋلىق، شىعارماشىلىعىڭىزعا تابىس تىلەيمىن!

سۇحبات جۇرگىزگەن:

ەرجان جامەڭكەەۆ،

قۇرمانعازى اتىنداعى

قازاق ۇلتتىق كونسەرۆاتورياسىنىڭ

وقىتۋشىسى، PhD دوكتور


كەلۋ قاينارى: http://www.elarna.net/koru.php?tur=53&id=1046409

پىكىرلەر:

juz dep sifirmen jazingiz.