كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-1610728029 %71 %

جامبىل وبلىسىندا جىل باسىنان بەرى 25 براكونەر ۇستالعان


ءتۇرى: قازاقپارات جاڭالىقتارى

ۋاقىتى: 06:39 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.
جامبىل وبلىسىندا جىل باسىنان بەرى 25 براكونەر ۇستالعان

تاراز. قازاقپارات – جامبىل وبلىسىندا وتكەن جىلى زاڭسىز اڭ اۋلاۋعا قاتىستى 60 دەرەك تىركەلسە، اعىمداعى جىلدىڭ 8 ايىندا 25 براكونەر ۇستالعان، دەپ حابارلايدى قازاقپارات.

ۇقساس جاڭالىقتار
قىزىلوردادا كاسىپكەرگە شابۋىل جاساعان 6 كۇدىكتى ۇستالدى اناستاسيا گالەەۆانى ولتىرگەندەر 15 جانە 6 جىلعا سوتتالۋى مۇمكىن شىمكەنتتە تاپسىرىسپەن كىسى ولتىرگەن كۇدىكتى ۇستالدى

قورىقشىلار سوڭعى جىلدارى براكونەرلەردىڭ ازايعانىن ايتادى. دەگەنمەن، ءالى دە بولسا وڭاي ولجاعا كەنەلگىسى كەلەتىندەر جەتكىلىكتى. ماسەلەن، وتكەن جىلى زاڭسىز اڭ اۋلاۋعا قاتىستى 60 دەرەك تىركەلسە، سوڭعى 8 ايدا 25 براكونەر انىقتالعان. بۇل ورايدا ورمان شارۋاشىلىعى جانە جانۋارلار دۇنيەسى اۋماقتىق ينسپەكتسيا قىزمەتكەرلەرى قاسكويلەرمەن كۇرەس جۇرگىزۋدەگى ءبىرقاتار ءتۇيىندى ماسەلەلەردىڭ بارلىعىن ايتادى.

«اتادى دا، كولىكتەرىمەن قاشىپ كەتەدى. ارتىنان قۋىپ توقتاتۋعا ءبىزدىڭ قۇقىمىز جوق. سەس كورسەتەدى. مىلتىقپەن قورقىتاتىن جاعدايلار ورىن الادى. ويتكەنى ءبىزدىڭ قۇقىقتارىمىز ناقتى قارالماعان. مەملەكەتتىك قارۋدى پايدالانۋ جونىندە اڭشىلىق القاپتا بولسىن، باسقا جەردە بولسىن، براكونەرلەردى كەز كەلگەن ۋاقىتتا توقتاتۋ ماسەلەسى قۇقىق قورعاۋ ورگاندارى سەكىلدى سايكەستەندىرىلسە جۇمىسىمىز جەمىستى بولار ەدى»،- دەيدى وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ ءبولىم باسشىسى نۇرعالي نيازقۇلوۆ.

جالپى جامبىل وبلىسىندا اڭ-قۇستىڭ 17 ءتۇرىن اۋلاۋعا رۇقسات بار. ولاردىڭ جويىلىپ كەتپەۋى ءۇشىن ايماقتا كەشەندى شارالار جوسپارى بەكىتىلدى. ەندى قورىقشىلار براكونەرلەرگە قاتىستى زاڭنىڭ قاتاڭداتىلۋىن كۇتىپ وتىر.
ايتا كەتەيىك، ەلىمىز بويىنشا اشىلعان اڭ اۋلاۋدىڭ جاڭا ماۋسىمىنان باستاپ جامبىل وبلىسىنداعى اڭ شارۋاشىلىقتارى قورشاعان ورتانى قورعاۋدا وزگەشە تاسىلگە كوشىپ وتىر.

«مۇنداعى ماقسات – سوڭعى كەزدە جويىلىپ بارا جاتقان قۇستاردى، اڭداردى كوبەيتۋ. ەكىنشىدەن، دەمالاتىن ادامدارعا جاعداي جاساۋ. اڭ-قۇستىڭ كوپ بولعانىن قامتاماسىز ەتۋمەن اينالىسامىز. بۇل براكونەرلىكپەن كۇرەس جۇرگىزۋدىڭ ءبىر جولى. ءقازىر ارنايى ءتالىمباق قۇرىلىپ، مۇندا يتەلگى ءوسىرۋ جۇمىستارى باستالدى. قاناتى قاتقان قۇستاردىڭ 30 پايىزى ەركىندىككە جىبەرىلىپ وتىرادى. الداعى ۋاقىتتا شارۋاشىلىق وزگە دە اڭ-قۇس تۇرلەرىن ءوسىرۋدى قولعا الماقشى. ال، جەتىلگەننەن كەيىن اڭشىلارعا رۇقسات تەك جولدامامەن بەرىلەدى»، - دەيدى «جايلاۋكول» اڭ شارۋاشىلىعىنىڭ ديرەكتورى ەركىن وسپانوۆ.

«جايلاۋكول» - جامبىل وبلىسىنداعى اۋماعى جاعىنان ەڭ ۇلكەن شارۋاشىلىق. 210 مىڭ گەكتاردان استام جەردى الىپ جاتىر. اڭ اۋلاۋ ماۋسىمى باستالعالى شارۋاشىلىقتاعى 22 مامان قورشاعان ورتانى قورعاۋعا بار كۇشتەرىن سالۋدا. شارۋاشىلىق باسشىسى ايتقانداي، مۇندا اڭ-قۇستى قورعاپ عانا قويماي، كوبەيتۋ ماسەلەسى دە مىقتاپ قولعا الىنعان.


كەلۋ قاينارى: http://www.elarna.net/koru.php?tur=3&id=1046408

پىكىرلەر:

juz dep sifirmen jazingiz.