كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-207372465279 %21 %

ءماجىلىس اكىمشىلىك راسىمدىك-پروتسەستىك كودەكسىنىڭ جوباسىمەن تانىستى - قازاقستان جانە الەمدەگى سوڭعى جاڭالىقتار


ءتۇرى: 24.kz اقپاراتتارى

ۋاقىتى: 03:00 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.



بۇگىن ءماجىلىس اكىمشىلىك راسىمدىك-پروتسەستىك كودەكسىنىڭ جوباسىمەن تانىستى، دەپ حابارلايدى «حابار 24».

مەملەكەتتىك ورگانداردىڭ شەشىمى مەن ارەكەتىنە قاتىستى داۋ تۋىنداعان جاعدايدا ازاماتتاردىڭ قۇقى بيلىك تاراپىمەن تەڭ دەڭگەيدە قورعالۋى ءتيىس.

بۇل تۋرالى مەملەكەت باسشىسى جۋىردا حالىققا جولداۋىندا تاپسىردى. بۇگىن ماجىلىستە ارنايى زاڭ جوباسىن تالقىلاۋعا ۇلتتىق قوعامدىق سەنىم كەڭەسىنىڭ مۇشەلەرى، زاڭگەرلەر مەن قوعامدىق بىرلەستىك وكىلدەرى دە شاقىرىلعان.

ادام قۇقى، ازاماتتاردىڭ قاۋىپسىزدىگى - زاڭ ۇستەمدىك قۇرعان، ساياسي تولىسىپ جەتىلگەن مەملەكەتتە تولىق قورعالۋى ءتيىس. پرەزيدەنت تاپسىرماسىن ورىنداۋ ءۇشىن جوعارعى سوت پەن ادىلەت مينيسترلىگى اكىمشىلىك راسىمدىك-پروتسەستىك كودەكس جوباسىن ازىرلەدى.

ناتاليا پان، قر ادىلەت ءمينيسترىنىڭ ورىنباسارى:

- كودەكس قابىلدانسا، قوعامنىڭ باسقارۋ شەشىمدەرىنە بەلسەنە قاتىسۋ كەپىلدىگىن بەكىتەدى. بيلىك ورگاندارىمەن ارادا داۋ تۋىنداسا، ازاماتتاردىڭ قۇقىن ءتيىمدى قورعاۋ مەحانيزمدەرى ورناتىلادى.

سەبەبى ءقازىر كوپ جاعدايدا داۋ كەزىندە كاسىبي، بىلىكتى زاڭگەرلەرى بار مەملەكەتتىك ورگاندارمەن تەكەتىرەستە قاراپايىم ازامات جەڭىلىس تابادى. «جوبا تەڭدىك اكەلەدى»، - دەيدى دەپۋتاتتار.

بالايىم كەسەباەۆا، قر پارلامەنتى ءماجىلىسىنىڭ دەپۋتاتى:

- ءبىر جاعىندا مەملەكەتتىك ورگان، مەملەكەتتىك اپپارات تۇراتىن بولسا، ەكىنشى جاعىندا قاراپايىم ازامات. ول ءوزىنىڭ ءبىلىم دەڭگەيىنىڭ ارقاسىندا، ءوزىنىڭ مۇمكىندىگىنىڭ ارقاسىندا ءوزىنىڭ شىندىعىن دالەلدەۋ ءۇشىن ونىڭ مۇمكىندىگى از بولاتىن. ال قازىرگى جاڭا كودەكس تالاپتارىنا سايكەس بيلىك ورگانىنىڭ ونىڭ كىنالىلىگى پرەزۋمتسيالاناتىن بولادى.

ماجىلىسكە ادەتتەگىدەي حالىققا قاجەتتى جوبانى تالقىلاۋعا قوعام بەلسەندىلەرى، تاۋەلسىز ساراپشىلار مەن زاڭگەرلەردى شاقىرىلدى. سەبەبى قوعام اتىنان ولار جۇمىس توبىنا ءوز ۇسىنىستارىن جەتكىزە الادى.

ايدوس سارىم، ساياساتتانۋشى، قوعام بەلسەندىسى:

- قاتىسىپ، ءوز پىكىرىمدى ايتۋعا دايىنمىن، ەڭ باستى ماسەلە – وسىنىڭ ءبارىن دالەلدەپ شىقسا. ادامنىڭ قۇقىعى، ءومىرى ەڭ باستى قۇندىلىق، پرينتسيپ بولىپ تابىلادى دەدى. «سۋديالارىمىز وتە بەلسەندى بولۋ كەرەك» دەيدى، «قاراپ وتىرماۋ كەرەك، مەملكەتتىك ورگاننىڭ ىقپالىنا تۇسپەۋ كەرەك»، دەيدى. «ياعني ازاماتتاردىڭ قۇقىعىن قورعاۋى ءتيىس» دەيدى.

سوت بۇگىنگە دەيىن تەك تاراپتار شاما-شارقىنشا جەتكىزگەن دالەلدەرگە سۇيەنىپ، ۇكىم شىعارىپ كەلسە، ەندى جاڭا جوبادا سۋديانىڭ ءوزى دالەل-دايەك ءوزى جيناۋعا قۇقىلى. تاعى ءبىر وزگەرىس.

زاڭ نەگىزىندە ازامات سوتقا دەيىن بيلىك ورگانىنا شاعىمدانا الادى. ال مەملەكەتتىك مەكەمە ارىزدانۋشىنى شەشىم شىعارۋ پروتسەسىنە تولىق قاتىستىرۋعا مىندەتتى.

قانات مۋسين، قر پارلامەنتى ءماجىلىسىنىڭ دەپۋتاتى:

- سۋديالاردىڭ مۇمكىندىگى كەڭەيەتىن بولدى. بۇل جوبا ازامات پەن مەملەكەتتىڭ اراسىنداعى قارىم-قاتىناستىڭ جاڭا پاراديگماسىن قۇرادى. قازىرگى زاڭدا قاراپايىم جان بيلىك شەشىمىمەن كەلىسپەسە، سەبەبىن، دالەلىن اكەلۋگە مىندەتتى بولسا، جاڭا قۇجاتتا ارىزدانعان ادامنىڭ ارەكەتى الدىن الا دۇرىس دەپ تانىلىپ، مەملەكەتتىك ورگان ءوزىنىڭ كىناسىزدىگىن دالەلدەۋگە مىندەتتى بولادى.

زاڭ جوباسى جۇمىس توپتارىندا ءالى تالاي تالقىلانادى. ازاماتتىق قوعامنىڭ دا بارلىق ۇسىنىستارى ەسكەرىلەدى.

اۆتورلارى: ينديرا جىلقايداروۆا، ايبىن قۇسانبەكوۆ


كەلۋ قاينارى: http://www.elarna.net/koru.php?tur=38&id=1046389

پىكىرلەر:

juz dep sifirmen jazingiz.