كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-207812476778 %22 %

«حابار» ۇجىمى ليتۆاعا اتتانىپ بارا جاتقان فۋتبول كومانداسىن شىعارىپ سالدى - قازاقستان جانە الەمدەگى سوڭعى جاڭا


ءتۇرى: 24.kz اقپاراتتارى

ۋاقىتى: 02:30 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.
«حابار» ۇجىمى ليتۆاعا اتتانىپ بارا جاتقان فۋتبول كومانداسىن شىعارىپ سالدى


قازاقستاندىق كوماندا العاش رەت فۋتبولدان جۋرناليستەر اراسىنداعى الەم چەمپيوناتىنا قاتىسادى، دەپ حابارلايدى «حابار 24».

يا، الادوپ الامانىنىڭ وسىنداي دا ءتۇرى بار جانە بۇل باسكەكەگە ەلىمىزدىڭ اتىنان «حابار» قۇراماسى اتتانباق. بۇگىن ەلوردادا جەرلەستەرىمىزدىڭ جارىسقا سوڭعى دايىندىقتارى پىسىقتالىپ، رەسمي شىعارىپ سالۋ ءراسىمى ءوتتى.

ادەتتە فۋتبولشى مەن ءتىلشى دەگەن بىر-بىرىنە مۇلدە قاتىسى جوق، ءارقايسىسى ءوز سالاسىنىڭ ماماندارى سياقتى.

باستارى تەك ماڭىزدى ماچتار مەن ءباسپاسوز ءماسليحاتتارىندا عانا قوسىلماسا. ال، «حابار» اگەنتتىگىندە بۇل ۇعىمدار الدەقاشان ءبىرتۇتاس بولىپ كەتكەن. ياعني، 24 جىلدىق تاريحىندا ارنانىڭ اياقدوپشىلارى باعىندىرماعان بيىك قالمادى. جۋرناليستەر اراسىنداعى ليگانىڭ 6 دۇركىن چەمپيونى، پرەزيدەنت كۋبوگىنا ارنالعان جارىستىڭ جەڭىمپازى جانە تاعىسىن تاعى سولاي كەتە بەرەدى. ءتىپتى «حابار كاپ» دەگەن اتاۋىمەن وزىندىك تۋرنير ۇيىمداستىرىپ، جىلىنا ءبىر رەت ءوڭىر تىلشىلەرىنىڭ باسىن قوسىپ تۇرادى. وسىنى ەسكەرگەن حالىقارالىق ماماندار بىرەر اي بۇرىن الەم چەمپيوناتىنا ارنايى شاقىرتۋ جىبەردى.

رينات كەرتاەۆ، «حابار» اگەنتتىگى» اق باسقارما ءتوراعاسىنىڭ ءبىرىنشى ورىنباسارى:

- 25 ەل قاتىسادى. كوبىسى ەۋروپانىڭ مەن دەگەن مىقتى مەملەكەتتەرى. ءبىزدىڭ كوماندا ۇيىمداستىرۋشىلار تاراپىنان، ءسىم ارنايى شاقىرۋ الىپ، بۇيىرسا، ليتۆاعا اتتانىپ بارا جاتىر. ءبىز ويلايمىز، ەلدىڭ نامىسىن قورعاۋ ءۇشىن بارا جاتقان قۇراما كوماندا تەك «حاباردىڭ» عانا ەمەس، تاۋەلسىز قازاق ەلىنىڭ اتىن شىعارىپ، ۇلكەن جۇلدەمەن ورالادى دەگەن سەنىمدەمىز.

يا، بيىلعى باسەكە ليتۆا تورىندە وتەدى. اتى جۋرناليستەر اراسىنداعى بولعانىمەن، زاتى كاسىپقوي فۋتبولدان كەم ەمەس. سوندىقتان جەرلەستەرىمىز وعان قىزۋ دايىندالىپ جاتىر. اپتاسىنا ەكى رەت ارنايى جاتتىعۋ وتكىزەدى. وعان قوسا، ءارتۇرلى ليگانىڭ ويىندارىنا قاتىسىپ، شەبەرلىكتەرىن شىڭداپ تۇرادى.

نۇرسۇلتان قۇرمان، «حابار» كومانداسىنىڭ كاپيتانى:

ارينە، بارلىق كوماندا دايىن كەلەدى. وقۋ-جاتتىعۋ جيىندارىن وتكىزىپ جاتقانىن كەيبىر كوماندالاردىڭ الەۋمەتتىك جەلىلەردەن كورىپ جاتىرمىز. فيزيكالىق تۇرعىدا دايىن كەلەدى. بۇل جەردە پسيحولوگيا مەن تاكتيكا شەشەدى دەپ ويلايمىن. كىمنىڭ پسيحولوگياسى مەن تاكتيكالىق تۇرعىدا دايىندىعى مىقتى بولسا، سول مىندەتتى تۇردە جەڭىسكە جەتەدى.

پسيحولوگيالىق دايىندىق دەمەكشى، «حابار» اگەنتتىگىنىڭ ۇجىمى بۇگىن الەمدىك الامانعا اتتانىپ بارا جاتقاندارعا بارىنشا قولداۋ كورسەتتى. سالتاناتتى شارا ۇيىمداستىرىپ، ۇزدىكتەرىنە ارنايى سىيلىق تابىستادى. اگەنتتىك باسشىلىعى مەن اقپارات جانە قوعامدىق دامۋ مينيسترلىگى جان-جاقتى دەمەۋ جاسايتىندارىن جەتكىزدى.

ازيز ءجۇمادىل، سپورت ساراپشىسى:

- «حابار» فۋتبولشىلارىن تەك استانالىق جۋرناليستەر ەمەس، تەك قانا باق ليگا ەمەس، بۇكىل قازاقستاندىق جۋرناليستەر ۇلكەن ۇمىتپەن شىعارىپ سالىپ جاتىر. قۇرامىندا بەلدى، بەلسەندى جۋرناليستەر بار. بارشا مەديا قاۋىمداستىعىنىڭ سەنىمدەرىن ارقالاپ بارا جاتىر.

ايتا كەتەيىك، الەمدىك الامان 13 قىركۇيەكتە باستالادى. وعان دەيىن جەرلەستەرىمىز ليتۆادا بىرەر جاتتىعۋ وتكىزىپ، جەرەبە تارتۋ راسىمىنە قاتىسادى. ال، جارىستىڭ جالپى قورىتىندىسى 16 قىركۇيەكتە بەلگىلى بولادى.

اۆتورلارى: اسلان قاجەنوۆ، ءادىلعازى تولەمىس


كەلۋ قاينارى: http://www.elarna.net/koru.php?tur=38&id=1046385

پىكىرلەر:

juz dep sifirmen jazingiz.