كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-207372465279 %21 %

مەملەكەت تاراپىنان 18 فيلم قارجىلاندىرىلادى


ءتۇرى: قازاقپارات جاڭالىقتارى

ۋاقىتى: 01:42 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.

نۇر-سۇلتان. قازاقپارات - قر مادەنيەت جانە سپورت مينيسترلىگى مەملەكەت تاراپىنان وندىرىسىنە قارجىلىق قولداۋعا يە بولعان كينوجوبالاردىڭ ءتىزىمىن ماقۇلدادى، دەپ حابارلايدى قازاقپارات ۇلتتىق كينونى قولداۋ مەملەكەتتىك ورتالىعىنا سىلتەمە جاساپ.

ۇقساس جاڭالىقتار
ايسۇلتان سەيىتوۆ تۇسىرگەن كليپ MTV Video Music Awards سىيلىعىنا ۇسىنىلدى قازاقستاندىق فيلم ءۇندىستانداعى كينوفەستيۆالدە ۇزدىك اتاندى گولليۆۋد قازاقستاندا كينو تۇسىرمەكشى

ەستەرىڭىزگە سالا كەتەيىك، 2019 جىلدىڭ 28 تامىزىندا نۇر-سۇلتان قالاسىندا ۇلتتىق فيلمدەردى مەملەكەتتىك قارجىلىق قولداۋ ماسەلەلەرى جونىندەگى ۆەدومستۆوارالىق كوميسسيانىڭ وتىرىسى ءوتتى. وتىرىستا ۇلتتىق كينونى قولداۋ مەملەكەتتىك ورتالىعى ۇيىمداستىرعان ءبىرىنشى ىرىكتەۋ بايقاۋىنىڭ قورىتىندىسى جاسالدى.

ۆەدومستۆوارالىق كوميسسيانىڭ قۇرامىنا قر پارلامەنتىنىڭ دەپۋتاتتارى، اقپارات جانە قوعامدىق دامۋ، ءبىلىم جانە عىلىم، سىرتقى ىستەر، قارجى، ۇلتتىق ەكونوميكا مينيسترلىكتەرىنىڭ، قازاقستاندىق سالالىق مادەنيەت، سپورت، تۋريزم جانە اقپارات قىزمەتكەرلەرىنىڭ كاسىپتىك وداعىنىڭ وكىلدەرى كىرەدى.

وتىرىس بارىسىندا وندىرىسىنە قارجىلىق قولداۋ ءبىلدىرۋ ءۇشىن ۇلتتىق كينونى قولداۋ مەملەكەتتىك ورتالىعىنىڭ ساراپتاما كەڭەسى ماقۇلداعان 60 كينوجوبا تۋرالى اقپارات تىڭدالدى. اتالعان تىزىمدەگى كينوجوبالار - ۇلتتىق فيلم ستاتۋسى تالابىنا ساي كەلەتىن، ونىڭ ىشىندە، ۇلتتىڭ رۋحاني قاجەتتىلىكتەرىن قاناعاتتاندىراتىن جوعارى كوركەمدىك دەڭگەيلى، مەملەكەتتىڭ ۇستانىمىنا ساي كەلەتىن جانە ونىڭ كينو ونەرى ارقىلى تانىمالدىلىعىنا ىقپال ەتەتىن تۋىندىلار. سونىمەن قاتار، ماڭىزدى اسپەكتىلەردىڭ ءبىرى - كينو قازاقستاندا ءتۇسىرىلۋى قاجەت، سونىمەن قاتار وتاندىق كينوكومپانيالار باسقا ەلدەرمەن بىرلەسە دە تۇسىرە الادى.

وتىرىس ناتيجەسىندە 12 الەۋمەتتىك ماڭىزى بار فيلم ىرىكتەلدى. ولار «اللايا نيت سۋدبى»، «ۆوزۆراششەنيە ۋچيتەليا» جانە «تۋركەستان – ۆچەرا، سەگودنيا، زاۆترا» دەرەكتى ءفيلمى مەن «بوكسەر»، «ۆرەميا پاتريوتوۆ»، «ۆىبور»، «جيزن»، «قاجىمۇقان»، «وبۋچەنيە ادەموكي»، «نا ستارتە»، «تىرنالار»، «حاردكور» كوركەم كينوجوبالارى. سونىمەن قاتار، كوميسسيا مۇشەلەرى «وگون» دەبيۋتتىك ءفيلمىن، «اقىن» جانە «سلەپايا ليۋبوۆ» بىرلەسكەن كينوجوبالارى مەن «كانيكۋلى وففلاين-2»، «نارتاي»، «سپاسەنيە ۆ ستەپي» كوپشىلىك كورەرمەن اۋديتورياسىنا ارنالعان فيلمدەرىن تاڭدادى.

ماقۇلدانعان كينوجوبالار مادەنيەت جانە سپورت مينيسترلىگىنىڭ ۇلتتىق فيلمدەر ءوندىرىسىنىڭ تاقىرىپتىق جوسپارىنا ەنىپ، ءبىرىڭعاي وپەراتور – ۇلتتىق كينونى قولداۋ مەملەكەتتىك ورتالىعى ارقىلى بيىل مەملەكەت تاراپىنان قارجىلاندىرىلاتىن بولادى.


كەلۋ قاينارى: http://www.elarna.net/koru.php?tur=3&id=1046380

پىكىرلەر:

juz dep sifirmen jazingiz.