كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-207372465279 %21 %

شۋ اۋدانىندا 100 مەگاۆاتتىق كۇن ەلەكتر ستانتسياسى سالىنۋدا


ءتۇرى: قازاقپارات جاڭالىقتارى

ۋاقىتى: 01:21 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.
شۋ اۋدانىندا 100 مەگاۆاتتىق كۇن ەلەكتر ستانتسياسى سالىنۋدا

شۋ اۋدانى. قازاقپارات – جامبىل وبلىسىنىڭ شۋ اۋدانىندا الىپ كۇن ەلەكتر ستانتسياسى سالىنىپ جاتىر، دەپ حابارلايدى قازاقپارات.

ۇقساس جاڭالىقتار
قازاقستان وزبەكستانعا ەلەكتر ەنەرگياسىن ەكسپورتتاۋدا «استاناەنەرگوسەرۆيس» 20 جىل بويى حالىقتان نەگىزسىز تولەم الىپ كەلگەن – دەپۋتات قازاقستاندا قاڭتار-شىلدە ايلارىندا ساعاتىنا 61،3 ملرد كۆت ەلەكتر قۋاتى ءوندىرىلدى

يننوۆاتسيالىق جوبانىڭ قۋاتى – 100 مەگاۆاتت. ونى جۇزەگە اسىرۋعا ينۆەستورلار تارتىلدى. جاڭا جوبا ەلىمىزدىڭ وڭتۇستىك وڭىرلەرىندەگى ەلەكتر ەنەرگيا تاپشىلىعىن جويۋعا مۇمكىندىك بەرەدى. قازىرگى تاڭدا قۇرىلىس جۇمىستارىنىڭ 70 پايىزى اياقتالدى. ىسكە قوسىلعان كەزدە بۇل وڭىردەگى ەڭ قۋاتتى كۇن ەلەكتر ستانتسيالارىنىڭ ءبىرى بولماق.

جوبانىڭ جالپى قۇنى 61 ميلليارد تەڭگەنى قۇرايدى. اۋماعى 500 گەكتار جەرگە ورنالاسقان. ستانتسيا قۇرىلىسى اۋداننىڭ العا اۋىلدىق وكرۋگىندە جۇرگىزىلۋدە. بۇگىندە وندا 60 جەرگىلىكتى تۇرعىن جۇمىس ىستەۋدە. ىسكە قوسىلعاندا تاعى 20 ادام جۇمىسقا تارتىلماق. مامانداردىڭ ايتۋىنشا، ستانتسيا كولەمى شۋ سەكىلدى 4 اۋداندى ەلەكتر ەنەرگياسىمەن تۇراقتى قامتاماسىز ەتۋگە قاۋقارلى بولماق.

«ونىمدىلىگى جوعارى. تولىقتاي اۆتوماتتاندىرىلعان جۇيەدە جۇمىس ىستەيدى. جەل، قار سياقتى تابيعي قۇبىلىستاردان ءوزىن قورعاي الادى. ءقازىر ەڭ كۇردەلى جۇمىستار اياقتالدى. تەك مودۋلدەردى ورناتۋ عانا قالىپ وتىر. بارلىق جەلى جەر استىمەن جۇرگىزىلگەن. 25 جىلعا دەيىن ۇزدىكسىز قىزمەت ەتەدى. جىل سوڭىنا دەيىن ىسكە قوسامىز. سوڭعى ۇلگىدەگى قوندىرعىلار ەۋروپا، اقش جانە قىتايدان اكەلىنگەن. ءقازىر ولاردى ورناتۋ جۇمىستارى قارقىندى ءجۇرىپ جاتىر. وعان 250 ادام تارتىلعان. جوبانىڭ ەرەكشەلىگى ارنايى تاقتايشالار تاڭ اتقاننان باستاپ كۇن باتقانعا دەيىن كۇنمەن بىرگە اينالىپ تۇرادى. بۇل ونىمدىلىكتى بىرنەشە ەسە ارتتىرۋعا مۇمكىندىك بەرەدى. مۇندا 350 مىڭنان استام كۇننەن قۋات وندىرەتىن مودۋلدەر ورناتىلادى»،-دەيدى جوبا جەتەكشىسى دجوردج دياب.

ايتا كەتەيىك، جامبىل وبلىسى بالامالى ەنەرگيا كوزدەرىن پايدالانۋ جاعىنان كوش باستاپ تۇر. ەلىمىزدە جاڭارتىلعان ەنەرگيا كوزدەرىنەن قۋات وندىرەتىن 59 نىسان بولسا، ونىڭ 43 پايىزى اۋليەاتا وڭىرىندە ىسكە اسىرىلىپ جاتىر. ءقازىر ايماقتا كۇننەن، سۋدان، جەلدەن قۋات وندىرەتىن 10 ستانتسيا تۇراقتى جۇمىس ىستەيدى. بۇل نىسانداردا وندىرىلگەن قۋات وبلىس تۇتىنىپ وتىرعان ەنەرگيانىڭ 36 پايىزىن قامتۋعا جەتكىلىكتى. ال، 2023 جىلعا دەيىن تاعى 25 جوبانى ىسكە اسىرۋ كوزدەلىپ وتىر.


كەلۋ قاينارى: http://www.elarna.net/koru.php?tur=3&id=1046377

پىكىرلەر:

juz dep sifirmen jazingiz.