كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-207372465279 %21 %

اقش-تاعى 50 شتاتتىڭ پروكۋرورلارى Google-عا قارسى اۋقىمدى تەرگەۋ باستادى - قازاقستان جانە الەمدەگى سوڭعى جاڭالى


ءتۇرى: 24.kz اقپاراتتارى

ۋاقىتى: 01:00 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.



وسى اقپارات سالاسىنداعى ەڭ اۋقىمدى ينتەرنەت-كونتسەرن سانالاتىن Google قانشالىقتى مونوپوليست؟

وز قىزمەتىن جەتىلدىرەم دەپ وزگەنىڭ قۇقىن بۇزىپ جۇرگەن جوق پا؟ وسىنداي كۇدىكپەن امەريكالىق 50 شتاتتىڭ پروكۋرورلارى بىرىگىپ، كومپانياعا قاتىستى اۋقىمدى تەرگەۋ باستادى. بۇعان دەيىن ءدال وسىنداي ءىس Facebook-قا قارسى قوزعالعان ەدى. ال، بىرنەشە كۇن بۇرىن Alphabet-قا تيەسىلى Google مەن YouTube-قا 170 ميلليون دوللار كولەمىندە ايىپپۇل سالىندى. ادامنىڭ قولىن ۇزارتىپ، قىزىعىنا ەلىتكەن عالامتور فۋنكتسيالارى بيلىككە نەسىمەن جاقپاي قالدى؟

پروكۋرورلاردىڭ ايتۋىنشا، ونلاين-جارناما نارىعىندا ءقازىر ءدال وسى Google ۇستەمدىككە يە. بۇل وزگە كومپانيالاردىڭ دامۋىن تەجەپ، تۇتىنۋشىلار ءۇشىن ءتاريفتىڭ قىمباتتاۋىنا اكەلۋى مۇمكىن. ودان بولەك، «ينتەرنەت-كونتسەرندەر سايلاۋعا ارالاستى» دەگەن كۇدىك تاعى بار.

اقش-تىڭ 50-گە جۋىق شتاتى بىرىگىپ، Google نارىقتا مونوپوليا ورناتتى دەگەن كۇدىكپەن اۋقىمدى تەرگەۋ جۇمىستارىن باستادى. بۇل تۋرالى ۆاشينگتونداعى جوعارعى سوت عيماراتىنىڭ جانىندا تەحاستىڭ باس پروكۋرورى كەن پەكستون مالىمدەدى. ونىڭ ايتۋىنشا، تەرگەۋ تاۋەلسىز رەجيمدە وتەدى. باستى سەبەپ – كومپانيا ءوز قىزمەتتەرىن ۇسىنۋ كەزىندە زاڭسىز ارەكەتتەرگە بارۋى مۇمكىن دەگەن كۇدىكتەر.

كەن پەكستون، تەحاس شتاتىنىڭ باس پروكۋرورى:

- بۇل قىلمىستىق قۋدالاۋ ەمەس. كەرىسىنشە، ناقتى دالەلدەر تابۋعا ارنالعان تەرگەۋ. ءقازىر جارناما سالاسى بويىنشا زەرتتەۋلەر جۇرگىزىپ جاتىرمىز. ءاربىر مينۋت سايىن عالامتوردا 3،8 ملن ىزدەۋ وپەراتسياسى جۇزەگە اسىرىلادى ەكەن. ونىڭ باسىم بولىگى وسى ءGoogle-دىڭ باقىلاۋىنداعىلار. سوندىقتان تەرگەۋدە ايعاقتار تابىلسا، تيىسىنشە شەشىم شىعارامىز.

سونداي-اق پروكۋروردىڭ ايتۋىنشا، كوپتەگەن تۇتىنۋشىلار ءGoogle-دىڭ قىزمەتى تەگىن دەپ ويلايدى. ءبىراق كومپانيانىڭ جىلدىق تابىسى 117 ملرد دوللار ەكەنىن ەسكەرسەك، مۇندا ەشقانداي دا تەگىن دۇنيە جوق. شىنىندا Google قۇلاشىن كەڭگە جايعان. عالامتورداعى جارناما، ىزدەستىرۋ جۇمىستارى، ساتىپ الۋ مەن ساتۋعا باعىتتالعان وتىنىمدەر، ءتىپتى ۆيدەوپلاتفورمالار دا وعان تيەسىلى.

ۆيدەوپلاتفورما دەمەكشى، وسىدان بىرنەشە كۇن بۇرىن عانا اقش-تىڭ فەدەرالدى ساۋدا كوميسسياسى Google مەن YouTube-قا 170 ميلليون دوللار كولەمىندە ايىپپۇل سالدى. سەبەبى بۇعان دەيىن كومپانيا اتا-انا رۇقساتىنسىز بالالاردىڭ جەكە مالىمەتتەرىن جيناپ، ۆيدەو كورۋ كەزىندە ماقساتتى جارنامالار كورسەتىپ كەلگەن. بۇل جاڭالىقتىڭ دا پروكۋرورلار شەشىمىنە اسەر ەتكەنى ايدان انىق. ويتكەنى جىل وتكەن سايىن Google سىندى IT-كومپانيالار ادامزاتتىڭ كۇندەلىكتى ومىرىندە ايتارلىقتاي ءرول اتقارادى. «سوندىقتان مۇنداي ىقپال ءاردايىم قوعامدىق باقىلاۋدا بولۋى كەرەك»، - دەيدى ماماندار.

شون رەيس، يۋتا شتاتىنىڭ باس پروكۋرورى:

- بارلىق شتات ءبىراۋىزدان اۋقىمدى كومپانيالاردىڭ جۇمىسىن تەكسەرۋگە بەكىنىپ وتىر. ويتكەنى ءGoogle-دىڭ نارىقتا ۇستەمدىگى تىم ارتىپ كەتتى. باسقا كومپانيالار بۇدان زارداپ شەگۋى مۇمكىن. سونداي-اق ءاربىر تۇتىنۋشىنىڭ قۇقىعىن قورعاۋ باستى ماقساتىمىز. ءقازىر ولاردىڭ جەكە مالىمەتتەرى ءتۇرلى ماقساتتا قولدانىلىپ ءجۇرۋى - زاڭسىز ارەكەتتەر.

بۇل اۋقىمدى تەرگەۋ جۇمىستارىنا كاليفورنيا جانە الاباما شتاتتارىنىڭ بيلىگى عانا قاتىسپاعان. سەبەبى ولار ءدال وسىنداي تەكسەرىس جۇمىستارىن Facebook-كە قارسى جۇرگىزىپ جاتىر. يا، بۇل ينتەرنەت-كورپاراتسيا دا سىن ساداعىنىڭ استىندا ءقازىر. سەبەبى جاقىن كۇدەرى 419 ملن باعدارلاما قولدانۋشىلارىنىڭ تەلەفون نومىرلەرى جەلىگە رۇقساتسىز تاراپ كەتكەن. بۇگىندە باس پروكۋراتۋرا الەۋمەتتىك جەلى اكىمشىلىگىنىڭ قاتەلىگىنەن جەكە مالىمەتتەرگە ءقاۋىپتىڭ كەلگەن-كەلمەگەنىن انىقتاپ جاتىر. بۇل تىزىمدە قازاقستاندىق Facebook قولدانۋشىلارىنىڭ جەكە مالىمەتتەرى بار-جوعى بەلگىسىز.

ارمان ءابدىراسىلوۆ، كيبەرشابۋىلداردى تالداۋ جانە تەرگەۋ ورتالىعىنىڭ ديرەكتورى:

- جىلدان جىلعا ادامداردىڭ جەكە مالىمەتى تۋرالى اقپاراتتار قىمباتتاپ بارادى. ءتىپتى ءقازىر ول جاڭا عاسىردىڭ مۇنايى دەپ اتالادى. سول سەبەپتى دە، ءاربىر جەردەن، ءاربىر تەحنولوگيادان جينالىپ جاتىر. ونىڭ ىشىندە ۇيالى تەلەفونىمىز بار جانە ءتۇرلى جەلىلەرگە تىركەلۋ بار. مىسالى، بۇعان دەيىن «كەمبريدج اناليتيكا» Facebook كومپانياسىنان ازامتتاردىڭ جەكە مالىمەتتەرىن ساتىپ الىپ، اقش-تاعى سايلاۋ قورىتىندىسىن وزگەرتۋ ءۇشىن قولدانعان. ءقازىر باعالاۋ مەتودولوگياسى بويىنشا ءبىر ادامنىڭ جەكە مالىمەتى ايلىق تابىسىنىڭ ء10%-ىن قۇرايدى. سوندىقتان جەكە اقپارات دەگەن قازىرگى زاماندا كادىمگى بيزنەسكە اينالدى.

 

Google مەن Facebook-كە قارسى رەسەي دە تەرگەۋ باستاۋى مۇمكىن

Facebook-كە قاتىستى ءدال وسىنداي داۋ رەسەيدە دە تۋىندادى. بۇل داۋدىڭ ىشىندە Google دە بار. سوڭعى اقپارلار بويىنشا وسى ەكى ينتەرنەت-كونتسەرن رەسەيدە 8 قىركۇيەك كۇنى وتكەن سايلاۋ ۇدەرىسىنە ارالاسقان. ەندى ماسكەۋدىڭ مەملەكەتتىك دۋماسى دا Google مەن Facebook-كە قاتىستى تەرگەۋ جۇمىستارىن باستاۋى مۇمكىن.

ۆاديم امپەلونسكي، بايلانىس، اقپاراتتىق تەحنولوگيالار  جانە بۇقارالىق كوممۋنيكاتسيالاردى قاداعالاۋ فەدەرالدى قىزمەتىنىڭ ءباسپاسوز حاتشىسى:

- رەسەيدە وتكەن سايلاۋ كەزىندە Google، Facebook جانە YouTube كومپانيالارىنىڭ ساياسي جارنامالاردى تاراتقانى انىقتالدى. بۇل ارەكەتتى مەملەكەتتىڭ ىشكى جاعدايىنا ارالاسۋ دەپ باعالاپ وتىرمىز. شەتەلدىك كومپانيا وسىلايشا، رەسەي فەدەراتسياسىنداعى سايلاۋدىڭ دەموكراتيالىق تۇردە وتۋىنە كەدەرگى كەلتىرۋى مۇمكىن. بۇل زاڭبۇزۋشىلىق ارەكەتتەر تۋرالى مالىمەتتەردى پارلامەنتتىك كوميسسياعا تاپسىرامىز.

ساراپشىلاردىڭ ايتۋىنشا، مۇنداي جاپپاي تەكسەرۋلەر دونالد ترامپتىڭ تاپسىرماسى-مىس. ويتكەنى اق ءۇي باسشىسى بۇعان دەيىن Twitter، Google مەن ءFacebook-تىڭ جۇمىسىنا كوڭىلى تولمايتىنىن ايتىپ قالعان. سونداي-اق امەريكالىق بيلىك وكىلدەرى وسى سىندى تەرگەۋدى Amazon مەن Apple-گە قاتىستى دا جۇرگىزۋى مۇمكىن.

بۇعان دەيىن ءApple-دىڭ iPhone تەلەفوندارىنداعى Siri باعدارلاماسى تۇتىنۋشىلاردىڭ داۋىسىن جازىپ، اڭگىمەسىن تىڭداپ كەلگەنى انىقتالعان. تەرگەۋ جۇمىستارى وسىعان بايلانىستى ءوربۋى مۇمكىن.


كەلۋ قاينارى: http://www.elarna.net/koru.php?tur=38&id=1046375

پىكىرلەر:

juz dep sifirmen jazingiz.