كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-16729217039 %61 %

جامبىل وبلىسى بەلباسار اۋىلىندا حالىقارالىق دەڭگەيدەگى سپورت كەشەنى سالىنىپ جاتىر - قازاقستان جانە الەمدەگى سو


ءتۇرى: 24.kz اقپاراتتارى

ۋاقىتى: 00:30 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.



بەلباسار اۋىلىندا حالىقارالىق دەڭگەيدەگى الىپ سپورت كەشەنى بوي كوتەردى.

جامبىل وبلىسىنىڭ شۋ اۋدانىنداعى نىساندى وسى ەلدى مەكەندە تۋىپ وسكەن ازاماتتار قور قۇرىپ، جينالعان قارجىعا سالىپ جاتىر، دەپ حابارلايدى «حابار 24».

جوبا «رۋحاني جاڭعىرۋ» باعدارلاماسى اياسىندا قولعا الىنعان. ءقازىر قۇرىلىس جۇمىستارىنىڭ ء80%-ى اياقتالىپ، پايدالانۋعا بەرۋگە تاياۋ تۇر.

بىرجان ەرتاي كەشەندى پايدالانۋعا بەرەتىن كۇندى تاعاتسىزدانا كۇتىپ ءجۇر. ول بولاشاقتا فۋتبول جۇلدىزى بولعىسى كەلەدى. ءدال ءۇيىنىڭ جانىنان سالىنىپ جاتقان سپورت عيماراتىنا كۇندە كەلىپ كورىپ كەتەدى. بۇگىن اۋىلداس دوستارىمەن تاعى كەلىپتى.

بىرجان ەرتاي، وقۋشى:

- سالىنىپ بولعاندا دوستارىمنىڭ ءبارىن ەرتىپ كەلىپ، فۋتبول وينايمىن. چەمپيون بولىپ، قازاقستاننىڭ اتىن شىعارامىن. الەمگە شىعارامىن.

اۋىل تۇرعىندارى دا ءدان ريزا. «جاڭا جۇمىس ورىندارى اشىلىپ، ءبىر مەزگىل سپورتپەن شۇعىلداناتىن بولدىق»، دەپ قۋانىپ ءجۇر.

جوراباي قۇسانوۆ، بەلباسار اۋىلىنىڭ تۇرعىنى:

- بۇل ءبىزدىڭ ۇرپاعىمىزعا، كەلەشەگىمىزگە وتە جاقسى بولدى. بالالاردىڭ ءبارى سپورتقا قۇلشىنىپ جاتىر. «قاشان بىتەدى؟» دەپ نەمەرە، شوبەرەمىز كۇتىپ ءجۇر. «قاشان بارامىز» دەپ. بۇيىرتسا جاقىندا ءبىتىپ قالادى. بارلىعىمىز بارامىز. سوسىن ءبىزدىڭ اۋىلدا جاتتىقتىرۋشىلار بار. بوكستان، كلاسسيكالىق كۇرەستەن. ولار دا كۇتىپ ءجۇر.

سپورت نىسانىنىڭ قۇرىلىسى بىلتىر باستالعان. جوبا قۇنى 400 ميلليون تەڭگەگە جۋىقتايدى. 200 ورىندىق زاماناۋي كەشەن الەمدىك ستاندارتقا ساي ەتىپ تۇرعىزىلدى. بۇل بەلباسار اۋىلىندا بارلىق دەڭگەيدەگى جارىستاردى وتكىزۋگە مۇمكىندىك بەرەدى.

مارات جىلقىباەۆ، كاسىپكەر:

جان-جاقتان شىعىپ جاتقان قالتالى ازاماتتاردىڭ اۋىلعا دەگەن ءبىر سۇيىسپەنشىلىگىن ارتتىرىپ جاتىر. ءبىر وي سالساق دەگەن وي بولدى. اركىم ءوز اۋىلىنا وسىنداي دۇنيەلەر جاساسا، بولاشاقتا الەمگە تانىتاتىن سپورتشى جاستار وسەدى دەگەن نيەتتەمىز. تۋعان جەر تۇعىرىڭ، بيىگىڭ دەگەندەي اۋىلىمىزعا كەلىپ سالايىق دەگەن ويىمىز عوي ەندى. حالىقتىڭ يگىلىگىنە.

رايحان امانعازيەۆا، شۋ اۋداندىق ىشكى ساياسات ءبولىمىنىڭ باسشىسى:

- مادەنيەت سالاسىندا، سپورت سالاسىندا، ءارتۇرلى قۇرىلىس نىساندارى ءجۇردى. قازىرگى ۋاقىتتا بەس سپورت، ياعني ۇلكەن سپورت كەشەنىنەن ەكەۋ جانە كىشى الاڭشالاردان 3 نىسان قازىرگى ۋاقىتتا بەرىلىپ وتىر.

شۋ اۋدانىندا «رۋحاني جاڭعىرۋ» باعدارلاماسى اياسىندا تاريحي-مادەني، الەۋمەتتىك جانە ينفراقۇرىلىمدى جاقسارتۋ باعىتىندا 10 جوبا ازىرلەنگەن. ءقازىر ەمحانا، سالتانات سارايى، سپورت نىساندارى، جول جوندەۋ، جارىقتاندىرۋ سياقتى جۇمىستار ءجۇرىپ جاتىر. ال جالپى جامبىل وبلىسىندا باعدارلاما شەڭبەرىندە بيىل 80 جوبا جۇزەگە اسىرىلادى.

اۆتورلارى: رۋسلان باقىتبەكۇلى، رۋسلان ءاحاتىللا


كەلۋ قاينارى: http://www.elarna.net/koru.php?tur=38&id=1046367

پىكىرلەر:

juz dep sifirmen jazingiz.