كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-1610728029 %71 %

5 مىڭنان استام قاراعاندىلىق لاتىن قارپىمەن ديكتانت جازدى


ءتۇرى: Ult.kz ۇلىت تورابى

ۋاقىتى: 00:10 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.

قاراعاندى وبلىسىندا لاتىن قارپىندەگى جالپىحالىقتىق ديكتانتقا 5 مىڭنان استام ادام قاتىستى، دەپ حابارلايدى "ۇلت اقپارات" ايماق اكىمدىگىنىڭ ءباسپاسوز قىزمەتىنە سىلتەمە جاساپ.

ديكتانت ەل ايماقتارىندا ءبىر مەزگىلدە، ساعات 11.00-دە باستالدى.

قاراعاندى وبلىسىندا جالپى رەسپۋبليكالىق اكتسياعا 5 مىڭنان استام ادام – ستۋدەنتتەر، وقىتۋشىلار، مەملەكەتتىك قىزمەتكەرلەر، ەتنومادەني بىرلەستىكتەردىڭ وكىلدەرى قولداۋ كورسەتتى. قاتىسۋشىلار قاراعاندى قالاسىنىڭ دوستىق ۇيىندە، وقۋ ورىندارىندا، ايماقتىق كىتاپحانالاردا جينالدى.

«ديكتانت جازۋ قيىن ەمەس. دوستىق ءۇيىنىڭ لينگافوندىق كابينەتىندە قازاق ءتىلىن وقيمىن. بۇل جوباعا ەكىنشى رەت قاتىسىپ وتىرمىن. اقپاراتتىق تەحنولوگيالار عاسىرىندا ۋاقىت وتە كەلە العا جىلجۋىمىز كەرەك. لاتىن الىپبيىنە كوشۋ – ۋاقىت تالابى. بۇل قازاقستاندىق قوعامنىڭ رۋحاني جاڭعىرۋىنا، مەملەكەتتىك ءتىلدىڭ مارتەبەسىن كوتەرۋگە جانە ونىڭ بولاشاعىن قامتاماسىز ەتۋگە مۇمكىندىك بەرەدى»، - دەپ اتاپ ءوتتى وبلىستىق ۋكراينالىق ت. شەۆچەنكو اتىنداعى «رىدنە سلوۆو» ورتالىعىنىڭ ءتورايىمى زەنوۆيا كراسيۆسكايا.

جوبانىڭ ماقساتى – جالپىۇلتتىق بىرلىك پەن كەلىسىمدى نىعايتۋ، قازاقستاندىق بىرەگەيلىكتى قالىپتاستىرۋعا جاردەمدەسۋ، حالىق پەن قوعامدى بىرىكتىرەتىن فاكتور رەتىندە مەملەكەتتىك ءتىلدى ۇيرەنۋگە ىنتانى ارتتىرۋ.

ايتا كەتەيىك، ديكتانتتى ماماندار تەكسەرەدى. ۇزدىك قاتىسۋشىلار قحا-نىڭ العىس حاتتارىنا يە بولادى.

ەسكە سالساق، بۇگىن ەلىمىزدە لاتىن گرافيكاسى نەگىزىندەجالپىقازاقستاندىق اشىق ديكتانت ءوتتى.بيىل قازاقستان حالقى اسسامبلەياسىنىڭ جوباسى جاستار جىلىنا ارنالىپ، ديكتانتتىڭ تاقىرىبى «2019 jyl – Jastar jyly» اتالدى.


كەلۋ قاينارى: http://www.elarna.net/koru.php?tur=53&id=1046363

پىكىرلەر:

juz dep sifirmen jazingiz.