: PDF Download - Жұктеұ - Скачать - ءتۇسىرۋوبلىس جانە اۋدان ورتالىقتارىنان شالعاي جاتقان ەلدى مەكەن تۇرعىندارىن بىلىكتى دارىگەرلەر تەكسەرەدى. مەديتسينالىق پويىز ءقازىر اقتوبە وبلىسىنىڭ الىس اۋىلدارىن ارالاپ ءجۇر.
«دەنساۋلىق» پويىزى شۇبارقۇدىق كەنتىنە كەشە ايالدادى. العاشقى كۇنى كورىنۋگە كەلگەن ادام سانى از بولعانىمەن، بۇگىن تاڭمەن تالاسا كەزەككە تۇرعانداردىڭ قاتارى كوپ. اسىرەسە، ستوماتولوگ، نەۆروپوتولوگ، رەنتگەن جانە كوز دارىگەرىنە كورىنگىسى كەلەتىندەر كوپ. ايتۋلارىنشا، مۇنداي قىزمەت تۇرلەرىنە جەرگىلىكتى جەردە قول جەتە بەرمەيدى.
زارۋ قاليەۆا، شۇبارقۇدىق كەنتىنىڭ تۇرعىنى:
- ەكى رەت بەلىمنەن سوققى الىپ، سىندى. شىداي الماعان سوڭ بىلگىر دارىگەرلەرگە كورىنەيىن دەپ كەلدىم نەگىزى. بىلتىر اقتوبەگە جاتتىق، سودان بەرى بيىل ءبىر جىل بولدى «پورتالعا قويامىز» دەپ كەتەدى، سودان ءالى بىردە-بىر جاتىپ كورگەن جوقپىن. ەشقانداي قارالمايدى
قارلىعى جانكاراەۆا، شۇبارقۇدىق كەنتىنىڭ تۇرعىنى:
- ءوزىمىزدىڭ اۋىلدىق ۋزي-گە تۇسە المايمىز. 3-4 اي بۇرىن تىركەلۋ كەرەك وعان. تۇسكەندە دە شاققا تۇسەمىز. مىناۋ ەندى تەگىن دەگەن سوڭ تۇسەيىك دەسەك تاڭەرتەڭنەن بەستەن بەرى اس جوق، سۋ جوق تۇرمىز. كەزەك جىلجىمايدى. سوسىن ناعىز كەرەك كابينەتتەر جوق. مىسالى ءۇشىن ماعان مامولوگ كەرەك، ونكولوگ جوق قارالاتىن.
بۇل اۋىل وبلىس ورتالىعىنان 180 شاقىرىم قاشىقتىقتا جاتىر. 10 مىڭنان استام ادام تۇرادى. شارۋاشىلىعى تۇراقتى ەلدى مەكەندە مەديتسينا مەكەمەسى دە بار. دەگەنمەن، تۇرعىندار تەگىن كورسەتىلەتىن كەڭەس بەرۋ – دياگنوستيكالىق كومەكتى قۇر جىبەرگىسى جوق.
جانار بورانباەۆا، دارىگەر:
- ۋلترا زەرتتەۋدە بىزدە انىقتالىپ جاتقانى – ءوت قابىنۋلارى، باۋىر، بۇيرەك قابىنۋلارى. سوسىن كوبىسى حرونيكتەر ەكەن. سوزىلمالى اۋرۋلارى بار. تاس تا انىقتالىپ جاتىر. سولاردىڭ ءبارىن تەكسەرىپ، تەراپەۆتكە جىبەرىپ جاتىرمىز.
مامانداردىڭ كوبى الماتىداعى اسفەندياروۆ اتىنداعى ۇلتتىق مەديتسينا ۋنيۆەرسيتەتىنىڭ قىزمەتكەرلەرى. سونىڭ ءبىرى – كەنجەگۇل احماد مۇنداي ۇزاق ساپارعا العاش رەت شىعىپ وتىر. وتانداستارىنا كومەك كورسەتىپ، ولاردىڭ دەنساۋلىعىن جاقسارتۋعا ۇلەس قوسۋ ساۋاپتى ءىس ەكەنىن ايتادى.
كەنجەگۇل احماد، دارىگەر:
- كەشەدەن بەرى 20 ادام ءوتتى. وكپەسىنە شاعىمداناتىن ادامدار بار. پنەۆمونيا، تۋبەركۋلەز قالدىعى، جوتەل سەكىلدى دەرتتەر انىقتالىپ جاتىر.
«دەنساۋلىق» پويىزى بۇعان دەيىن جەتى وبلىستا بولدى. قۇرامىنداعى مەديتسينا قىزمەتكەرلەرى ءار 20 كۇن سايىن اۋىسىپ تۇرادى. ماماندار وسى ۋاقىتقا دەيىن مىڭداعان ادامدى قابىلداپ، كەڭەس بەرگەن.
ساعىنبەك ارونوۆ، مىندەتتى الەۋمەتتىك مەديتسينالىق ساقتاندىرۋ قورىنىڭ وكىلى:
- ءساۋىردىڭ 26-ىنان باستاپ جەلتوقساننىڭ 20-سىنا شەيىن بۇكىل قازاقستاننىڭ اۋماعىن ارالاپ شىعادى. بۇل پويىزدىڭ ماقساتى - 8 ايدىڭ ىشىندە 195 ەلدى مەكەندى ارالاپ، حالىق مەديتسينالىق قىزمەتكە كوپ بارا بەرمەيتىن مەكەندەردى قامتۋ.
شالعايداعى اۋىل تۇرعىندارىنا مەديتسينالىق كومەك كورسەتۋ جەلتوقسانعا دەيىن جالعاسادى. جوسپار بويىنشا 40 مىڭ ادامدى قامتۋ قاجەت.
انۋاربەك مىرزاتايۇلى، ءتىلشى:
- «دەنساۋلىق» پويىزى اقتوبە وبلىسىندا توقتاعان ءاربىر ستانتسيادا ەكى كۇن بولىپ، جەرگىلىكتى تۇرعىندارعا تەگىن قىزمەت كورسەتەتىن بولادى. ءقازىردىڭ وزىندە وسى شۇبارقۇدىقتان 100-دەگەن ادام دارىگەرلەرگە كورىنگەن. ال جۇرەك-قان تامىرلارى جانە اسقازان ىشەك اۋرۋلارى بويىنشا مىڭداعان ادام جەرگىلىكتى اۋرۋحانادا ەسەپتە تۇر. بۇدان كەيىن پويىز كورشى اتىراۋ وبلىسىنا اتتانادى.
