كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-08-18525278840 %60 %
2019-08-19580345151 %49 %
2019-08-20366179263 %37 %

ەلىمىزدە قۇرىلىس جۇمىستارىنىڭ كولەمى ارتتى


ءتۇرى: قازاقپارات جاڭالىقتارى

ۋاقىتى: 23:39 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.
ەلىمىزدە قۇرىلىس جۇمىستارىنىڭ كولەمى ارتتى

نۇر-سۇلتان. قازاقپارات - 2019 جىلدىڭ قاڭتار-شىلدە ايلارىندا قازاقستاندا جۇرگىزىلگەن قۇرىلىس جۇمىستارى مەن قىزمەتتەرىنىڭ كولەمى 1 840،5 ملرد تەڭگەنى قۇرادى.

بۇل 2018 جىلدىڭ سايكەس كەزەڭىمەن سالىستىرعاندا 11،5% ارتىق، دەپ حابارلايدى «قازاقپارات» حاا ءتىلشىسى قر ۇلتتىق ەكونوميكا مينيسترلىگىنىڭ ستاتيستيكا كوميتەتىنە سىلتەمە جاساپ.

ەسەپتىك كەزەڭدە 433،3 ملرد تەڭگەگە ينجەنەرلىك قۇرىلىستار، 285،3 اۆتوماگيسترالدار، جولدار، كوشەلەر، تەمىر جولدار، كوپىرلەر مەن جەراستى وتكەلدەرى، 251 ملرد تەڭگەنىڭ وندىرىستىك عيماراتتارى، 246،9 ملرد تەڭگەگە تۇرعىن ۇيلەر، 120،7 ملرد تەڭگەگە تاۋ-كەن ءوندىرۋ جانە وڭدەۋ ونەركاسىبىنىڭ قۇرىلىستارى سالىنعان. بۇل – كولەمى جونىنەن ەڭ كوپ جاسالعان قۇرىلىس جۇمىستارى.

قۇرىلىس-مونتاجداۋ جۇمىستارىنىڭ كولەمى 12،7% ارتىپ، 575،8 ملرد تەڭگەنى قۇرادى. كۇردەلى جوندەۋ جۇمىستارى بويىنشا قۇرىلىس جۇمىستارىنىڭ كولەمى 2،9%، اعىمدىق جوندەۋ جۇمىستارى 7،3% ارتتى.

جاڭا 24 687 عيماراتتىڭ قۇرىلىسى اياقتالدى، ونىڭ ىشىندە 23 355 تۇرعىن ءۇي جانە 1 332 تۇرعىن ءۇي ەمەس نىسانى سالىندى. اتاپ ايتقاندا، 13 جالپى ءبىلىم بەرەتىن مەكتەپ، 33 مەكتەپكە دەيىنگى ۇيىم جانە 9 امبۋلاتورلىق-ەمحانالىق ۇيىم سالىندى.

2019 جىلدىڭ قاڭتار-شىلدە ايلارىندا تۇرعىن ءۇي قۇرىلىسىنا 713،6 ملرد تەڭگە جۇمسالدى. بۇل وتكەن جىلدىڭ قاڭتار-شىلدە ايلارىندا تۇرعىن ءۇي قۇرىلىسىنا سالىنعان ينۆەستيتسيا كولەمىنەن 15،2% ارتىق.

نەگىزگى كاپيتالعا سالىنعان جالپى ينۆەستيتسيا كولەمىندە تۇرعىن ءۇي قۇرىلىسىنداعى يگەرىلگەن قاراجات ۇلەسى 11،2% قۇرادى. تۇرعىن ءۇي قۇرىلىسىن قارجىلاندىرۋعا سالىنعان قاراجاتتىڭ 82،1% قۇرىلىسشىلاردىڭ وزدەرىنە تيەسىلى.

قاڭتار-شىلدە ايلارىندا پايدالانۋعا بەرىلگەن تۇرعىن ءۇيدىڭ جالپى اۋدانى 6 506،4 مىڭ شارشى مەتردى قۇرادى. سونىڭ ىشىندە جەكە ءۇي سالۋشىلار 3 565،5 مىڭ شارشى مەتردى پايدالانۋعا بەرگەن. پايدالانۋعا بەرىلگەن تۇرعىن ۇيلەردىڭ ناقتى كولەمىنىڭ يندەكسى وتكەن جىلدىڭ قاڭتار-شىلدە ايلارىندا 96،3% قۇرادى.

كوپ پاتەرلى تۇرعىن ۇيلەردىڭ ءبىر شارشى مەترىنىڭ قۇرىلىسىنا جۇمسالعان شىعىننىڭ ورتاشا ناقتى مولشەرى بيىلعى جىلدىڭ قاڭتار-شىلدە ايلارىندا 128،6 مىڭ تەڭگەنى قۇرادى، ال جەكە ءۇي سالۋشىلار كوتەرگەن تۇرعىن ۇيلەردە 84 مىڭ تەڭگە بولدى.

اسحات احمەتبەكوۆ


كەلۋ قاينارى: http://www.elarna.net/koru.php?tur=3&id=1034533

پىكىرلەر:

juz dep sifirmen jazingiz.