كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-08-21580410755 %45 %
2019-08-22656264749 %51 %
2019-08-2317994662 %38 %

جوعارعى سوت اۋىل تۇرعىندارى مەن ۇلەسكەرلەر اراسىنداعى جەر داۋىنا نۇكتە قويدى - قازاقستان جانە الەمدەگى سوڭعى ج


ءتۇرى: 24.kz اقپاراتتارى

ۋاقىتى: 23:30 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.



اتباسار اۋدانىنا قاراستى سادوۆوە اۋىلىنداعى جەر داۋى بىتەر ەمەس، دەپ حابارلايدى «حابار 24».

تۇرعىندار 4 جىلدان بەرى سوتتىڭ ەسىگىن توزدىرىپ ءجۇر. 2000 جىلى وسى اۋىل تۇرعىندارىنىڭ پاي ۇلەستەرىن ءبىر كومپانيا 5 جىلعا جالعا العان. ءبىراق تۇك تىندىرماپتى. ول ول ما اۋىل شارۋاشىلىعىنا ارنالعان الگى جەر قولدان قولعا ءوتىپ كەتكەن. داۋ وسىدان شىعىپ وتىر. ءقازىر جەرگە تالاسقانداردىڭ ءىسى اۋداندىق، وبلىستىق سوتتان ءوتىپ، جوعارعى سوتقا جەتتى.

اتباسار اۋدانىنداعى جەر داۋىنىڭ شيەلەنىسكەنى سونشا، ەكى جاق بىرنەشە رەت تەكەتىرەسكە بارعان. جەرىن داۋلاعان تۇرعىندار مەن سەرىكتەستىك سوتتاسىپ جۇرگەندە اۋىلدىڭ كۇيى كەتىپ بارادى. اۋىلدىقتاردىڭ ايتۋىنشا، ەلدى مەكەننىڭ اينالاسىنداعى جەردى ارام ءشوپ باسىپ، پايداعا اسپاي جاتىر. جەر جالعا بەرىلگەن 19 جىلدىڭ ىشىندە كارتوپ القابى، الما باعى، باۋ-باقشا شارۋاشىلىعى سولايمەن جويىلىپ كەتكەن.

لاريسا كەرسانوۆا، سادوۆوە اۋىلىنىڭ تۇرعىنى:

مەملەكەت بىزگە پايدالانۋعا بەرگەن جەردى ولارعا جالعا بەرگەن ەدىك. باسىندا ديۆيدەند تولەيمىز دەدى. ءقازىر نەبارى 3350 تەڭگە بەرىپ وتىر. وعان نە الۋعا بولادى؟ مال ازىعىن ءوز باعاسىمەن بەرەمىز دەپ ۋادە بەرگەن ەدى. ونىڭ ءبىرى دە جوق. قىمبات باعا ساتىپ وتىر. اۋىلدىقتار ءقازىر مال ۇستامايدى. سەبەبى، ءشوپ قىمبات. ءسۇتتى قالادان ساتىپ الىپ وتىرمىز.

لاززات ءامىرالينا، سادوۆوە اۋىل تۇرعىنى:

باسىندا تەك 5 جىلعا جالعا بەرگەن بولاتىنبىز. سودان بەرى ۇلەسكەرلەردىڭ جينالىسى دا ءجوندى وتكەن جوق. جەردى العان كومپانيالاردىڭ بارلىق زاڭبۇزۋشىلىعىن كوردىك. ءتىپتى ۇلەسكەرلەرگە ايتپاي، جەردى بانككە كەپىلدىككە سالعان كەزدەر بولدى. ونى ءوزىمىز ءجۇرىپ شىعارىپ الدىق. قۇجاتتاردىڭ ءبارى دۇرىس بولماي شىقتى. اۋىلدا ءقازىر دىم قالمادى. بازا دا، تەحنيكا دا جوق. وسى جىلدار ىشىندە 15 ديرەكتور اۋىستى.

وسى جەر داۋىنا قاتىستى بىرنەشە رەت سوت بولعان. مىڭداعان گەكتار القاپتى جالعا الىپ وتىرعان سەرىكتەستىكتىڭ جۇمىسىنا كوڭىلى تولماعان تۇرعىندار «جەرىمىزدى قايتارسىن» دەگەن تالاپ قويادى. الايدا، كومپانيا وكىلدەرى «اۋىلدىڭ دامۋىنا ۇلەسىمىزدى قوستىق، سوندىقتان جەردەن وڭايلىقپەن ايىرىلمايمىز»، - دەيدى. ءتىپتى ۇلەسكەرلەر وتكىزگەن جينالىستا «زاڭ بۇزىلدى» دەپ سوتقا جۇگىنگەن.

سەرىك امانعاليەۆ، ادۆوكات:

ۇلەسكەرلەر جينالىس وتكىزىپ، شىعۋ تۋرالى شەشىم قابىلداعانمەن، شەشۋشى داۋىس كىمنىڭ ۇلەسى كوپ سوعان تيەسىلى بولادى. ياعني، جينالىستىڭ كۇن تارتىبىندە كوتەرىلگەن ماسەلە بويىنشا سول تاراپ جەڭىپ شىعادى. الايدا، «استانا-فيۋجن» وكىلدەرى جينالىسقا شاقىرىلماعان. بارعان ادامنىڭ ءوزىن كىرگىزبەي قويعان. بۇل جەر داۋىندا تۇرعىندار زارداپ شەكپەۋى كەرەك. بۇل داۋ ەكى ەكونوميكالىق توپتىڭ اراسىندا ءجۇرىپ جاتىر.

سەرىكتەستىك وكىلىنىڭ ايتىپ تۇرعىنى، ءقازىر اۋىلدىقتاردىڭ كوبى ەكىنشى ءبىر سەرىكستەستىكپەن كەلىسىمگە كەلىپ، ۇلەستەرىن سولارعا بەرمەكشى. جوعارعى سوتتا وتكەن تىڭدالىمعا اۋىلدىڭ 70 تۇرعىنى كەلدى. ەكى تاراپتىڭ ارىز-شاعىمى تىڭدالدى. جوعارعى سوت سەرىكتەستىكتىڭ ارىزىن كەرى قايتاردى. ياعني، تۇرعىنداردىڭ تالابى ەسكەرىلدى.

اۆتورلارى: اقساۋلە بايمەنشينا، عاني الشىنباەۆ


كەلۋ قاينارى: http://www.elarna.net/koru.php?tur=38&id=1034532

پىكىرلەر:

juz dep sifirmen jazingiz.