كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-12-082923931263 %37 %
2019-12-092218827250 %50 %
2019-12-1037689245 %55 %

قازاقستاندىقتار تاڭداعان كولىكتەردىڭ وندىعى قانداي


ءتۇرى: قازاقپارات جاڭالىقتارى

ۋاقىتى: 23:18 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.
قازاقستاندىقتار تاڭداعان كولىكتەردىڭ وندىعى قانداي

نۇر-سۇلتان. قازاقپارات – قازاقستان اۆتوبيزنەس قاۋىمداستىعى قازاقستاندىقتاردىڭ شىلدەدە ەڭ كوپ تاڭداعان كولىكتەردىڭ وندىعىن جاريالادى، دە حابارلايدى قازاقپارات ءتىلشىسى.

«وسى جىلدىڭ شىلدە ايىندا ەلىمىزدەگى اۆتوكولىك نارىعى سەنىمدى تۇردە ءوسىمىن جالعاستىردى. بۇعان ەڭ الدىمەن ديلەرلەردىڭ ۇزدىك برەندتەردى ەلگە اكەلۋى سەبەپ بولىپ وتىر. شىلدەدە جاڭا اۆتوكولىكتەردىڭ ساتىلىمى وتكەن جىلدىڭ ءتيىستى كەزەڭىمەن سالىستىرعاندا 11 پايىزعا ءوستى. قازاقستاندىق ديلەرلەر وتكەن ايدا 6 183 جەڭىل اۆتوكولىك جانە جەڭىل كوممەرتسيالىق تەحنيكا، 854 دانا اۋىر جۇك كولىگىن، تەحنيكا مەن اۆتوبۋستى ساتىپ ۇلگەردى. 2019 جىلدىڭ 7 ايىنىڭ قورىتىندىسى بويىنشا وتاندىق نارىق وتكەن جىلمەن سالىستىرعاندا 21 پايىزعا – 39 115 ساتىلعان اۆتوكولىككە ارتتى»، - دەلىنگەن قاۋىمداستىقتىڭ حابارلاماسىندا.

شىلدەدە ساتىلعان جەڭىل اۆتوكولىكتەردىڭ كوشىن Toyota (1 425 اۆتوكولىك، وتكەن ايدان قاراعاندا 16 پايىزعا ارتىق) ماركاسى باستاپ تۇر. ال جەتى ايدىڭ ىشىندە اتالمىش ماركا بويىنشا 8 066 دانا كولىك (وتكەن جىلدىڭ ءتيىستى كەزەڭىمەن سالىستىرعاندا 19 پايىزعا ارتىق) ساتىلعان. ەكىنشى ورىندى ساتىلعان 1 417 كولىگىمەن Lada جالعاستىردى. جەتى ايدا Lada ماركالى 8 758 دانا كولىك ساتىلعان (+23%). Hyundai ديلەرلەرى دە قارقىنىن باسەڭدەتپەي شىلدەدە 1 384 اۆتوكولىك (+2%) ساتىپ ۇلگەرگەن كورىنەدى. ال جىل باسىنان بەرى قازاقستاندىقتار اتالمىش ماركالى 7 394 (+81%) كولىك ساتىپ العان.

ودان كەيىنگى ورىندارعا Ravon (325 كولىك، +50%)، Kia (245 كولىك، +33%)، Renault (244 كولىك، (+12%)، Nissan (192، -23%)، Skoda (168، +121%)، Lexus (139، +2% ) جانە Jac (126، +29%) ماركالارى جايعاسقان.

ال مودەلدەر بويىنشا شىلدە ايىندا ەڭ كوپ ساتىلعان كولىكتەردىڭ ءتىزىمى مىناداي: Toyota Camry – 622، Lada Granta - 433، Lada Vesta – 423، Hyundai Tucson – 411، Hyundai Elantra - 341، Lada 4x4 - 323)، Ravon Nexia R3 - 315، Hyundai Creta – 266، Hyundai Accent – 259، Toyota Corolla - 240.


كەلۋ قاينارى: http://www.elarna.net/koru.php?tur=3&id=1034528

پىكىرلەر:

juz dep sifirmen jazingiz.