كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-12-082923931263 %37 %
2019-12-092218827250 %50 %
2019-12-1037689245 %55 %

قازاقستاندا ەلباسى اكادەمياسى قۇرىلادى


ءتۇرى: Ult.kz ۇلىت تورابى

ۋاقىتى: 22:50 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.

تۇڭعىش پرەزيدەنت قورى دارىندى بالالار مەن جاستاردى كەشەندى قولداۋعا ارنالعان جوبالاردى ىسكە اسىرا باستادى، دەپ حابارلايدى قازاقپارات تۇڭعىش پرەزيدەنت قورىنا سىلتەمە جاساپ.

قازاقستان رەسپۋبليكاسى تۇڭعىش پرەزيدەنتى – ەلباسىنىڭ قورى ءن.ا. نازارباەۆتىڭ تاپسىرماسىنا سايكەس جاس تالانتتار مەن كوشباسشىلاردى قولداۋ ماقساتىندا «ەل ءۇمىتى» جاڭا باستاماسى بويىنشا جۇمىس جۇرگىزە باستادى.

تۇڭعىش پرەزيدەنت قورىنىڭ اتقارۋشى ديرەكتورى اسەت يسەكەشەۆ: «ەل ءۇمىتى» باستاماسىنىڭ ميسسياسى – ءبىزدىڭ دارىندى بالالارىمىز بەن جاستارىمىزدى، سونىڭ ىشىندە شەتەلدە تۇراتىن جاستاردى ىزدەپ-تاۋىپ، قولداۋعا سەپتەسۋ. ءبىز بۇل باستامانىڭ اياسىندا ەلىمىزدىڭ جاستارىن بارىنشا قامتۋعا تىرىسامىز، ولاردىڭ ەرەكشەلىگىن، دارىندىلىعىن، عىلىمي جانە كوشباسشىلىق الەۋەتىن ەسكەرە وتىرىپ، ءار بالاعا ءوزىن-وزى دامىتۋعا تەڭ مۇمكىندىك بەرەمىز»، - دەپ اتاپ ءوتتى.

«ەل ءۇمىتى» باستاماسى اياسىندا تۇڭعىش پرەزيدەنت قورى ۇكىمەتپەن، وبلىس اكىمدىكتەرىمەن، قوعامدىق بىرلەستىكتەرىمەن، ءبىلىم بەرۋ جەكە ۇيىمدارىمەن، بيزنەس-قاۋىمداستىعىمەن جانە قىزىعۋشىلىق بىلدىرگەن تاراپتارمەن بىرلەسىپ جۇمىس ىستەمەك.

سەرىكتەستەرمەن بىرگە كەلەسى جوبالار جۇزەگە اسىرىلماق: دارىنداردى انىقتاۋ جانە قولداۋ ورتالىقتارىن قۇرۋ; جاستار ءۇشىن كوشباسشىلىق جانە تۇلعالىق ءوسۋ باعدارلاماسىن جاساۋ جانە جۇزەگە اسىرۋ; وليمپيادا جەڭىمپازدارى مەن ولاردىڭ پەداگوگتارىن قولداۋ باعدارلاماسى; تالانتتار مەن كوشباسشىلاردى قوساتىن بىرىككەن قاۋىمداستىق قۇرۋ; «IQanat» قورىمەن بىرگە اۋىل بالالارىنا ارنالعان «مىڭ بالا» زياتكەرلىك دامۋ باعدارلاماسىن جۇزەگە اسىرۋعا كومەك كورسەتۋ.

جاس تالانتتار مەن ءارتۇرلى سالاداعى كوشباسشىلاردىڭ (پاتريوتيزم، سپورتتىق جەتىستىكتەر، ەرىكتىلىك، اكادەميالىق جەتىستىكتەر) جان-جاقتى دامۋى ءۇشىن جۇمىستى كۇشەيتۋ ماقساتىندا جەكە ءوسۋ باعدارلاماسىنا بەلسەندى قاتىسقاندار ءۇشىن ماراپاتتاۋ باعدارلاماسى جاسالادى.

وسى مىندەتتەردىڭ ىسكە اسىرىلۋىن ۇيلەستىرۋ ءۇشىن قوردىڭ جانىندا «ەلباسى اكادەمياسى» قۇرىلادى. ول «ەل ءۇمىتى» باستاماسىن ىسكە اسىرۋدى باسقارۋ جونىندەگى وپەراتور رەتىندە ارەكەت ەتەدى.

«ەل ءۇمىتى» باستاماسىنىڭ اياسىندا ادىستەمەلەر، تاعىلىمدامالار باعدارلامالارى مەن گرانتتار ازىرلەنەدى.

بۇل ءاربىر وڭىردە جىل سايىن اۋىلدار مەن شاعىن قالالاردان كەمىندە 3 مىڭ دارىندى بالانى انىقتاپ، كەيىنگى ءبىلىم بەرۋدە قولداۋ كورسەتەتىن تالانتتاردى انىقتاۋ جانە قولداۋ ورتالىقتارىن (17 ورتالىق) قۇرۋعا مۇمكىندىك بەرەدى.

بىرىنشى كەزەڭدە، ەكى جىل ارالىعىندا عىلىم، ەكونوميكا، مادەنيەت، سپورت جانە قوعامنىڭ باسقا دا باعىتتارىنىڭ مەملەكەتتىك باسقارۋ سالالارىندا 500-دەن كەم ەمەس كوشباسشى پۋلىن قالىپتاستىرۋ جوسپاردا بار.

دارىندى جاستار، كوشباسشىلار مەن وقىتۋشىلارىنىڭ ءبىرىڭعاي قوعامداستىعى قۇرىلادى.

باستامانى ۋاقىتىلى جانە ساپالى ىسكە اسىرۋ ءۇشىن تۇڭعىش پرەزيدەنت قورى مۇددەلى مەملەكەتتىك ورگاندارمەن بىرلەسىپ «جول كارتاسىنىڭ» جوباسىن دايىندادى.

سونىمەن قاتار تۇڭعىش پرەزيدەنت قورى ءبىلىم بەرۋ جانە جەكە تۇلعانى دامىتۋ بويىنشا جەكە قورلاردىڭ باستامالارىنا قولداۋ كورسەتەدى.

2019 جىلعى 1 تامىز كۇنى قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆ قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورىنىڭ اتقارۋشى ديرەكتورى اسەت يسەكەشەۆپەن كەزدەسۋ بارىسىندا «ەل ءۇمىتى» جانە «قامقورلىق» باستامالارى بويىنشا ارنايى تاپسىرمالار بەردى.

«قور ءبىرقاتار ءىس-شارالاردى جۇزەگە اسىرۋ ءۇشىن ءتيىستى جۇمىس جۇرگىزىپ كەلەدى. ءبىز تالانتتى جاستاردى جانە دامۋىندا ەرەكشەلىگى بار بالالاردى قولداۋعا باعىتتالعان «ەل ءۇمىتى» جانە «قامقورلىق» اتتى جاڭا ەكى جوبانى ىسكە اسىرۋدى باستايمىز. تالانتتى جاستارىمىز ەل ىشىندە جانە شەتەلدە ءبىلىم الۋى ءۇشىن ولارعا كومەكتەسۋىمىز كەرەك. بۇل وتە پايدالى ءارى قاجەتتى جۇمىس. جالپى، قوردىڭ وسى باعىتتاعى جۇمىسىن جانداندىرۋ كەرەك»، – دەدى قازاقستاننىڭ تۇڭعىش پرەزيدەنتى.


كەلۋ قاينارى: http://www.elarna.net/koru.php?tur=53&id=1034521

پىكىرلەر:

juz dep sifirmen jazingiz.