كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-08-18525278840 %60 %
2019-08-19580345151 %49 %
2019-08-20389195264 %36 %

الماتىدا مەديتسينالىق كومەككە بولىنەتىن قاراجات ءبىر جارىم ەسەگە ارتادى


ءتۇرى: قازاقپارات جاڭالىقتارى

ۋاقىتى: 22:42 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.
الماتىدا مەديتسينالىق كومەككە بولىنەتىن قاراجات ءبىر جارىم ەسەگە ارتادى

نۇر-سۇلتان. قازاقپارات - الەۋمەتتىك مەديتسينالىق ساقتاندىرۋ قورىنىڭ ينفراقۇرىلىمدارى 2020 جىلى حالىققا كورسەتىلەتىن قىزمەتتەردى ساتىپ الۋعا تولىعىمەن دايىن.

قور مەديتسينالىق ساقتاندىرۋ سالاسىنداعى وزىق تاجىريبەلەردى قولدانىسقا ەنگىزىپ، جۇيەنى دامىتۋ جۇمىستارىن الداعى ۋاقىتتا دا توقتاتپايدى. بۇل تۋرالى الماتىدا مەديتسينالىق ساقتاندىرۋ ماسەلەلەرى جونىندەگى ايماقتىق شتاب وتىرىسىندا «الەۋمەتتىك مەديتسينالىق ساقتاندىرۋ قورى» كەاق باسقارما ءتوراعاسى ايباتىر جۇماعۇلوۆ مالىمدەدى.

قور باسشىسى الداعى جىلى الماتىدا مەديتسينالىق كومەككە بولىنەتىن قاراجات ءبىر جارىم ەسەگە ارتاتىنىن العا تارتتى.

«ناقتىراق ايتقاندا، 2019 جىلى قالا تۇرعىندارىنا مەملەكەتتىك تاپسىرىس شەڭبەرىندە كورسەتىلەتىن تەگىن مەديتسينالىق كومەككە 114،9 ملرد تەڭگە بولىنگەن بولسا، كەلەسى جىلى بۇل سوما 160،4 ملرد تەڭگەگە جەتپەك»، - دەپ اتاپ ءوتتى ا. جۇماعۇلوۆ.

مسق ءتوراعاسىنىڭ سوزىنە سۇيەنسەك، بۇل مەديتسينالىق ساقتاندىرۋ جۇيەسىنىڭ ەنگىزىلۋىمەن تىعىز بايلانىستى.

بىرەر ايدان كەيىن تولىق ىسكە قوسىلاتىن رەفورمانىڭ نەگىزگى ماقساتى مەديتسينالىق قىزمەتتىڭ ساپاسى مەن قولجەتىمدىلىگىن ارتتىرۋ بولعاندىقتان رەفورمانى ءاقپاراتتىق-تۇسىندىرۋ جۇمىستارىنا ءجىتى كوڭىل ءبولىنىپ وتىر. وسىعان بايلانىستى الماتى اكىمدىگى تۇرعىندار اراسىندا اقپاراتتاندىرۋ جۇمىستارىن كۇشەيتۋ جونىندە ناقتى تاپسىرمالار بەردى.

«رەفورما قارساڭىندا قالا تۇرعىندارىنىڭ ءمامس جايلى ءبىلۋ دەڭگەيىن كوتەرۋىمىز قاجەت. اسىرەسە، بيرەسمي جۇمىس ىستەيتىن ازاماتتاردىڭ مارتەبەسىن انىقتاۋدىڭ ماڭىزى زور. سول سەبەپتى ءار تۇرعىنعا دۇرىس مالىمەت بەرۋ، سونداي-اق، تۋىنداعان سۇراقتارعا تولىققاندى جاۋاپ بەرۋ رەفورمانىڭ تابىستى جۇزەگە اسىرىلۋىنا سەپتىگىن تيگىزەدى»، - دەدى الماتى اكىمىنىڭ ورىنباسارى ەرجان باباقۇماروۆ.

سونىمەن قاتار، مەديتسينالىق ساقتاندىرۋ قورى جۋىق ارادا جەكە بايلانىس ورتالىعىن ىسكە قوسپاق. 1406 ءبىرىڭعاي بايلانىس ورتالىعى ساراپشىلارى حالىققا مەديتسينالىق كومەك پەن ساقتاندىرۋ جارناسىنا قاتىستى جان-جاقتى مالىمەت بەرىپ، جۇرتشىلىقتان تۇسكەن ارىز-شاعىمدارمەن اينالىسادى.

ەستەرىڭىزگە سالا كەتسەك، «الەۋمەتتىك مەديتسينالىق ساقتاندىرۋ قورى» كەاق كەپىلدەندىرىلگەن تەگىن مەديتسينالىق كومەك پەن الەۋمەتتىك مەديتسينالىق ساقتاندىرۋ جۇيەسى شەڭبەرىندە كورسەتىلەتىن قىزمەتتەردىڭ قارجى وپەراتورى بولىپ تابىلادى.


كەلۋ قاينارى: http://www.elarna.net/koru.php?tur=3&id=1034518

پىكىرلەر:

juz dep sifirmen jazingiz.