كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-12-082923931263 %37 %
2019-12-092218827250 %50 %
2019-12-1022249831 %69 %

ماگنيتوگورسكىدە تولاسسىز جاۋعان جاۋىن سوڭى سۋ تاسقىنىنا ۇلاستى - قازاقستان جانە الەمدەگى سوڭعى جاڭالىقتار


ءتۇرى: 24.kz اقپاراتتارى

ۋاقىتى: 22:30 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.



بيىلعى جاز الەمنىڭ كوپتەگەن ەلدەرىن ابىگەرگە سالىپ تۇر. رەسەيدىڭ ماگنيتوگورسك قالاسىندا تولاسسىز جاۋعان جاۋىن سوڭى سۋ تاسقىنىنا ۇلاستى، دەپ حابارلايدى «حابار 24».

ال، ءۇندىستاندا لاي كوشكىنىنەن قازا تاپقانداردىڭ سانى ارتتى. قىتاي بولسا، «لەكيما» تايفۋنىنان كەلگەن شىعىن كولەمىن ەسەپتەپ جاتىر.

سوڭعى اقپارلار بويىنشا ءۇندىستاندا سۋ تاسقىنى قۇرباندارىنىڭ سانى تاعى ارتقان. سۋ تاسقىنىنان بارلىعى 202 ادام اجال قۇشتى.

ماگنيتوگورسكىدە ءتورت ساعات بويى تولاسسىز جاۋعان جاۋىن تۇرعىنداردى ابدەن تىعىرىققا تىرەدى.

كوشەلەر، تۇرعىن ۇيلەردىڭ كىرەبەستەرى، ءتىپتى كوپىرلەر سۋ استىندا قالعان. شاھاردىڭ كەي اۋماقتارىندا كوشە كولگە اينالىپ، كولىكتەر كورىنبەي قالدى. رەسمي اقپارلارعا ساي، وڭىرگە جاڭبىردىڭ ايلىق نورماسىنىڭ ء80%-ى تۇسكەن. چەليابينسك وبلىسىنا قاراستى بۇل قالادا كۇن بۇگىندە قولايسىز بولاتىن ءتۇرى بار.

 

ۇندىستاندا سۋ تاسقىنىنان اجال قۇشقاندار سانى 220-عا جەتتى

ال، ءۇندىستاننىڭ وڭتۇستىگىندەگى تابيعات اپاتىنان اجال قۇشقانداردىڭ سانى 220-عا جەتتى. رەسمي اقپارلارعا ساي، سۋ استىندا قالعان وڭىرلەردەن 1،2 ملن تۇرعىن ەۆاكۋاتسيالاندى. ءقازىر ولار ۋاقىتشا ورتالىقتارعا ورنلاستىرىلعان.

ايتا كەتەيىك، وتكەن اپتادا ءۇندىستاندا ماۋسىمدىق جەل تۇرىپ، سوڭى سۋ تاسقىنىنا اكەلىپ سوققان. سالدارىنان تۋريستەر ەڭ كوپ باراتىن كەرالا شتاتىندا جاعداي قيىنداعان. كارناتاكا، ماحاراشترا اۋداندارىندا دا كوپتەگەن ۇيلەر مەن جولدار سۋ استىندا قالدى. جالپى ەكى كۇن ۇشىندە ءۇندىستاندا ءىرىلى-ۇساقتى 80-دەي سۋ تاسقىنى بولعان. كوپتەگەن اۋدانداردا قاۋىپتىلىكتىڭ «قىزىل دەڭگەي» جاريالاندى.

اجەت پاتاكۋندي، جەرگىلىكتى تۇرعىن:

- بۇل سۇمدىقتىڭ جالعاسىپ جاتقانىننا 5-6 كۇن بولدى. بارلىعىمىز سۋ باسىپ قالعان اۋىلداردا قالىپ قويدىق. ول جەردە جانۋارلار دا بار. تۇرعىندار ءابىرجىپ كەتتى. اينالانى سۋ باسىپ جاتىر. ۇيلەردەن تۇك قالمادى ءتىپتى.

سيدداۆانا، اۋدان وفيتسەرى:

قۇربانداردىڭ سانى كۇن ساناپ ارتۋى مۇمكىن. سەبەبى قۇتقارۋ-ىزدەستىرۋ جۇمىستارى ءالى جالعاسىپ جاتىر. قۇتقارۋشىلار قولدان كەلگەنىن جاساپ، ادامداردى ءقاۋىپسىز جەرگە كوشىرۋدە. تۇرعىنداردى سابىر ساقتاۋعا شاقىرامىز.

 

قىتايدا «لەكيما» تايفۋنى 49 ادامنىڭ ءومىرىن جالمادى

قىتايدىڭ شىعىسىنداعى چجەتسزيان، شاندۋن جانە انحوي وڭىرلەرىندە دە جاعداي ءماز ەمەس. مۇندا «لەكيما» تايفۋنىنان قازا تاپقانداردىڭ سانى 49-عا جەتكەن. تاعى 21 ادام ۇشتى-كۇيلى جوعالىپ كەتكەن.

«لەكيما» - وڭىرگە كەلگەن توعىزىنشى تايفۋن. سالدارىنان 2 ملن تۇرعىن ەۆاكۋاتسيالاندى. 996 مىڭ گەكتار استىق القابىنان تۇك قالمادى. شىعىن كولەمى 3،4 ملرد دوللارعا جەتتى. سونداي-اق سەنبى كۇنى باستالعان جاۋىن ارالاس جەل 13 مىڭ ءۇيدىڭ استان-كەستەڭىن شىعارعان.

ۆان سينۆەي، چجەتسزيان وكرۋگى باسشىسىنىڭ ورىنباسارى:

-زارداپ شەككەندەردى ءقاۋىپسىز جەرگە كوشىردىك. قۇتقارۋ جۇمىستارى جالعاسىپ جاتىر. وسى ايماقتا قۇرىلىس جۇمىستارىن جۇرگىزىپ جاتقانداردى باستاۋىش مەكتەپتەرگە ورنالاستىردىق. تاماق جانە قاجەتتى زاتتارمەن قامتىپ وتىرمىز.

 

ۆەنادا دولى داۋىل ويران سالدى

اۆستريا تۇرعىندارىن اپتاپ ىستىقتان كەيىن دولى داۋىل ابىگەرگە سالعان.

قازىر ۆەنادا قاتتى جەل تۇرىپ، جاۋىن سەلدەتىپ تۇر. سالدارىنان جەراستى وتكەلدەرى سۋعا تولىپ، كوشەدەگى اعاشتار قۇلاپ جاتىر. جەرگىلىكتى اقپارات كوزدەرىنىڭ حابارلاۋىنشا، كۇن رايى قاس-قاعىم ساتتە وزگەرگەن. تابيعات اپاتىنان مەرت بولعاندار جايلى ءالى اقپارات تۇسكەن جوق.


كەلۋ قاينارى: http://www.elarna.net/koru.php?tur=38&id=1034512

پىكىرلەر:

juz dep sifirmen jazingiz.