كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-12-082923931263 %37 %
2019-12-092218827250 %50 %
2019-12-1010718730 %70 %

اقتوبەنىڭ اقىن-جازۋشىلارى قازاق دراما تەاترى مەن ورتالىق كىتاپحانا سالۋدى ۇسىندى


ءتۇرى: قازاقپارات جاڭالىقتارى

ۋاقىتى: 22:06 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.
اقتوبەنىڭ اقىن-جازۋشىلارى قازاق دراما تەاترى مەن ورتالىق كىتاپحانا سالۋدى ۇسىندى

اقتوبە. قازاقپارات – اقتوبە وبلىسىنىڭ اكىمى وڭداسىن ورازالين اقىن-جازۋشىلارمەن كەزدەستى. كەزدەسۋدە بىرنەشە ۇسىنىس ايتىلدى، دەپ حابارلايدى قازاقپارات ءتىلشىسى.

جازۋشىلار وداعىنا اقتوبەنىڭ 14 اقىن-جازۋشىسى مۇشە. ولار بۇگىن وبلىس اكىمىمەن كەزدەسىپ، ويدا جۇرگەن بىرنەشە ۇسىنىستارىن ايتتى. العاشقىسى – قوعامدىق قور قۇرۋ. بۇل قوعامدا ونەردى دارىپتەيتىن، ادەبيەتتى سۇيەتىن مادەني ورتانى تاربيەلەۋ ماقساتىندا تىڭ جوبالار مەن شارالاردى وتكىزۋگە باعىتتالادى. سونىمەن قاتار وبلىستىق ورتالىق كىتاپحانا، ت.احتانوۆ اتىنداعى قازاق دراما تەاترىن، ءاليا مولداعۇلوۆاعا ارنالعان مۋزەي سالۋدى ۇسىندى. بيىل جوبالىق-سمەتالىق قۇجات دايىندالىپ، الداعى جىلدارى قۇرىلىس باستالۋى ءتيىس. ءبىراق ازىرگە جەر تەلىمى بولىنبەدى، جوباسى دا دايىن ەمەس.

«اقتوبە ءوڭىرى اقىن-جازۋشىلارعا، تانىمال تۇلعالارعا كەندە بولماعان. الدىڭعى كەزدەسۋلەردە ايتىلعان ۇسىنىستارىڭىزدى ەسكەرە وتىرىپ، كەشەندى جوبا جاسادىق. سونىڭ اياسىندا قوعامدا ونەردى دارىپتەيتىن، ادەبيەتتى سۇيەتىن مادەني ورتانى تاربيەلەۋ ماقساتىندا تىڭ جوبالار مەن شارالاردى وتكىزۋگە قولداۋ كورسەتەتىن قوعامدىق قور قۇرۋدى قولعا الدىق. وسى قوردىڭ كومەگىمەن وڭىردەگى اقىن-جازۋشىلاردىڭ كىتاپتارىن جارىققا شىعارامىز. سونىمەن قاتار، قازىرگى زامان تالابىنا ساي وبلىستىق كىتاپحانا مەن ت.احتانوۆ اتىنداعى دراما تەاترىنىڭ، كەڭەس وداعىنىڭ باتىرى ءا.مولداعۇلوۆانىڭ 95 جىلدىعىنا وراي ءاليا مۋزەيىنىڭ قۇرىلىسىن جۇرگىزۋدى جوسپارلاپ وتىرمىز. ونەر مەن ادەبيەتتى قولداۋدى ودان ءارى جۇرگىزە بەرەتىن بولامىز، - دەدى وبلىس اكىمى وڭداسىن ورازالين.


ايتا كەتەيىك، الداعى ۋاقىتتا «اقتوبە كىتاپحاناسى» سەرياسىمەن اقىن-جازۋشىلاردىڭ 27 جيناق كىتابى جارىققا شىعادى.

اقىن ءىزتاي مامبەتوۆتىڭ 90 جىلدىعى مەن اقىن ساعي جيەنباەۆ، جازۋشى توبىق جارماعامبەتوۆتىڭ 85 جىلدىق مەرەيتويلارىنا ارنالعان كەشەندى جوسپار جاسالىپ، كەڭ كولەمدە تويلانادى.

2020 جىلدان باستاپ جاس تالانتتاردى قولداۋ ماقساتىندا ت.احتانوۆ، ق.شاڭعىتباەۆ، ت. ايبەرگەنوۆ اتىنداعى ارنايى سىياقى تاعايىندالىپ، جازۋشىلار وداعى اقتوبە فيليالىنىڭ مۇشەلەرىنە جىلىنا ءبىر رەتتىك ستيپەنديا تاعايىندالاتىن بولدى. جەرگىلىكتى ۇزدىك 10 جاس اقىن-جازۋشىنىڭ العاشقى تۋىندىسى باسپادان شىعادى. قالادا «ادەبيەت الەمى» رۋحاني ورتالىعىن جانە جەرگىلىكتى اقىن-جازۋشىلار اللەياسىن سالۋ جوسپارلانىپ وتىر.

كەزدەسۋ كەزىندە اقىن گۇلجاينار قالدينا «گارري پوتتەردىڭ» قازاق تىلىندەگى نۇسقاسىن شىعارۋعا قولداۋ كورسەتۋدى سۇرادى.

«بىرنەشە جىل بۇرىن 4-5 سىنىپ وقۋشىسى كىتاپحاناعا كەلىپ، «گارري پوتتەردىڭ» قازاق تىلىندەگى نۇسقاسىن سۇرادى. سول بالامەن سويلەسىپ، كىتاپتى اۋدارۋعا كەلىستىم. جىلدار ءوتتى، ءقازىر ءبىر تومى اۋدارىلدى. ەندى ونى باسپادان شىعارۋ ءۇشىن اۆتورلىق قۇقىق كەرەك ەكەن. اۆتوردان رۇقسات الۋ ءۇشىن مەملەكەت نەمەسە جەرگىلىكتى اكىمدىك كەلىسىم جاساۋى ءتيىس. تالاپ وسى. مەن وسى كىتاپتى شىعارعىم كەلەدى، اكىمدىكتەن كومەك قاجەت»، - دەدى اقىن گۇلجاينار قالدينا.

ونىڭ ايتۋىنشا، بالالار مەن جاسوسپىرىمدەر دەتەكتيۆتەردى، موتيۆاتسيالىق كىتاپتاردى وقيدى. ال سۇرانىستى قاناعاتاندىراتىن شىعارما قازاق تىلىندە جوقتىڭ قاسى.



كەلۋ قاينارى: http://www.elarna.net/koru.php?tur=3&id=1034505

پىكىرلەر:

juz dep sifirmen jazingiz.