كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-12-141793576056 %44 %
2019-12-152986627364 %36 %
2019-12-16942309676 %24 %

پاۆلودار وبلىسىنداعى اۋىل تۇرعىندارى اۋىزسۋ باعاسىنا الاڭداۋلى - قازاقستان جانە الەمدەگى سوڭعى جاڭالىقتار


ءتۇرى: 24.kz اقپاراتتارى

ۋاقىتى: 22:00 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.



پاۆلودار وبلىسىنداعى ەرتىس اۋدانىندا اۋىزسۋ قىمبات، دەپ حابارلايدى «حابار 24».

تالاي جىل تىرشىلىك نارىنەن تارىققان جۇرتقا مەملەكەت توپتىق قۇبىر تارتىپ بەرگەن. وسىدان ءۇش جىل بۇرىن. ءقازىر سۋ كەلىپ تۇر. ءبىراق تەكشە مەترى 300 تەڭگەدەن اسادى. ونى قالتاسى كوتەرمەگەن كەي تۇرعىندار قايتادان كەڭەس داۋىرىندە سالىنعان ەسكى ستانتسيانىڭ قىزمەتىنە جۇگىنە باستاعان

بەلوۆود توپتىق سۋ قۇبىرى ءۇش جىل بۇرىن ىسكە قوسىلدى. سۋدى وزەننەن شەلەكتەپ تاسىپ جۇرگەن حالىق بۇل وقيعانى 18 جىل كۇتتى. الدىمەن ەرتىس اۋىلىنداعى 2300 اۋلاعا سۋ قۇبىرلارى تارتىلدى. وسىلايشا، 8 مىڭنان استام تۇرعىن قامتىلدى.

اقمارال ەسىمحانوۆا، ءتىلشى:

- بەلوۆود توپتىق سۋ قۇبىرىنىڭ قۇرىلىسىنا مەملەكەت قىرۋار قارجى جۇمسادى. 2،7 ملرد تەڭگە. باستاپقىدا بۇل ستراتەگيالىق نىساننىڭ كومەگىمەن ەرتىس اۋدانىنىڭ 13 ەلدى مەكەنىن تازا سۋمەن قامتۋ كوزدەلگەن. دەسە دە، قازىرگى تاڭدا بۇل ستانتسيانىڭ سۋىن نەبارى بەس ەلدى مەكەننىڭ حالقى تۇتىنىپ ىشەدى.

ايتا كەتەيىك، بۇل نىساننىڭ تاۋلىكتىك وندىرىستىك قۋاتتىلىعى 5400 تەكشە مەتردى قۇرايدى. ال قازىرگى تاڭدا بۇل كولەمنىڭ نەبارى ء30%-ى وندىرىلەدى.

اۋداننىڭ مىڭداعان تۇرعىنى جايلىلىقتىڭ يگىلىگىن ءبىر-اق جىل كوردى. سەبەبى، سۋ قىمبات. بۇل باعانى قالتا كوتەرمەگەندىكتەن، 60-جىلدارى سالىنعان ستانتسيا قايتا ىسكە قوسىلدى. ءار اۋلاعا جەتەتىن 1 تەكشە مەتردىڭ قۇنى - 125 تەڭگە

ەرتىس سەيىتوۆ، كوممۋنالدىق كاسىپورىن ديرەكتورى:

- 1،5 مىڭ تازا سۋ رەزەرۆ بار. ساعاتىنا 300 كۋب تازالانىپ، بەرەتىن مۇمكىنشىلىگى بار. ەرتىس اۋىلىن 100% قامتىپ وتىر. بەلوۆود سۋ قۇبىرىمەن سالىستىرعاندا ءبىزدىڭ ەرتىس اۋىزسۋىنىڭ ايىرماشىلىعى جوق. سۋ ساپاسى ءبارى بىردەي.

اقمارال ەسىمحانوۆا، ءتىلشى:

بۇل - 700 تۇرعىنى بار سەۆەرنىي اۋىلى. توپتىق جەلىگە قوسىلعان ەلدى مەكەندەردىڭ ءبىرى. ءبىر اي بۇرىن تاريف 381 تەڭگەدەن 300 تەڭگەگە ارزانداپتى. سۋدان تارىققان حالىق بۇل باعاعا دا كەلىستى.

ال قارااعاش اۋىلىنىڭ كارى-جاسى سۋدى وسىلاي تاسىپ ءىشىپ جۇرگەنىنە شيرەك عاسىر بولىپتى. ەلدى مەكەندە 73 ءتۇتىن، 300-گە جۋىق تۇرعىن بار. ازاماتتار ىرگەدەگى ەرتىستەن قىسى-جازى اربالاپ تاسيدى. بۇل كۇندەر ارتتا قالدى. جۋىقتا بۇل اۋىل دا بەلوۆود جەلىسىنە قوسىلادى.

دامەلى ساسىقباەۆا، كوپبالالى انا:

- بۇرىن قيىن بولدى. ەندى قۇدايعا شۇكىر، اۋىلعا سۋ كەلىپ جاتىر. ەندى فلياگىمەن دە تاسىدىق، جۇمىستا دا بولدىق. قيىنشىلىق بولدى ەندى. ءقازىر زامانىمىزعا قاراي جاقسى. اۋىلدا سۋ بولادى.

سۋبسيديا ماسەلەسى شەشىلمەيىنشە، قالعان اۋىلدار تىرشىلىك ءنارىن وزەننەن تاسىپ ىشە بەرمەك. تۇتىنۋشى بولماسا، ستراتەگيالىق نىساندى كۇتىپ ۇستاۋ شىعىنعا باتىرۋى ابدەن مۇمكىن.

مىرزاجان ۇسەنوۆ، «كازۆودحوز» رمك وبلىستىق فيليالى ديرەكتورىنىڭ ورىنباسارى:

- بۇگىنگى كۇنگە دەيىن قارجى مينيسترلىگى بۇل ماسەلەنى رەسپۋبليكالىق بيۋدجەتتىك كەڭەستىڭ قاراۋىنا بەرگەن جوق. سەبەپتەر سان الۋان. ءبىز مەملەكەتتىك ورگاندارعا تالاي رەت حات جازدىق. پارلامەنتكە دە ماسەلەنى جەتكىزدىك. دەگەنمەن، ماسەلە اشىق تۇر. كۇتۋدەن باسقا امال جوق. تاريف سۋبسيديالانعاندا تەكشە مەتر سۋدىڭ باعاسى 120 تەڭگەدەن ءسال اسادى.

بۇگىندە وڭىردە سۋمەن قامتۋ بويىنشا 52 جوبا جۇزەگە اسىرىلۋدا. ءساتىن سالسا، 2020 جىلعا قاراي ايماقتاعى 353 ەلدى مەكەننىڭ ء40%-ى سۋمەن قامتىلادى دەپ كۇتىلۋدە. وبلىستا جىل سوڭىنا دەيىن ماي اۋدانىندا تاعى ءبىر توپتىق سۋ قۇبىرى يگىلىككە بەرىلمەك. وعان 15 اۋىل قوسىلادى. بۇل جەردە دە سۋبسيديالاۋ ماسەلەسى تۋىندامايتىنىنا كىم كەپىل؟

اۆتورلارى: اقمارال ەسىمحانوۆا، مارات يگىلىكوۆ، الەكسەي ومەلنيتسكي


كەلۋ قاينارى: http://www.elarna.net/koru.php?tur=38&id=1034503

پىكىرلەر:

juz dep sifirmen jazingiz.