كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-08-21580410755 %45 %
2019-08-22656264749 %51 %
2019-08-2317994662 %38 %

2019 جىلى مەملەكەتتىك ساتىپ الۋ بويىنشا 17 مىڭ شاعىم ءتۇستى - مينيسترلىك


ءتۇرى: قازاقپارات جاڭالىقتارى

ۋاقىتى: 21:57 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.
2019 جىلى مەملەكەتتىك ساتىپ الۋ بويىنشا 17 مىڭ شاعىم ءتۇستى - مينيسترلىك

نۇر-سۇلتان. قازاقپارات – مەملەكەتتىك ساتىپ الۋلاردىڭ ناتيجەسىنە ەلەكتروندى شاعىمدانۋ مۇمكىندىگى بەرىلگەن سوڭ، ارىزدانۋ كولەمى ارتتى، دەپ حابارلايدى قازاقپارات ءتىلشىسى.

«قازىرگى ۋاقىتتا بارلىق ساتىپ الۋ پروتسەدۋرالارىنان 2% عانا زاڭبۇزۋشىلىق تابىلعان، ال بۇرىن ءاربىر ءۇشىنشى ساتىپ الۋدان قاتە تابىلاتىن. سونىمەن بىرگە، ۆەب-پورتالدا مەملەكەتتىك ساتىپ الۋلار ناتيجەسى بويىنشا ەلەكتروندى شاعىم قالدىرۋ مۇمكىندىگى ەنگىزىلدى. ەندى مەملەكەتتىك ساتىپ الۋلارعا شاعىم ءتۇسىرىپ، ونىڭ بارىسىن ۆەب-پورتال ارقىلى باقىلاۋعا بولادى»، - دەدى قر قارجى ۆيتسە-مينيسترى رۋسلان بەكەتاەۆ ۇكىمەتتە وتكەن ءباسپاسوز ءماسليحاتىندا.

ونىڭ ايتۋىنشا، ەلەكتروندى شاعىم ەنگىزگەنشە ورتا ەسپپەن 2 مىڭ شاعىم تۇسەتىن. ال 2019 جىلدىڭ العاشقى 7 ايىندا ەلەكتروندى جولمەن 17 مىڭ ادام ارىزدانعان.

«مۇنداي ءوسىم كاسىبي «شاعىمدانۋشىلاردىڭ» پايدا بولۋىمەن دە بايلانىستى. ولار ءۇشىن ەلەكتروندى شاعىمدانۋ مەملەكەتتىك ساتىپ الۋدى ءۇزىپ، زاڭسىز پايدا كورۋ قۇرالىنا اينالدى. بۇل ماسەلەنى شەشۋ ءۇشىن قارجى مينيسترلىگى مەملەكەتتىك ساتىپ الۋلار تۋرالى زاڭعا شاعىمدانۋدى اقىلى ەتۋ تۋرالى وزگەرىس ەنگىزۋدى كوتەردى. بۇل تاجىريبە ەۋروپا ەلدەرىندە، ارمەنيا مەن گرۋزيادا جانە ۋكراينادا كەڭىنەن قولدانىلادى. سونىمەن بىرگە، قارجى مينيسترلىگى شاعىمدى قابىلداعان جاعدايدا تولەنگەن قاراجاتتى قايتارۋدى ۇسىندى. كەرىسىنشە، شاعىم نەگىزسىز بولسا، قاراجات بيۋدجەتكە كەتەدى»، - دەپ ءتۇسىندىردى سپيكەر.

بۇل وزگەرىستەر 2019 جىلدىڭ 1 قاڭتارىندا ەنگىزىلدى جانە مەملەكەتتىك ساتىپ الۋلار ۆەب-پورتالىن قولدانۋ اقىلى جۇيەگە اۋىستى. بۇگىنگى كۇنگە دەيىن ىقتيمال جەتكىزۋشىلەردەن 3،6 ملرد تەڭگە ءتۇستى.

«وسىعان بايلانىستى، ۆەب-پورتالدىڭ – ەلەكتروندى قارجى ورتالىعى جاقىندا ءبىرقاتار باستامانى جۇزەگە اسىرۋدى جوسپارلاپ وتىر. ياعني، پورتالدىڭ بايلانىس ورتالىعىنىڭ قىزمەتى تاۋلىك بويى جۇرگىزىلەدى. ءاربىر ساتىپ الۋدى تەكسەرەتىن مودەراتورلىق ينستيتۋتى ەنگىزىلەدى. وسىلايشا، تەحنيكالىق اقاۋلار دەڭگەيى تومەندەيدى. سونىمەن بىرگە، پورتالدا سمس-حابارلاندىرۋ جۇيەسى ەنگىزىلىپ، تاۋارلار مەن قىزمەتتەردىڭ ءبىرىڭعاي رەسپۋبليكالىق انىقتامالىعى قۇرىلادى»، - دەدى رۋسلان بەكەتاەۆ.


كەلۋ قاينارى: http://www.elarna.net/koru.php?tur=3&id=1034500

پىكىرلەر:

juz dep sifirmen jazingiz.