كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-08-16532315249 %51 %
2019-08-17559439538 %62 %
2019-08-18331171843 %57 %

الماتىداعى سەل ءقاۋپى سەيىلدى - قازاقستان جانە الەمدەگى سوڭعى جاڭالىقتار


ءتۇرى: 24.kz اقپاراتتارى

ۋاقىتى: 21:50 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.



بۇگىن تاڭ الاگەۋىمنەن جۇرتتى دۇرلىكتىرگەن الماتىداعى سەل ءقاۋپى سەيىلدى، دەپ حابارلايدى «حابار 24».

بىر ايدان بەرگى اپتاپ ىستىقتىڭ سالدارىنان تاۋداعى مۇزدىقتار ەرىپ، قارعالى وزەنىندە سۋ تاسىعان. سەل ءقاۋپى تۋرالى شۇعىل حابار تاڭعى ساعات 06:00-دە تۇسكەن.

قارعالى وزەنىندەگى سۋدىڭ قارقىن الۋىنا سەبەپ بولعان ەڭ الدىمەن تاۋداعى №1 كولدەگى سۋ دەڭگەيىنىڭ 5 مەترگە تومەندەۋى. تاڭەرتەڭنەن وقيعا ورنىنا قالا اكىمى باقىتجان ساعىنتاەۆ كەلىپ، قاجەت جاعدايدا بارلىق شۇعىل قىزمەت دايىن تۇرعانىن ايتتى.

سابيرا بايبۇلاقوۆا، قالا تۇرعىنى:

- بارىمىزگە «ۇيدەن شىعىڭىزدار» دەپ حابارلادى. ءبارىمىز دالاعا شىعىپ، كيىم، قۇجاتتارىمىزدى الىپ جۇگىردىك. ودان كەيىن ءبارى ءوتتى ەندى. «ۇيگە قايتىڭدار» دەپ جاتىر. ۇيگە قايتىپ جاتىرمىز ءبارىمىز.

قارعالى وزەنىنىڭ ساعاسى سەكۋندىنا 20 تەكشە مەتر سۋدى ەركىن جىبەرە الادى. بيىل جازدا كۇن ىستىق بولعاندىقتان، مۇزدىقتار ەرىپ، سۋ دەڭگەيى كوتەرىلگەن.

الماس سادۋاقاس، ءتىلشى:

- وسىدان 5 جىل بۇرىن ءدال وسى قارعالى وزەنىندەگى سۋ ارناسىنان تاسىپ، تاسقىن بولىپ، جۇزدەگەن ءۇيدىڭ اۋلاسىن سۋ باسقان ەدى. ال بۇل جولى ونداي اپاتتىڭ بەتى قايتقانى قۋانتادى. كۇندىز تاسىعان سۋ بىرتە-بىرتە باياۋلاپ، سايابىرسىپ، سۋ دەڭگەيى 40-50 سانتيمەتر تومەندەدى.

دەگەنمەن، ساقتىقتا قورلىق جوق. دابىل قاعىسىمەن توتەنشەلىكتەر دەرەۋ اپاتتىڭ الدىن الۋ جۇمىستارىنا كىرىستى. سەل ءجۇرۋ ءقاۋپى بار دەگەن اۋىلداردى گاز، اۋىزسۋ مەن ەلەكتر جارىعىنان ۋاقىتشا اجىراتتى. ءۇش ەۆاكۋاتسيالىق پۋنكت بەلگىلەندى. ءبىراق كوپ ۇزاماي ول پۋنكتەردىڭ قاجەتى بولمادى. ويتكەنى كوپ ۇزاماي قالالىق توتەنشە جاعداي دەپارتامەنتىنىڭ وكىلدەرى جاعدايدىڭ تۇراقتالعاندىعىن حابارلادى.

ەرلان الىبەكوۆ، قالالىق تجد باستىعىنىڭ ورىنباسارى:

- ەشقانداي ءقاۋىپ جوق. سۋدىڭ شىعىنى قازىرگى كەزدە 4،86 مەتر كۋبتى قۇراپ وتىر. بۇل ءقازىر قارعالى پلاتيناسىنان ءترانزيتتى تۇردە ءوتىپ جاتىر. سىزدەر بىلەسىزدەر، 2015 جىلى بولعان سەلدىڭ سەبەبى - قارعالىدان تومەن قاراي وزەننىڭ ماڭايى دۇرىستاپ بەكىتىلمەگەن بولاتىن. قازىرگى كەزدە ول جۇمىستار تولىعىمەن جاسالدى. قارعالى پلاتيناسىنان تومەن قاراي بەتوننان ارنايى كانال سالىنعان. ونىڭ سۋ وتكىزەتىن كۇشتىلىگى 20 مەتر كۋبتى قۇرايدى.

جالپى سەلدىڭ الدىن الۋ جۇمىستارى توقتاۋسز جۇرگىزىلىپ، تاۋداعى كولدەردە جينالعان سۋ ۋاقىتىلى اعىزىلىپ تۇرادى. ال №1 كولدەن بۇعان دەيىن 1،6 ملن تەكشە مەتر سۋ شىعارىلعان. ەلدىڭ قاۋىپسىزدىگى باستى نازاردا. سوندىقتان بۇل ايماق ءقازىر اۋەدەن باقىلانىپ، قۇتقارۋشىلار، ءتارتىپ ساقشىلارى مەن كومۋنالدىق قىزمەت وكىلدەرى كەزەكشىلىك اتقارادى. قاجەتتى تەحنيكا ساقاداي-ساي. اۋلاسىن سۋ الىپ، زارداپ شەككەن ەشكىم جوق.

اۆتورلارى: الماس سادۋاقاس، سەرجان جۇماباەۆ، ەدۋارد كون


كەلۋ قاينارى: http://www.elarna.net/koru.php?tur=38&id=1034498

پىكىرلەر:

juz dep sifirmen jazingiz.