كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-08-16532315249 %51 %
2019-08-17559439538 %62 %
2019-08-18362187043 %57 %

اقمولا وبلىسىنداعى 600 كيەلى ورىنعا QR-كود ورناتىلادى


ءتۇرى: Ult.kz ۇلىت تورابى

ۋاقىتى: 21:10 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.

اقمولا وبلىسىنداعى تاريحي-مادەني جادىگەرلەردى تسيفرلاندىرۋ ماقساتىندا 600 كيەلى نىسانعا QR-كود ەنگىزۋ جۇمىستارى جالعاسۋدا. بۇل شارالار 2020 جىلعا دەيىن تولىق جۇزەگە اسادى دەپ جوسپارلانعان.

QR-كودتىڭ باستى ارتىقشىلىعى – ءموبيلدى قوسىمشا كومەگىمەن شيفرلانعان اقپاراتتى وقي الۋىندا بولىپ وتىر. ونى كەز كەلگەن ادام قاراپايىم سمارتفوننىڭ كومەگىمەن ونلاين-رەجيمدە كورە الادى.

«تسيفرلى قازاقستان» باعدارلاماسى اياسىندا تاريحي نىسانداردى جاپپاي تسيفرلاندىرۋ جۇمىستارى قولعا الىنعان بولاتىن. قازىرگى تاڭدا وڭىردەگى 43 تابيعي جانە تاريحي-مادەني ورىنعا QR-كود ورناتىلعان. اتاپ ايتقاندا، ولاردىڭ ىشىندە بۋرابايداعى ابىلاي حان الاڭى، ەرەيمەنتاۋداعى بوگەنباي باتىر ەسكەرتكىشى، اتباسار قالاسىنداعى ءىلياس ەسەنبەرلين ەسكەرتكىشى، كوكشەتاۋ قالاسىنداعى ابىلاي حان ەسكەرتكىشى، زەرەندى اۋدانىنداعى ءۋالي حان مازارى بار. وسىلايشا، تۋريستەر، قوناقتار جانە قالا تۇرعىندارى تسيفرلىق تەحنولوگيالار ارقىلى كونە ەسكەرتكىشتەردىڭ تاريحى تۋرالى تانىمدىق اقپاراتتار الا الادى. بۇعان قوسا، QR-كود ارقىلى ونەر سالاسىنا ۇلكەن تۋىندى اكەلگەن تۇلعالاردىڭ (اقان سەرى، ءبىرجان سال) تاريحى مەن ەكىنشى دۇنيەجۇزىلىك سوعىس باتىرلارى (تالعات بيگەلدينوۆ، مالىكعابدۋللين جانە ت.ب.) تۋرالى تىڭ اقپاراتتار وقۋعا بولادى.

بۇگىنگى تاڭدا كوكشەتاۋ-نۇر-سۇلتان اۆتوجولى بويىندا جاڭادان ورناتىلعان اقان سەرى، ءبىرجان سال، بالۋان شولاق، ۇكىلى ىبىراي، كەنەسارى حان ەسكەرتكىشتەرىنە QR-كودتار قويۋ جۇمىستارى جۇرگىزىلىپ جاتىر. سونىمەن قاتار، XIX-XX عاسىرداعى ساۋلەت-ونەر ەسكەرتكىشى سانالاتىن «كوكشەتاۋ قالاسىنىڭ تاريحى مۋزەي عيماراتىنا» جانە «يۋنوست» كينوتەاتر عيماراتىنا QR-كود ورناتىلدى.

ايتا كەتەيىك، اقمولا وبلىسىندا 4 رەسپۋبليكالىق ەسكەرتكىش، 1032 جەرگىلىكتى ەسكەرتكىش جانە 757 نىسان تىركەلگەن. «قاسيەتتىقازاقستان» ەنتسيكلوپەدياسىنىڭ ءى تومىنا اقمولا وبلىسىنان 200-دەن استام تاريحي-مادەني نىسان ەنىپ وتىر. اتالعان جۇمىستار «ەسكەرتكىشتەر سىر شەرتەدى» جوباسىنىڭ اياسىندا جۇزەگە اسىپ جاتىر.


كەلۋ قاينارى: http://www.elarna.net/koru.php?tur=53&id=1034482

پىكىرلەر:

juz dep sifirmen jazingiz.