كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-12-082923931263 %37 %
2019-12-092218827250 %50 %
2019-12-1037689245 %55 %

ۇلتتىق تەاترلار قوستانايدا وتەتىن فەستيۆالعا جينالادى


ءتۇرى: Ult.kz ۇلىت تورابى

ۋاقىتى: 21:00 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.

اعىمداعى جىلدىڭ 20-23 تامىز ارالىعىندا قازاقستان رەسپۋبليكاسىنىڭ مادەنيەت جانە سپورت مينيسترلىگى قازاقستاننىڭ ۇلتتىق (ەتنيكالىق) تەاترلارىنىڭ V رەسپۋبليكالىق فەستيۆالىن وتكىزەدى.

قازىلار القاسىنىڭ قۇرامىندا ە.جۋاسبەك، م.توكارەۆ، ا.ەركەباي، س.قاميەۆ سياقتى تانىمال تەاتر سىنشىلارى مەن ارتىستەرى، سونداي-اق قازاقستان رەسپۋبليكاسى پارلامەنتى ءماجىلىسىنىڭ دەپۋتاتى ن.جۇمادىلداەۆا بار.

فەستيۆال باعدارلاماسى ءتورت كۇنگە ازىرلەنگەن. سالتاناتتى اشىلۋ ءراسىمى 20 تامىزدا ساعات 10:00-دە ءى. وماروۆ اتىنداعى قوستاناي وبلىستىق قازاق دراما تەاترىندا وتەدى.

ودان كەيىن مەملەكەتتىك رەسپۋبليكالىق اكادەميالىق كورەي مۋزىكالىق كومەديا تەاترىنىڭ ترۋپپاسى («ماحاببات تۋرالى پوەما» سپەكتاكل-ەپوسى) جانە قوستاناي وبلىستىق ورىس دراما تەاترىنىڭ ترۋپپاسى («اق كەلىننىڭ ماحابباتى مەن ءولىمى» تراگەدياسى) ۇزدىك قويىلىمدارىن ۇسىنادى.

ەكىنشى كۇنى، 21 تامىزدا، كورەرمەن الدىنا شىمكەنت قالالىق وزبەك دراما تەاترىنىڭ («قاسقىر ۇلىعان ءتۇن» دراماسى) جانە ءى. وماروۆ اتىنداعى قوستاناي وبلىستىق قازاق دراما تەاترىنىڭ ارتىستەرى («اق باس بۇركىت» دراماسى) شىعادى.

ال ءۇشىنشى كۇنى، 22 تامىزدا، تەاتر ساحناسىندا مەملەكەتتىك ك. قوجامياروۆ اتىنداعى مەملەكەتتىك رەسپۋبليكالىق اكادەميالىق ۇيعىر مۋزىكالىق كومەديا تەاترىنىڭ ۇجىمى ونەر كورسەتەدى («اپات» مۋزىكالىق پلاستيكالىق سپەكتاكلى).

فەستيۆالدىڭ سالتاناتتى جابىلۋى مەن جەڭىمپازداردى ماراپاتتاۋ ءراسىمى قازاقستان حالقى اسسامبلەياسى ءتوراعاسىنىڭ ورىنباسارى ج.ق. تۇيمەباەۆتىڭ، قر مادەنيەت جانە سپورت مينيسترلىگىنىڭ وكىلدەرىنىڭ، قوستاناي وبلىسىنىڭ اكىمى ا.ب. مۇحامبەتوۆتىڭ قاتىسۋىمەن اعىمداعى جىلدىڭ 23 تامىزىندا ساعات 10:00-دە جاستار سارايىندا وتكىزىلەدى.

سونىمەن قاتار، نەگىزگى باعدارلامادان تىس فەستيۆال قاتىسۋشىلارى ءۇشىن قوستاناي قالاسىنىڭ كورىكتى جەرلەرىن كورسەتۋگە ارنالعان مادەني باعدارلاما قاراستىرىلعان.

فەستيۆال ۇيىمداستىرۋشىلارى - قازاقستان رەسپۋبليكاسىنىڭ مادەنيەت جانە سپورت مينيسترلىگى، قازاقستان حالقى اسسامبلەياسى، قوستاناي وبلىسى اكىمدىگى.

بارلىق كورەرمەندەرگە فەستيۆالعا كىرۋ تەگىن.


كەلۋ قاينارى: http://www.elarna.net/koru.php?tur=53&id=1034479

پىكىرلەر:

juz dep sifirmen jazingiz.