كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-12-082923931263 %37 %
2019-12-092218827250 %50 %
2019-12-1037689245 %55 %

سىرتقى ىستەر مينيسترلىگى قازاقستاندىقتارعا ەسكەرتۋ جاسادى


ءتۇرى: Ult.kz ۇلىت تورابى

ۋاقىتى: 20:40 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.

سىرتقى ىستەر مينيسترلىگى شەتەلگە زاڭسىز جۇمىسقا شىعاتىن قازاقستاندىقتارعا ەسكەرتۋ جاسادى، دەپ حابارلادىSputnik قازاقستان.

قازاقستاندىقتار نورۆەگياعا بارۋعا اسىعادى

مينيسترلىكتىڭ رەسمي وكىلى ايبەك سمادياروۆتىڭ ايتۋىنشا، بۇگىندە نورۆەگيادا زاڭسىز ماۋىسىمدىق جۇمىس ىستەيتىن قازاقستاندىقتار بار. ولار ەۋروپانىڭ باسقا مەملەكەتتەرى ارقىلى شەنگەن ۆيزاسىن الىپ، سول ەلگە بارۋعا اسىعادى.

"قازاقستان ازاماتتارىنىڭ نورۆەگياعا زاڭسىز ماۋسىمدىق ەڭبەك كوشى-قون جاعدايلارىنا بايلانىستى قوعام نازارىنا كەلەسى مالىمەتتى جەتكىزەمىز. ماۋسىمدىق جۇمىسقا رۇقساتتى راسىمدەۋ جونىندەگى نورۆەگيالىق ەرەجەلەر وتە قاتاڭ. سوندىقتان نورۆەگياعا قازاقستانداعى باسقا ەۋروپا مەملەكەتتەرىنىڭ ەلشىلىكتەرى ارقىلى راسىمدەلگەن شەنگەن ۆيزاسىمەن بارۋعا جانە وسى ەلدىڭ اۋماعىندا قۇجاتتاردى ماۋسىمدىق جۇمىسشى رەتىندە بەرۋگە رۇقسات ەتىلمەيدى"، - دەدى سمادياروۆ بۇگىنگى ءباسپاسوز ءماسليحاتىندا.

ونىڭ سوزىنە قاراعاندا، ءتيىستى رۇقساتتار مەن ۆيزالاردى نورۆەگيانىڭ ماسكەدەۋگى ەلشىلىگى عانا بەرەدى. بارلىق تالاپ وسى ديپلوماتيالىق ميسسيانىڭ رەسمي سايتىندا كورسەتىلگەن.

"ماۋسىمدىق كەلىسىمشارت نورۆەگيادا التى ايدان اسپايتىن ۋاقىت ىستەۋگە مۇمكىندىك بەرەدى. ال ونىڭ مەرزىمى اياقتالعاننان كەيىن ەلدەن كەتۋدى تالاپ ەتەدى. ينتەرنەتتە وزدەرىن شەتەلدە جۇمىسقا ورنالاستىراتىن اگەنت رەتىندە جارنامالايتىن "دەلدالدار" بار، ازاماتتتاردى وسى الاياقتاردان ساق بولۋعا شاقىرامىز"، - دەپ اتاپ كورسەتتى سمادياروۆ.

"ادامدار الدانسا دا، ەشتەڭە ايتپايدى"

مينيسترلىكتىڭ رەسمي وكىلى شەتەلدە جۇمىسقا تۇرعىزۋدى ۇسىناتىن كومپانيالاردىڭ كوبەيىپ كەتكەنىن دە جەتكىزدى. ينتەرنەتتە ولاردىڭ جارنامالارى ءورىپ ءجۇر. اتالعان كومپانيالار جۇمىسقا تۇرعىزۋعا كەپىلدىك بەرمەيدى. ءبىراق اقشانى الىپ قالادى. ال قازاقستان ازاماتتارى شەتەلگە بارعاننان كەيىن الدانىپ قالعاندارىن تۇسىنەدى.

"دەلدالدار جارناما جاساپ، شەتەلدە جۇمىسقا تۇرعىزامىز دەيدى. الايدا ادامدار سول جاققا بارعاننان كەيىن الدانىپ قالعاندارىن تۇسىنەدى. ەلشىلىككە بارىپ، كومەك سۇرايدى. سوندىقتان الدىمەن باراتىن ەلدىڭ زاڭدارى مەن ەرەجەلەرىن وقىپ العان دۇرىس. ءسويتىپ، ءبارىن زاڭدى تۇردە جاساعان ءجون"، - دەيدى سمادياروۆ.

ونىڭ سوزىنە قاراعاندا، قازاقستاندىقتار كوپ جاعدايدا ەۋروپا ەلدەرىنە، سونداي-اق، وڭتۇستىك كورەياعا جۇمىس ىزدەپ بارادى. ءبىراق كوبىسى الدانىپ قالعاندارىن ايتقىسى كەلمەيدى.

"قازاقستاندىقتاردىڭ چەحيا مەن ۇلىبريتانياعا زاڭسىز بارىپ، جۇمىس ىستەۋ فاكتىلەرى دە بار. ولار تۋريستىك ۆيزامەن كىرەدى دە، سول جەردە زاڭسىز جۇمىس ىستەپ كەتەدى. ال ولاردى جىبەرگەن كومپانيالار قاجەتتى قۇجاتتاردى انە ىستەپ بەرەمىز، مىنە ىستەپ بەرەمىز دەپ، الداپ وتىرادى. ءيا، كوپ ادام الدانىپ قالعانىن ايتقىسى كەلمەيدى. سودان ارىز بەرىپ شاعىمدانبايدى. ەلشىلىككە بارىپ، جاعدايلارىن ايتادى. بولدى. ءبىراق ارى قاراي ىشكى ىستەر ورگاندارىنا بارمايدى. سوندىقتان بارىنشا ساق بولۋ كەرەك"، - دەپ ەسكەرتتى سمادياروۆ.

"اسىرەسە، ينتەرنەتتە وڭتۇستىك كورەيادا جۇمىسقا تۇرعىزامىز دەيتىن دەلدال كومپانيالار كوپ. ولار ءوز قىزمەتى ءۇشىن 2000-4000 دوللار الادى. ءبىراق ەشقانداي كەپىلدىك بەرمەيدى. ال كورەياعا زاڭسىز بارعان ادام نە ىستەيدى؟ ارينە، بەرگەن اقشاسىن قايتارىپ الۋعا تىرىسادى. سوندىقتان زاڭسىز جۇمىس ىزدەپ كەتەدى"، - دەپ تۇيىندەدى سمادياروۆ.


كەلۋ قاينارى: http://www.elarna.net/koru.php?tur=53&id=1034472

پىكىرلەر:

juz dep sifirmen jazingiz.