كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-08-18525278840 %60 %
2019-08-19580345151 %49 %
2019-08-2011054158 %42 %

قاراعاندى وبلىسىندا قۋعىن-سۇرگىنگە تۇسكەن ليتۆالىقتار تۋرالى كورمە اشىلدى


ءتۇرى: قازاقپارات جاڭالىقتارى

ۋاقىتى: 20:03 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.

قاراعاندى. قازاقپارات – قاراعاندى وبلىسى دولينكا كەنتىندەگى ساياسي قۋعىن-سۇرگىن قۇرباندارىن ەسكە الۋ مۇراجايىندا «ليتۆالىقتار قازاقستاندا» اتتى كورمە اشىلدى. ستاليندىك تەرروردىڭ قايعىلى تاريحى تۋرالى باياندايتىن ەكسپوزيتسيا «رۋحاني جاڭعىرۋ» باعدارلاماسى اياسىندا ۇيىمداستىرىلدى.

بۇل تۋرالى قاراعاندى وبلىسىنىڭ اكىمدىگى ءحابارلادى.

«بىزدىڭ ەلىمىز دەپورتاتسيالانعان ليتۆالىقتاردىڭ ومىرىندە ۇلكەن ءرول اتقاردى. قازاقستان ليتۆانىڭ قۋعىن-سۇرگىنگە ۇشىراعان تۇرعىندارىنىڭ سانى بويىنشا رەسەيدەن كەيىن ەكىنشى ورىندا تۇر. مۇندا 50 مىڭعا جۋىق ەتنيكالىق ليتۆالىقتار بولعان. قازاق دالاسىنا ءوز ەركىنەن تىس جەر اۋدارىپ كەلگەن ادامدار جەرگىلىكتى حالىقپەن كورشى بولىپ ءومىر ءسۇردى جانە بىرگە ەڭبەك ەتتى. قازاقتار ولارعا اۋىر جاعدايدا كومەكتەسىپ، ءومىر قيىندىقتارىنا توتەپ بەرۋگە جاردەمدەستى. ال ليتۆالىقتار ءوز كەزەگىندە جاقسى ۇستا بولدى، سازدان جاسالعان ىدىس-اياق جانە اعاشتان جاسالعان بۇيىمدار جاساي الدى، سول ارقىلى حالىقتاردىڭ مادەنيەتىن ءوزارا بايىتا ءبىلدى»، - دەپ اتاپ ءوتتى مۇراجاي قورىنىڭ باس ساقتاۋشىسى مارينا كلىشنيكوۆا.


كورمەدە 40-50 جىلدارداعى تاريحي قۇجاتتار، فوتوسۋرەتتەر، تۇرمىستىق زاتتار جيناقتالعان. ەكسپوزيتسيا ماتەريالدارىنان ليتۆالىقتار قانداي لاگەرلەردە جانە قايدا جۇمىس ىستەيتىنىن بىلۋگە بولادى.

قاراعاندى وبلىسى بويىنشا اتۋ جازاسىنا قيىلعان ليتۆالىقتاردىڭ ءتىزىمى، مۇراعاتتىق ىستەردىڭ كوشىرمەلەرى، لاگەرلەردەگى قاماۋداعىلاردىڭ قۇرامى مەن قوزعالىسى، ارنايى قونىس اۋدارۋشىلاردىڭ سانى جانە ت. ب. تۋرالى انىقتامالار ۇسىنىلعان. سونىمەن قاتار الجير لاگەرىندە جازاسىن وتەگەن ليتۆا ۇلتىنىڭ وكىلدەرىنە ارنالعان ستەند ورناتىلدى.


قۋعىن-سۇرگىن قاسىرەتى ناقتى ادامداردىڭ تاعدىرى ارقىلى دا بەرىلدى. ەكسپوزيتسيادا تەمىرتاۋ لاگەرلىك بولىمىندە جاسالعان اداميس ءادامونيستىڭ ءولىمى تۋرالى قۇجاتتار، سپاسسك بولىمشەسىنىڭ سوتتالۋشىسى، اسكەري تۇتقىندالعان وتتو سپوگاتتىڭ كارتوچكالارى بار.

مۇراجاي قورىنان ارنايى قونىس اۋدارۋشىلاردىڭ چەموداندارى، كاتوليكتىك حريستوس كەرىلگەن كرەست، قاماۋداعىلاردىڭ ىدىستارى مەن كيىمدەرى ۇسىنىلعان.
بۇگىندە قازاقستاندا 7 مىڭنان استام ليتۆالىقتار تۇرادى، ونىڭ 2 ء500-ى قاراعاندى وبلىسىندا. «قازاقستانداعى ليتۆالىقتار» كورمەسى 2019 جىلدىڭ 19 تامىزىنا دەيىن جالعاسادى.



كەلۋ قاينارى: http://www.elarna.net/koru.php?tur=3&id=1034455

پىكىرلەر:

juz dep sifirmen jazingiz.