كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-12-111970784544 %56 %
2019-12-121633409037 %63 %
2019-12-1331183142 %58 %

سالىق تولەۋشىلەردىڭ 2،3 ملرد تەڭگەلىك ءوسىمپۇلى كەشىرىلدى


ءتۇرى: قازاقپارات جاڭالىقتارى

ۋاقىتى: 19:27 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.
سالىق تولەۋشىلەردىڭ 2،3 ملرد تەڭگەلىك ءوسىمپۇلى كەشىرىلدى

نۇر-سۇلتان. قازاقپارات – سالىقتىق راقىمشىلىقتى جىل باسىنان بەرى 40 مىڭنان استام زاڭدى تۇلعا مەن جەكە كاسىپكەر پايدالانعان، دەپ حابارلايدى قازاقپارات ءتىلشىسى.

«قازاقستاندا كاسىپكەرلىكتى قولداۋ باعىتىندا ءبىرقاتار مەملەكەتتىك ءىس-شارا قابىلدانعانىن بىلەسىزدەر. سونى ءبىرى – قازاقستاننىڭ تۇڭعىش پرەزيدەنتىنىڭ شاعىن جانە ورتا بيزنەس سۋبەكتىلەرى ءۇشىن جاريالاعان سالىقتىق راقىمشىلىعى. ياعني، سالىق تولەۋشى نەگىزگى قارىزدى تولەگەن جاعدايدا ءوسىماقى مەن ايىپپۇلداردى سىزىپ تاستاۋ تاجىريبەسى ءبىزدىڭ ەلدە بۇرىننان بار. ەلدەگى شوب-تىڭ دامۋىنا بۇل قادام ايتارلىقتاي وڭ ىقپال ەتەدى. قازىرگى تاڭدا قازاقستاندا 830 مىڭعا تارتا شاعىن جانە ورتا بيزنەس سۋبەكتىسى بار. جىو-دەگى اتالمىش سەكتوردىڭ ۇلەسى – 28 پايىز. سوڭعى 10 جىلدا ولاردىڭ 143،7 ملرد تەڭگەلىك ءوسىمپۇلى مەن ايىپپۇلى كەشىرىلگەن»، - دەدى قر قم مكك اۋديت دەپارتامەنتىنىڭ ديرەكتورى جاندوس دۇيسەمبيەۆ قر قم مەملەكەتتىك كىرىستەر كوميتەتى مەن قازاقستان سالىق تولەۋشىلەرى قاۋىمداستىعىنىڭ بىرلەسكەن كونفەرەنتسياسىندا.

كوميتەت وكىلىنىڭ ايتۋىنا قاراعاندا، راقىمشىلىق بارلىق ساناتتاعى سالىق تولەۋشىلەردى قامتىعان. راقىمشىلىق اكتسياسىنىڭ ەل ەكونوميكاسىنا وڭ ىقپال ەتكەنىن جاندوس دۇيسەمبيەۆ ناقتى ستاتيستيكامەن دالەلدەۋگە تىرىستى.

«2015 جىلى جۇرگىزىلگەن سالىقتىق راقىمشىلىققا قاتىسقانداردىڭ 67 پايىزىنىڭ قازىرگى تاڭدا سالىقتىق قارىزى جوق. ول دەگەنىمىز – 122 مىڭ زاڭدى تۇلعا مەن جەكە كاسىپكەر. ال 2018 جىلدىڭ 1 قازانى بويىنشا رەسپۋبليكادا سالىقتىق قارىزى بار 90 مىڭنان استام شاعىن جانە ورتا بيزنەس سۋبەكتىسى بار ەدى. ولاردىڭ سالىقتىق قارىزىنىڭ جالپى سوماسى 340،6 ملرد تەڭگە بولعان. مۇنداعى نەگىزگى قارىز – 210،4 ملرد تەڭگە، ءوسىمپۇل - 122،9 ملرد تەڭگە، ايىپپۇل – 7،3 ملرد تەڭگە»، - دەدى ول.

كوميتەت وكىلى ءوز سوزىندە بيىلعى سالىقتىق راقىمشىلىق جىل سوڭىنا دەيىن جالعاساتىنىن ەسكە سالدى.

«بۇگىنگە دەيىن «شاعىن جانە ورتا بيزنەس ءۇشىن سالىقتىق راقىمشىلىق» باعدارلاماسىنا 40 391 سالىق تولەۋشى قوسىلدى. ولار جالپى سوماسى 7،8 ملرد تەڭگەلىك نەگىزگى قارىزدى وتەپ، ولاردىڭ 2،3 ملرد تەڭگەلىك ءوسىمپۇلى مەن 181 ملن تەڭگەلىك ايىپپۇلى سىزىلىپ تاستالدى»، - دەدى جاندوس دۇيسەمبيەۆ.

ەسكە سالا كەتسەك، قازاقستاندا سالىقتىق راقىمشىلىق باستالاتىنى وسى جىلدىڭ باسىندا حابارلانعان ەدى. ول بويىنشا، 2018 جىلدىڭ 1 قازانىنا دەيىن جيناقتالعان قارىزدىڭ كەلەسى جىلدىڭ اياعىنا دەيىن تولەۋ كەرەك. سوندا كاسىپكەرلەر بارلىق ايىپپۇلدار مەن ءوسىماقىلاردانبوساتىلادى.

سالىقتىق راقىمشىلىق شاراسىنىڭ ءبىرىنشى توقسانداعى ناتيجەلەرى بويىنشا سالىق تولەۋشىلەرگە 1 ملرد تەڭگە ءوسىمپۇلى كەشىرىلگەن.



كەلۋ قاينارى: http://www.elarna.net/koru.php?tur=3&id=1034433

پىكىرلەر:

juz dep sifirmen jazingiz.