كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-08-23535344954 %46 %
2019-08-24497243046 %54 %
2019-08-25395191351 %49 %

ۇلتتىق تابيعي پاركتەردى باسقارۋ مودەلى وزگەرەدى


ءتۇرى: قازاقپارات جاڭالىقتارى

ۋاقىتى: 19:09 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.

نۇر-سۇلتان. قازاقپارات – ەلدەگى مەملەكەتتىك ۇلتتىق تابيعي پاركتەردى باسقارۋدىڭ مودەلى وزگەرۋى مۇمكىن، دەپ حابارلايدى قازاقپارات ءتىلشىسى.

مەملەكەتتىك ۇلتتىق تابيعي پاركتەر بيزنەس ءۇشىن ەكولوگيالىق قاۋىپسىزدىك شەڭبەرىندە اشىق بولۋى ءتيىس. Kazakh Tourism ۇلتتىق كومپانياسى ەلدەگى 13 پاركتىڭ اۋماعىندا ءتۋريزمدى وسىنداي ۇستانىممەن دامىتپاقشى.

«كولسايداعى باستى پروبلەما ينفراقۇرىلىم ەمەس. باستى ماسەلە - تۋريسكە نە ۇسىنامىز دەگەن ماسەلە. ءتۋريستىڭ ورنالاساتىن جەرى، جالعا بەرۋ بەكەتتەرى سياقتى قوسالقى دۇنيەلەرى كوپ. امەريكا مىسالىن الاتىن بولساق، ول جاقتا ءبارى جولعا قويىلعان. ورنالاستىن جەر، قۇرالدار مەن كولىكتى جالعا بەرەتىن بەكەتتەر، اۋماقتى ارالايتىن سوقپاقتار مەن جول سىلتەيتىن كورنەكى اقپارات ناقتى جاسالعان. ءبىز دە سونداي ستاندارتتارعا تالپىنۋىمىز كەرەك»، - دەيدى كومپانيانىڭ باسقارما ءتوراعاسىنىڭ ورىنباسارى قايرات ءسادۋاقاسوۆ.

ول ءۇشىن Kazakh Tourism ۇلتتىق پاركتەردىڭ قولدانىستاعى باس جوسپارلارىن قايتا قاراپ شىقپاق.

«قولدانىستاعى باس جوسپارلارمەن تولىق تانىسقاننان كەيىن ءوز ۇسىنىسىمىزدى بەرەمىز. ۇلتتىق پاركتەردى باسقارۋدىڭ بۇعان دەيىنگى مودەلى ەكولوگياعا نەگىزدەلگەن بولاتىن. ۇلتتىق پاركتەردى جابىق ۇستاۋ ادامدى تابيعاتتان الىستاتىپ جىبەرۋى مۇمكىن. ال حالىقارالىق تاجىريبە ەكولوگيانى ساقتاي وتىرىپ تا، تۋريستەر سانىن ارتتىرۋعا بولاتىنىن كورسەتىپ وتىر. جاڭا مودەل تۋريستەر سانىن كوبەيتۋ كەزىندە ەكولوگياعا زيان كەلمەۋىن قاداعالايتىندەي ەتىپ دايىندالادى. بۇل تۇرعىدا ءبىزدىڭ دە سانامىز وزگەرۋى كەرەك. حالىق ۇلتتىق پارك اۋماعىنا دەمالۋ ءۇشىن كىرگەندە «ول جەردە سوڭىڭدا قوقىس ەمەس، اياق كيىمىڭنىڭ ءىزى عانا قالسىن» دەگەن قاعيداتتى ۇستانۋى كەرەك»، - دەدى ۇلتتىق كومپانيا وكىلى.

قايرات ءسادۋاقاسوۆ بولاشاقتا ينۆەستورلار ءۇشىن ۇلتتىق پاركتەر اۋماعىنان جەر تەلىمدەرىن الۋ شاراسى جەڭىلدەۋى مۇمكىن ەكەنىن ايتادى.

«بيزنەس پاركتەرگە كىرگەن جاعدايدا قورىق اۋماعىندا ءقازىر قولدانىلاتىن ەكولوگيالىق تالاپتاردىڭ ءبارى ساقتالاتىن بولادى. ەرەكشە كۇزەتىلەتىن اۋماقتار تۋرالى زاڭ بار ويتكەنى. جەر ۋچاسكەلەرىن بەرۋ راسىمدەرى جەڭىلدەۋى مۇمكىن. شەكتەلگەن شارۋاشىلىق قىزمەتتىڭ اياسى كەڭەيتىلۋى مۇمكىن. ءبىراق بيزنەس جاپپاي كىرە المايدى»، - دەدى ول.


كەلۋ قاينارى: http://www.elarna.net/koru.php?tur=3&id=1034422

پىكىرلەر:

juz dep sifirmen jazingiz.