كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-12-082923931263 %37 %
2019-12-092218827250 %50 %
2019-12-1010718730 %70 %

«جاس ۇلان» مەكتەبى بولاشاق ەل قورعاندارىن قابىلداۋدى باستادى


ءتۇرى: Ult.kz ۇلىت تورابى

ۋاقىتى: 18:30 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.

نۇر-سۇلتان، الماتى، قاراعاندى جانە شىمكەنت قالالارىندا «جاس ۇلان» رەسپۋبليكالىق اسكەري مەكتەبىنە وقۋعا قابىلداۋ جۇمىسى باستالدى، دەپ حابارلايدى "ۇلت اقپارات" قر قورعانىس مينيسترلىگىنە سىلتەمە جاساپ.

«اسكەري مەكتەپكە جالپى ءبىلىم بەرۋ مەكتەبىن بىتىرگەن 9-سىنىپ تۇلەكتەرى مەن 15 جاسقا تولعان (بۇل جاستان كەم بولماۋى ءتيىس) جاسوسپىرىمدەر ىرىكتەلىنىپ الىنادى. الايدا بولاشاق اسكەري قاتارعا قوسىلۋشىلار بىرنەشە كەزەڭنەن تۇراتىن كونكۋرستىق ىرىكتەۋدەن ءوتۋى ءتيىس. ىرىكتەۋ كەزەڭنىڭ باستى شارتى – ارنايى قۇجاتتاردى تاپسىرۋ، سونداي-اق بوزبالالار پسيحولوگيالىق، دەنە دايارلىعى جانە مەديتسينالىق كۋالاندىرۋ بويىنشا تەست تاپسىرادى»، دەلىنگەن حابارلامادا.

بارلىق كەزەڭنەن وتكەن تالاپكەر سوڭعى شەشۋشى كەزەڭگە جولداما الادى. قابىلداۋ كوميسسياسى اتالعان ءۇش كەزەڭنىڭ ناتيجەسى مەن ورتا مەكتەپتى ءبىتىرۋدى راستاۋشى قۇجات بويىنشا جالپى ۇپايدى سانايدى. بۇدان جاس ۇلاننىڭ وقۋعا ءتۇسۋى شەشىلەدى. قابىلداۋ كوميسسياسى 21 تامىزعا دەيىن جۇمىس ىستەيدى. كەلەسى كۇنى رەسمي تۇردە بولاشاق ءبىلىم وشاعىنا قابىلدانۋشى ۇمىتكەرلەردىڭ قاتارى انىقتالاتىن بولادى.

نۇر-سۇلتانداعى قابىلداۋ كوميسسياسىنىڭ مالىمەتىنشە، ەلوردالىق اسكەري مەكتەپكە قازاقستاننىڭ تۇكپىر-تۇكپىرىنەن كەلگەن 420-دان استام ءجاسوسپىرىم قۇجاتتارىن تاپسىرعان. بيىلعى جىلى كونكۋرستىق ىرىكتەۋدە ءبىر ورىنعا 3 ۇمىتكەر تالاپتانىپ وتىر.

قابىلداۋ كوميسسياسى جۇمىسى اياقتالعان سوڭ، اسكەري مەكتەپكە قابىلداۋ 22 تامىز كۇنى مەكتەپ باسشىسىنىڭ بۇيرىعىمەن بەكىتىلەدى.

ايتا كەتەرلىگى، «جاس ۇلان» رەسپۋبليكالىق مەكتەبى – جالپى ورتا ءبىلىم بەرۋ باعدارلامالارى بويىنشا مەملەكەتتىك جانە شەت تىلدەرىن، اسكەري پاندەردى تەرەڭدەتىپ وقىتاتىن، سونداي-اق دەنە شىنىقتىرۋدى دايارلاۋدى جۇزەگە اسىراتىن اسكەري وقۋ ورنى.

بۇگىنگى تاڭدا «جاس ۇلان» مەكتەبىنىڭ كوپتەگەن بىتىرۋشىلەرى قازاقستان، رەسەي، بەلارۋس، قىتاي، تۇركيا جانە گەرمانيا جوعارى اسكەري وقۋ ورىندارىنا ءتۇسىپ، ەلىمىزدىڭ قارۋلى كۇشتەرى نەمەسە وزگە ەلدەردىڭ الەۋەتتى قۇرىلىمدارىندا قىزمەت اتقارۋدا.


كەلۋ قاينارى: http://www.elarna.net/koru.php?tur=53&id=1034393

پىكىرلەر:

juz dep sifirmen jazingiz.