كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-08-18525278840 %60 %
2019-08-19580345151 %49 %
2019-08-20389195264 %36 %

زارينا دياس تسينتسينناتي ءتۋرنيرىنىڭ ەكىنشى اينالىمىنا شىقتى


ءتۇرى: Ult.kz ۇلىت تورابى

ۋاقىتى: 17:40 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.

قازاقستاندىق زارينا دياس تسينتسينناتي (اقش) WTA ءتۋرنيرىنىڭ ەكىنشى اينالىمىنا شىقتى، دەپ حابارلايدى قازاقپارات ءتىلشىسى.

دۇنيەجۇزىلىك رەيتينگتە 80-ورىندا تۇرعان ز.دياس باستاپقى كەزدەسۋىن «ۇلكەن دۋلىعا» تۋرنيرلەرىنىڭ 23 مارتە جەڭىمپازى، اتاقتى امەريكالىق سەرەنا ۋيليامسپەن وتكىزۋى ءتيىس بولاتىن.

الايدا س.ۋيليامس جەمە-جەمگە كەلگەندە، جاراقاتىنا بايلانىستى جارىسقا قاتىسۋدان باس تارتتى.

ۇيىمداستىرۋشىلارعا اياق استىنان امەريكالىق، الەمنىڭ 56-راكەتكاسى دجەسسيكا پۋگەلانى شاقىرۋىنا تۋرا كەلدى.

ورتالىق كورتتا وتكەن ماتچتىڭ ءبىرىنشى پارتياسىن قارقىندى باستاعان زارينا 5:0 ەسەبىمەن العا شىقتى.

وسىدان كەيىن سەتتى قينالماي بىتىرۋگە بولاتىن ەدى. ايتسە دە زارينا بىرنەشە سەتبولدى پايدالانا المادى. امەريكالىق تەننيسشى تارازى باسىن تەڭەستىرىپ ۇلگەردى. دەگەنمەن ز.دياس قايراتىنا قايتا ءمىنىپ، قاتارىنان قوس گەيمدى الا ءبىلدى - 7:5.

ەكىنشى پارتيادا دا زارينا ەسەسىن جىبەرمەدى - 6:4.

باسەكە ەكى ساعاتقا جۋىق ۋاقىتقا سوزىلدى.

بۇل - تەننيسشىلەردىڭ ءوزارا ءۇشىنشى كەزدەسۋى. بيىل ينديان-ۋەللس دوداسىندا امەريكالىق سپورتشى 6:1، 6:1 ەسەبىمەن جەڭگەن بولاتىن. بىرنەشە كۇن بۇرىن وسى تسينتسينناتيدە ىرىكتەۋ سايىستارىنىڭ فينالىندا ءۇش ساعاتقا جۋىق ۋاقىتقا سوزىلىپ، اسا تارتىستى وتكەن كەزدەسۋدە زارينا قارسىلاسىن تىزە بۇكتىرىپ، نەگىزگى تۋرنيرگەجولداما العان ەدى.

ز.دياس تسينتسينناتي ءتۋرنيرىنىڭ ەكىنشى اينالىمىندا الەمنىڭ 22-راكەتكاسى، اقش-تىڭ جاس جۇلدىزدارىنىڭ ءبىرى، 1998 جىلى ماسكەۋدە دۇنيەگە كەلگەن سوفيا كەنينمەن شەبەرلىك بايقاسادى.


كەلۋ قاينارى: http://www.elarna.net/koru.php?tur=53&id=1034361

پىكىرلەر:

juz dep sifirmen jazingiz.